FM97.5 / LIVE

სამცხე–ჯავახეთში ტექდათვალიერებას დღეში, საშუალოდ, 10 მანქანა გადის

მთავარისიახლე, ეკონომიკა 24.10.2018
სამცხე–ჯავახეთში ავტომობილის პერიოდული ტექნიკური ინსპექტირების ერთადერთი ცენტრი ახალციხეში, საბარგო სადგურზე მდებარეობს. რეგიონულ ცენტრს სამი სპეციალისტი ემსახურება.

სამცხე–ჯავახეთში ტექდათვალიერებას დღეში, საშუალოდ, 10 მანქანა გადის

სამცხე–ჯავახეთში ავტომობილის პერიოდული ტექნიკური ინსპექტირების ცენტრში ამბობენ, რომ სავალდებულო ტექინსპექტირების მესამე ეტაპი აქტიურად მიმდინარეობს: „M1 მაღალი მოცულობის ძრავების მქონე ავტომობილები მოწმდება ახლა. დღის განმავლობაში, 10 მანქანას მაინც ვათვალიერებთ“.

საქართველოში სავალდებულო ტექდათვალიერება 2018 წლის პირვლი იანვრიდან დაიწყო და ოთხ ეტაპს მოიცავს. სამი იანვრიდან დაიწყო სამგზავრო (რვა ადგილის ზემოთ) და სატვირთო (3,5 ტ. ზემოთ) ავტომანქანების ტექნიკური ინსპექტირება, ხოლო პირველი ივლისიდან სახელმწიფო უწყებებისა და იურიდიული პირების კუთვნილი ავტომანქანების.

ამჟამად მესამე ეტაპი, M1 3000 კუბურ სანტიმეტრის, ან მეტი მოცულობის ძრავების მქონე ავტომობილების ინსპექტირება მიმდინარეობს. ხოლო 2019 წლის პირველი იანვრიდან, ტექნიკური ინსპექტირების ყველაზე მასშტაბური – M1 (მსუბუქი) კატეგორიის ყველა ავტოსატრანსპორტო საშუალების ინსპექტირება დაიწყება.

სამცხე–ჯავახეთში ტექდათვალიერებას დღეში, საშუალოდ, 10 მანქანა გადის

„პირველ რიგში მაყუჩიდან სპეციალური მოწყობილობით ვამოწმებთ რა რაოდენობის CO–ს გამოყოფს ავტომობილი, თუ გამონაბოლქვის რაოდენობა ნორმას არ აღემატება მერე ინსპექტირება სამუხრუჭო სისტემის შემოწმებით გრძელდება. ასევე, მოწმდება საბურავები, მანქანის სავალი ნაწილი, საჭით მართვის სისტემა, ფარები და სხვა ნაწილები“, – გვიხსნის ავტომობილის პერიოდული ტექნიკური ინსპექტირების ცენტრის დირექტორი ნუგზარ აღდგომელაძე.

სამცხე–ჯავახეთის ინსპექტირების ცენტრს, სამი ინსპექტორი ემსახურება. იმ ავტომანქანების ტექნიკური შემოწმება, რომლის წონაც 3 500 კილოგრამს აღემატება, 100 ლარი ღირს, ხოლო 3 500–ზე ნაკლების 60 ლარი. გადახდა ინსპექტირების ადგილზე, ჩასარიცხი აპარატით არის შესაძლებელი.

„თუ მანქანა ხარვეზიანი აღმოჩნდა, მფლობელს ვაძლევთ ერთ თვეს ხარვეზის გამოსასწორებლად და ამ პერიოდში განმეორებითი შემოწმება უფასოა“, – ამბობს ტექნიკური მენეჯერი, სუმბა ძელოიანი.

ტექნიკური შემოწმების გასავლელად სტეფან დავითიანი ახალქალაქიდან ჩამოვიდა: „ტექნიკურ ინსპექტირებას პირველად გავდივარ, ჩემთვისაც კარგია იმის ცოდნა, რომ ავტომობილი გამართულია“.

„პირველად ტექდათვალიერება მუხრუჭების გაუმართაობის გამო ვერ გავიარე, ახლა გავმართე და იმედია გავივლი ამ პროცედურებს. ამ მარშუტკით მგზავრები ახალციხე–თბილისის მიმართულებით გადამყავს“, – ამბობს ახალციხელი ანზორ ბალახაშვილი.

სავალდებულო ტექინპსექტირების გასავლელად ერთწლიანი ვადა აქვთ ავტომობილის მძღოლებს, მიკროავტობუსებისას კი ექვსი თვე.

ავტოტრანსპორტის მძღოლი, რომელიც პერიოდულ ტექნიკურ ინსპექტირებას ერთი წლის მანძილზე არ გაივლის, 50 ლარის ოდენობით დაჯარიმდება, ხოლო იურიდიული პირი, ან ინდმეწარმე 200 ლარით.

ავტომობილის მძღოლი ვალდებულია, ტექნიკური დათვალიერების გასვლიდან ერთი წლის შემდეგ ავტომობილი ხელახლა შეამოწმოს. ასევე, ინსპექტირების შესახებ დამატებითი ინფორმაციისთვის მუშაობს სპეციალური ცხელი ხაზიც – 1484.

ქვეყნის მასშტაბით ტექნიკური ინსპექტირების 36 ცენტრი ფუნქციონირებს.

პერიოდული ტექნიკური ინსპექტირების რეფორმა ევროკავშირთან ასოცირების შეთანხმების შესაბამისად ხორციელდება.

სამცხე–ჯავახეთში ტექდათვალიერებას დღეში, საშუალოდ, 10 მანქანა გადის

[ავთო ინასარიძე, ახალციხე]


30.06.2020 საფეხური: როგორ ჩატარდება ეროვნული გამოცდები [აუდიო]

27.06.2020 აბიტურიენტებს საგამოცდო ბარათის ამობეჭდვა დღეიდან შეუძლიათ

26.06.2020 სამცხე–ჯავახეთიდან აბიტურიენტები სომხეთში წასვლას შეძლებენ – სომხური მედია

26.06.2020 სომეხი აბიტურიენტები ეროვნული გამოცდების ჩასაბარებლად ერევანში ვერ მიდიან

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.07.2020 პოლიციელებს ხელფასი 125 ლარით გაეზარდათ

01.07.2020 70 წელს ზემოთ პენსიონერებისთვის პენსია 30 ლარით იზრდება

01.07.2020 შშმ პირებს პენსია 30 ლარით ეზრდებათ

30.06.2020 სარო – დევების სამფლობელო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

დღეიდან მანქანების პერიოდული ტექნიკური ინსპექტირების მეორე ეტაპი დაიწყო
რამდენი ლარით დაჯარიმდებით  თუ ტექდათვალიერებას არ გაივლით
რამდენმა მანქანამ გაიარა ტექდათვალიერება 2019 წელს სამცხე-ჯავახეთში
თხევადი აირბალონისა და სისტემის ტექნიკური შემოწმება სავალდებულო გახდა
კვირის აქცენტი: ავტომობილის ტექნიკური ინსპექტირება [ვიდეო]
ახალციხეში ტექდათვალიერების ცენტრთან ავტომობილების რიგებია
ინსპექტირებისთვის მანქანის მფლობელებმა 16 მილიონი ლარი დახარჯეს