FM97.5 / LIVE

მეეზოვე: სამსახურიდან ჩემი გათავისუფლება მერის დავალებით სცადეს

მთავარისიახლე, პოლიტიკა, სამართალი 06.11.2018
ახალციხელი მეეზოვე მანანა იგითხანიშვილი ამბობს, რომ მუნიციპალიტეტის მერთან ზაზა მელიქიძესთან მის უბანში წინასაარჩევნოდ გამართულ შეხვედრაზე კამათი მოუვიდა. ამის გამო კი არჩევნების შემდეგ მისი სამსახურიდან გათავისუფლება სცადეს.

მეეზოვე: სამსახურიდან ჩემი გათავისუფლება მერის დავალებით სცადეს

ახალციხის მუნიცპალიტეტის მერიის შპს „კეთილმოწყობის“ სამსახურის თანამშრომელი მანანა იგითხანიშვილი ამბობს, რომ საპრეზიდენტო არჩევნების მეორე დღეს, 29 ოქტომბერს საღამოს ფარული ნომრით დაურეკეს და უთხრეს, რომ იგი სამსახურიდან გათავისუფლებულია.

„მამაკაცის ხმა იყო, მითხრა მეეზოვის ფორმა და ყველა ატრიბუტი მოიტანე ხელშეკრულება აღარ გიგრძელდებაო. არ უთქვამს ვინ იყო“, – ამბობს მანანა იგითხანიშვილი და ამატებს, რომ ამის შესახებ მისმა უფროსმა შპს „კეთილმოწყობის“ დირექტორმა კობა კურტანიძემ არაფერი იცოდა – „მე ვიცოდი, რომ ეს იყო გაკეთებული „ოცნების“ მხრიდან. ერთი წუთითაც არ დამიშვია, რომ მე გამათავისუფლა ჩემმა სამსახურმა. იმ ღამესვე დავურეკე კობას და დილით კაცი შეწუხებული მოვიდა, მითხრა მანანა რა მოხდა გამაგებინეო“.

კობა კურტანიძე აცხადებს, რომ მანანა იგითხანიშვილი სამსახურიდან არავის გაუთავისუფლებია, მას თვის ბოლოს ხელშეკრულება დაუმთავრდა და ისევ გაუგრძელდა: „მე არ ვიცი ვინ დაურეკა, ეს მას ჰკითხეთ. ხელშეკრულება რომ უმთავრდება პირს, ის ავტომატურად გათავისუფლებულია, მაგრამ იგითხანიშვილი სამსახურიდან არ გაგვიშვია“.

იგითხანიშვილი ფიქრობს, რომ მისი სამსახურიდან გაშვების მცდელობის მიზეზი წინასაარჩევნო პერიოდში ახალციხის მუნიციპალიტეტის მერთან ზაზა მელიქიძესთან კამათი გახდა.

„სამი წელია ვითხოვ ადგილობრივი თვითმმართველობისგან ჩემი ავარიული სახლის გამაგრებას და მინების ჩასმას, მაგრამ ყურადღებას არავინ მაქცევს. არჩევნებამდე ორი დღით ადრე, ჩვენს უბანში მოვიდა ზაზა მელიქიძე, ვუთხარი რომ ნუ ატყუებთ ხალხს, თქვენ არ ხართ არაფრის გამკეთებელი–მეთქი. ჩემი დაც ეჩხუბა. შემდეგ არჩევნების დღეს რაბათის ერთ–ერთ უბანზე გაერთიანებული ოპოზიციის წარმომადგენელი ვიყავი, ამიტომ ცადეს ჩემი სამსახურიდან გაგდება“, – ამბობს მანანა იგითხანიშვილი.

მან იმ ღამესვე, როცა სამსახურიდან გათავისუფლების შესახებ დაურეკეს, როგორც თავად ამბობს, არასამთავრობო ორგანიზაციების წარმომადგენლებს, ჟურნალისტებსა და პოლიტიკოსებს მომხდარის შესახებ შეატყობინა: „არჩევნების მეორე დღეს, ორშაბათს, 29 ოქტომბერს, ვიმუშავე, სამშაბათს რადგან მითხრეს, რომ გათავისუფლებული ვიყავი აღარ გავსულვარ სამსახურში, ამავე საღამოს 30 ოქტომბერს იგივე ხმამ დაფარული ნომრით დამირეკა და მითხრა, რომ ხელშეკრულება გამიგრძელეს“, – გვიყვება იგითხანიშვილი.

ახალციხის მერი ზაზა მელიქიძე ამბობს, რომ არც მანანა იგითხანიშვილს იცნობს და არც მასთან კამათი ახსენდება: „არ მახსენდება ასეთი ფაქტი. მინდა გითხრათ, რომ დღეს ჩვენ ყველა ერთად ვაშენებთ დემოკრატიულ ქვეყანას და დემოკრატიულ ქვეყანაში ასე სამსახურიდან არ ითხოვენ. არ ვიცი რატომ ფიქრობს ასე, ეს მას უნდა ჰკითხოთ. არამგონია ეს სწორი ინფორმაცია იყოს“.

იგითხანიშვილი ამბობს, რომ 11 წელია შპს „კეთილმოწყობაში“ მუშაობს და ყოველდღე, დაახლოებით, სამ კილომეტრს გვის. ყველა თანამშრომელს სამსახური კი ერთთვიან ხელშეკრულებას უფრომებს: „ჩვეულებრივი მონები ვართ, არამგონია სხვისთვისაც დაერეკათ და ეთქვათ მსგავსი, რამ. იციან, რომ მე ოპოზიციონერი ვარ და არ ვემორჩილები „ოცნებას“ ამიტომ დამირეკეს. მე არავის მხარდამჭერი ვარ არც გადამკვდარი მიშისტი ვარ და არც სალომეა ჩემი მამიდაშვილი“.

[თინათინ ზაზაძე, ახალციხე]


11.09.2019 ახალქალაქის ერთ სკოლაში 16 სექტემბერს სწავლა არ დაიწყება

10.09.2019 ახალციხეში წარჩინებულ სტუდენტებს წიგნები გადასცეს [ფოტო]

10.09.2019 ახალ სასწავლო წელს ანდის სკოლას მოსწავლეები არ ეყოლება

10.09.2019 ახალციხის მეორე სკოლაში სარემონტო სამუშაოები სწავლის დაწყებამდე ვერ დასრულდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.09.2019 ახალციხის ციხეზე, მუზეუმთან შენობის ჭერი დაზიანებულია

12.09.2019 თისელის სამონასტრო კომპლექსს რესტავრაციისთვის ამზადებენ

11.09.2019 დაავადებათა კონტროლის ცენტრი მშობლებს მოუწოდებს ბავშვები წითელაზე აცრან

11.09.2019 მორწმუნეები თავკვეთულას ტაძარში [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

მსგავს თემაზე

ახალციხეში ‘კეთილმოწყობის’ სამსახურიდან  მეეზოვეები გაათავისუფლეს
‘ვინც ვყვიროდით გამოგვიშვეს' – მეეზოვეები ‘კეთილმოწყობაში’ აუდიტის შესვლას ითხოვენ
სამსახურიდან გათავისუფლებული მეეზოვე სასამართლოში ჩივილს აპირებს
”ქართული ოცნების” აქტივისტები სამსახურიდან გაათავისუფლეს
ადიგენში ”ქართული ოცნების” აქტივისტი სამსახურიდან გაათავისუფლეს
ახალციხეში ორსაუკუნოვანი ისტორიული სახლი ნგრევის პირასაა
მეეზოვის საქმეზე გადაწყვეტილება დღეს, 17 მაისს გამოცხადდება