FM97.5 / LIVE

დედა, რომელსაც შვილის ცემისთვის ასამართლებენ, პოლიციას შეურაცხყოფაში ადანაშაულებს

მთავარისიახლე, სამართალი 24.10.2018
ხუთი წლის შვილის ცემაში ბრალდებული, 37 წლის ქალი, ახალციხის რაიონული სამმართველოს უფროსს ლევან ტორუასა და პოლიციის სხვა თანამშრომლებს სიტყვიერ შეურაცხყოფაში ადანაშაულებს. მომხდარს გენერალური ინსპექცია იკვლევს.

დედა, რომელსაც შვილის ცემისთვის ასამართლებენ, პოლიციას შეურაცხყოფაში ადანაშაულებს

37 წლის ქალი, ახალციხის რაიონულ სამმართველოში მცირეწლოვან შვილებთან და მეუღლესთან ერთად 21 სექტემბერს გადაიყვანეს. ამ დღეს, მეზობელმა 112–ზე დარეკა, იმ მიზეზით, რომ დედა ხუთი წლის ბიჭს სცემდა. შეტყობინების საფუძველზე ოჯახი გამოსაკითხად, ხუთი წლის ბიჭი კი ექსპერტიზის ჩასატარებლად პოლიციაში წაიყვანეს.

„მაგ ღამეს პოლიციაში აგდებულად მელაპარაკებოდნენ, თითქოს დამნაშავე ვიყავი. მეუბნებოდნენ, რომ სომეხი ქართველ ბავშვებს რა უფლებით ვზრდი და რა უფლებით ცემო. ვუმტკიცებდი, რომ ბავშვს ხელს არ ვაკარებდი, მაგრამ საპასუხოდ მაინც შეურაცხყოფას მაყენებდნენ“, – გვიყვება დედა, რომელიც იმავე ღამეს შვილის ცემის ბრალდებით პასუხისგებაში მისცეს.

მისი თქმით, პოლიციელები მის მიმართ განსაკუთრებით აგრესიულები მაშინ გახდნენ, როცა სოციალური მომსახურების სააგენტოს თანამშრომლებს მცირეწლოვანი ბავშვები სამმართველოს შენობიდან გაჰყავდათ: „შვილები ყველა საფუძვლის გარეშე მომტაცეს. ხელიდან გამომგლიჯეს და მიჰყავდათ, ამ დროს ბავშვები ყვიროდნენ და ჩემთან ყოფნა უნდოდათ, მეც წამოვხტი და გავიქეცი მათკენ, მაგრამ პოლიციელებმა დამიჭირეს და ორივე ხელი გადამიგრიხეს, კინაღამ მომტეხეს, მაგინებდნენ და მეუბნებოდნენ, შენი სომეხი დედაო და კიდევ ათას სიბინძურეს მეძახდნენ“.
ქალი ამბობს, რომ სოციალური სააგენტოს თანამშრომლისთვის ბავშვების გამორთმევა მისმა მეუღლემაც სცადა: „მაგრამ პოლიციელებმა წიხლი დაარტყეს და სადღაც კუთხეში შეტენეს, კაცი ვეღარ ინძრეოდა“.

როგორც ბრალდებული ყვება, ყველაფერს რაც პოლიციაში ხდებოდა, ახალციხის რაიონული სამმართველოს უფროსი ლევან ტორუა ტელეფონით იღებდა: „თავისი ტელეფონი ჰქონდა ჩართული და თან დამცინოდა“.

იმ ღამესვე, 37 წლის ქალმა, პოლიციელების მხრიდან განხორციელებული ზეწოლის შესახებ შინაგან საქმეთა სამინისტროს გენერალურ ინსპექციას ცხელი ხაზის საშუალებით შეატყობინა. უწყებაში ამბობენ, რომ შეტყობინებაზე მოკვლევა მიმდინარეობს.

შინაგან საქმეთა სამინისტროში პოლიციელების მხრიდან სიტყვიერი, ასევე, ფიზიკური შეურაცხყოფის ბრალდებებს, კატეგორიულად უარყოფენ: „დაკავებული პოლიციელებს შეურაცხყოფას თვითონ აყენებდა და კანონსაწინააღმდეგოდ მოქმედებდა“.

უწყების ინფორმაციით, ამ დღეს სამართალდამცველებმა დედას ბავშვზე ძალადობისთვის, შემაკავებელი ორდერი გამოუწერეს: „მისი შინაარსის გაცნობისას პოლიციელებს შეურაცხყოფა მიაყენა. ასევე, შეურაცხყოფა მიაყენა სამართალდამცველებს, როდესაც მის არასრულწლოვან შვილს სამედიცინო ექსპერტიზას უტარებდნენ. ეს ყველაფერი ასახულია ვიდეოკამერაზე“.

პოლიციელების დაუმორჩილებლობისთვის ახალციხის რაიონულმა სასამართლომ მეორე დღეს, 22 სექტემერს ბრალდებული 1 000 ლარით დააჯარიმა.

[ლუბა გიორგაძე, ახალციხე]


15.09.2020 საფეხური: როგორ იცავენ რეკომენდაციებს ბორჯომის სკოლებში [აუდიო]

15.09.2020 ქალაქ ახალციხის სკოლებში 366 პირველკლასელი მივიდა

15.09.2020 სკოლებში ახალი სასწავლო წელი დაიწყო

14.09.2020 15 სექტემბერს სწავლა ბორჯომის ყველა საჯარო სკოლაში განახლდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

16.09.2020 ‘მამის შემდეგ ჩემზე ძალადობა ქმარმა განაგრძო’– მსხვერპლი

15.09.2020 ‘2 თვეა წყალი არ გვაქვს’ - ვარევანის მოსახლეობა

15.09.2020 ‘ისევ შემოსავლის გარეშე ვრჩებით’ - მეყვავილეები ქორწილებისა და ღონისძიებების აკრძალვაზე

15.09.2020 ახალციხესა და მიმდებარე სოფლებში სასმელი წყლის სისტემის რეაბილიტაცია იწყება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

03.09.2020 SKამბები: თუთუნიდან – სოფლის დაცლამდე [აუდიო]

26.08.2020 SKამბები: წირელი პეტროსიანები [აუდიო]

მსგავს თემაზე

ახალციხეში დედას ხუთი წლის შვილის ცემისთვის ასამართლებენ [Video]
დედას შვილის ცემისთვის გამამტყუნებელი განაჩენი გამოუტანეს
დედას, რომელსაც შვილების ცემაში ადანაშაულებენ  ბავშვები დაუბრუნეს
ახალციხის პოლიციაში დანით შეიარაღებული კაცი შევარდა
23 წლის ბიჭი დის ცემის ბრალდებით პასუხისგებაში მისცეს
შსს: ბავშვზე ძალადობის ფაქტზე 12 მეზობლის ხელმოწერით განცხადება შემოვიდა
ქმარზე ძალადობისთვის ქალი პასუხისგებაში მისცეს