FM97.5 / LIVE

სამცხე–ჯავახეთში შსს დეპუტატის მიერ შესაძლო გარყვნილი ქმედების ფაქტს იძიებს

მთავარისიახლე, სამართალი 05.11.2018
სამცხე–ჯავახეთში ერთ–ერთი მუნიციპალიტეტის საკრებულოს დეპუტატის მიერ არასრულწლოვანთან შესაძლო გარყვნილი ქმედების ფაქტზე შსს–მ ძიება დაიწყო. დეპუტატი მომხდარს უარყოფს და ამბობს, რომ იგი პოლიციამ უკვე დაკითხა და ყველაფერს სამართალდამცველები გაარკვევენ.

სამცხე–ჯავახეთში შსს დეპუტატის მიერ შესაძლო გარყვნილი ქმედების ფაქტს იძიებს

დეპუტატის მიერ 15 წლის გოგონასთან მიმოწერა ე.წ. სქრინებით სოციალურ ქსელში გავრცელდა. ფოტოებში ჩანს, რომ დეპუტატი გოგონას ჯერ სახელს, შემდეგ კი ასაკს ეკითხება, გოგონა წერს, რომ ის 15 წლისაა : „პატარა ხარ, მაგრამ გენდომება უკვე“, – პასუხობს დეპუტატი.

დეპუტატს „სამხრეთის კარიბჭესთან“ მომხდარის შესახებ დეტალებზე საუბარი არ სურს, თუმცა აცხადებს, რომ მიმოწერა, რომელიც სოციალურ ქსელში გავრცელდა მის მიერ დაწერილი არ არის: „ეგ რაც არის სრული აბსურდია ყველაფერი! გამოძიება დაწყებულია და ის გასცემს პასუხს ყველა კითხვაზე. დასასჯელი ვინც იქნება დაისჯება, მეტი არაფერი მაქვს სათქმელი. მე გამიკეთეს პირადად და ეს ყველაფერი გაავრცელეს“, – ამბობს დეპუტატი და არ აკონკრეტებს გაკეთებაში რას გულისხმობს.

დეპუტატის ფეისბუქის პირადი გვერდი სოციალურ ქსელში დღეს, ხუთ ნოემბერს, უკვე აღარ იძებნება, თუმცა ე.წ. სქრინშოთში არსებული ფოტო და დეპუტატის პირადი გვერდის მონაცემები ერთმანეთს ემთხვევა.

„სამხრეთის კარიბჭე" იმ პირის ავთენტურობას, ვისაც დეპუტატი სავარაუდოდ წერს, ვერ ადგენს. აღნიშნული პირი იდენტიფიცირებული ამ დრომდე არც საგამოძიებო ორგანოს ჰყავს: „იმისთვის რომ დავადგინოთ, თუ ვინაა მიმოწერის ადრესატი, ინტენსიურ საგამოძიებო მოქმედებებს ვახორციელებთ“, – გვითხრეს შსს–ში.

საკრებულოში, სოციალური ქსელის საშუალებით გავრცელებული „სქრინშოთების“ შესახებ გუშინ, ოთხ ნოემბერს, გაიგეს. როგორც თავმჯდომარე ამბობს, მას შემდეგ იგი დეპუტატთან დაკავშირებას ცდილობს, თუმცა უშედეგოდ: „დარწმუნებული ვარ, რომ ეს რაღაც გაუგებრობაა. ეს ადამიანი ძალიან წესიერი და პატიოსანია. უბრალოდ მეტს ვერაფერს გეტყვით, რადგან ჯერ დეპუტატთან საუბარი არ მქონია. სავარაუდოდ ის პოლიციაშია გამოკითვაზე და ტელეფონს ვერ პასუხობს. როდესაც მასთან გასაუბრებას შევძლებ, ამის შემდეგ მეტი მეცოდინება".


სოფელში დეპუტატის მიერ არასრულწლოვანთან სავარაუდო მიმოწერის შესახებ არაფერი იციან. ადგილობრივები ფიქრობენ, რომ ეს სიცრუე იქნება.

„ჩემი მეგობარია. ვფიქრობ, რომ ეს მოწყობილია. ეს ადამიანი მაგის გამკეთებელი კი არა ჩამფიქრებელიც კი არ არის. ვერ გეტყვით ვინ გააკეთა, თუმცა ეს მოგონილია. ყველას გვიკვირს, მე გამოვრიცავ მსგავს რამეს“, – ამბობს სოფელში სკოლის ერთ–ერთი მასწავლებელი.

დეპუტატის ოჯახში კი ამბობენ, რომ მას ფეისბუქი საერთოდ არ აქვს: "არც მე და არც ჩემს მეუღლეს ფეისბუქი არ გვაქვს. ეს დიდი ტყუილია, მე ამაში დარწმუნებული ვარ“, – გვითხრა დეპუტატის მეუღლემ.

იგივეს აცხადებენ მის მეზობლად მცხოვრებლებიც: „ძალიან წესიერი კაცია, მისგან მსგავსი არასდროს არაფერი გაგვიგია“.

საკრებულოში დეპუტატები აცხადებენ, რომ თუ მათ კოლეგას გარყვნილი ქმედების ფაქტი დაუდასტურდება, საკრებულოში მისი მანდატის მოხსნის შესახებ საკითხს დააყენებენ.

[თინათინ ზაზაძე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.11.2019 სეს-მა ახალციხეში მუსლიმური სკოლა-პანსიონი დააჯარიმა

18.11.2019 'პოლიციამ გამოიჩინა პროფესიონალიზმი და იმოქმედა კვალიფიციურად'– კახა კალაძე

18.11.2019 პარლამენტთან აქციის დაშლის შემდეგ საავადმყოფოში სამი პირი გადაიყვანეს

18.11.2019 არასამთავრობო ორგანიზაციების საგანგებო განცხადება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

დეპუტატი შესაძლო გარყვნილი ქმედების საქმეზე: ‘პიროვნებას, ვისაც ვწერდი, არ ვიცნობდი’
'ოცნების' დეპუტატის შვილთან მომხდარი ჩხუბის გამო პოლიციელმა სამსახური დატოვა
გენადი ბოლქვაძე საკრებულოში დეპუტატის საქმიანობას შეუდგა
‘მე ვარ მატყუარა და თაღლითი’- ახალქალაქში ურნებზე 'ოცნების' დეპუტატის პლაკატები გააკრეს
განხეთქილება ბორჯომში, ‘პატრიოტთა ალიანსის’ დეპუტატებში
ბორჯომის საკრებულოში მომხდარზე შსს–მ ძიება მუქარის მუხლით დაიწყო
ნიკა მელიას დეპუტატის მანდატი აღარ იცავს