FM97.5 / LIVE

მწყურვალი სოფელი

მთავარისიახლე, ბლოგები 20.10.2018
ცაულინა მალაზონიას ბლოგი ჯავახეთიდან

მწყურვალი სოფელი

ზამთრის მიწურულს სკოლაში მეზობელი სოფლიდან ათიოდე ფერმერი მეწვია, უწყლობამ გაგვაწამა და იქნებ დაგვეხმაროთ, რეგიონის ხელმძღვანელობას ხმა მივაწვდინოთ, რომ ზაფხულამდე როგორმე პრობლემა მოგვიგვარონო.

თურმე ადგილობრივ დონეზე ვიზიტებმა და სიტყვიერმა დაპირებებმა შედეგი რომ ვერ გამოიღო, ახალქალაქის მუნიციპალიტეტის სოფელ ტირკნის თავკაცებმა გადაწყვიტეს წერილობით დაეფიქსირებინათ თხოვნა, ახლა უკვე სახელმწიფო რწმუნებულის დონეზე. თუმცა ქართულ ენაზე გამართული წერილის დაწერა ვერ შეძლეს და ჩემთან მოვიდნენ.

სიტყვასიტყვით მიამბეს თავიანთი გასაჭირი, რომ დიდი ხანია მოიშალა სარწყავი სისტემა და გახშირებული გვალვიანი ზაფხულების გადამკიდენი, მოსავლის გარეშე რჩებიან. თუმცა სარწყავს ვინ ამბობს, სოფელს სასმელი წყალიც არა აქვს და მოსახლეობა იძულებულია ხელოვნური ჭებიდან ამოქაჩულს დასჯერდეს. ტოტალურმა უწყლობამ ტირკნაში დაცარიელებული სახლები მოამრავლა.

როგორც აღმოჩნდა, ტირკნელებს ძალიან ბევრი უფიქრიათ ამ საკითხზე და გუბერნატორს თვითონვე შესთავაზეს წყლის შემოყვანის შესაძლო ვარიანტები მეზობელი სოფლებიდან – ოლავერდიდან, მერენიიდან და სამსარიდან. ისინი „უბრალო რეზინის მილზეც“ თანახმა იყვნენ და იმასაც ამბობდნენ, რომ თავისი ხელით გამოიყვანდნენ წყალს.

ჩემგან არ გესწავლებათ, თუმცა მაინც მინდა ხაზი გავუსვა, რომ ჯავახეთის ოჯახების 90–95 %–სთვის ერთადერთი შემოსავალი და თუ გნებავთ, საარსებო წყარო კარტოფილია, კარტოფილის მოყვანას კი სარწყავი წყალი სჭირდება. გარდა ამისა, სოფელი ტირკნა ისე ძალიან არის დაშორებული სხვა სოფლებს, სასმელი წყლით მომარაგებაზე საუბარი ზედმეტია.

ფერმერებმა წერილი ახალქალაქის ფოსტიდან იმ დღესვე გაუგზავნეს სახელმწიფო რწმუნებულს სამცხე–ჯავახეთში, იმ იმედით, რომ გუბერნატორი ან მისი წარმომადგენელი მათ შეხვდებოდა და პრობლემის გადაჭრის გზებს ერთად მოიძიებდნენ. მეც, ამ იმედით, წარმატება ვუსურვე ჩემი მოსწავლეების მშობლებსა და ნათესავებს.

ერთი თვის შემდეგ ტირკნელები ისევ მოვიდნენ, არავინ გვპასუხობს და იქნებ გავარკვიოთ, განცხადებას რა ბედი ეწიაო. დავრეკე სამხარეო ადმინისტრაციაში, გაარკვიეს და მითხრეს, განცხადება ახალქალაქის მერიას გადმოვუგზავნეთო.

მას შემდეგ კვალი აირია, ზაფხულიც მიიწურა და შემოდგომის მეორე თვეც. –წყალიი! იპოლიტე ხვიჩიას ერთ–ერთი პერსონაჟივით გმინავს ტირკნის მოსახლეობა, რომელიც ხელისუფლებას მხოლოდ არჩევნების წინ ახსენდება.

არადა, ჯავახეთი ხომ ანკარა წყლების ნამდვილი საბადოა და იქ ადამიანს უბრალოდ, არ უნდა სწყურდეს. თუმცა ბუნებისაგან მომადლებული რესურსების ეფექტურად და გონივრულად გამოყენებას ხალხის კეთილდღეობაზე ორიენტირებული გადაწყვეტილების მიმღები პირები სჭირდება, რის ნაკლებობასაც, სამწუხაროდ, საქართველოს ყველა რეგიონი განიცდის.

[ცაულინა მალაზონია]


17.06.2019 17 ივნისს სკოლებში სამეურვეო საბჭოს არჩევნები გაიმართება

16.06.2019 ახალციხის N1 საბავშვო ბაღს სრული რეაბილიტაცია ჩაუტარდება

13.06.2019 13 ივნისიდან საჯარო სკოლებში პირველკლასელთა საბუთების მიღება დაიწყო

12.06.2019 ახალციხეში საგამოცდო ცენტრი პირველ საჯარო სკოლაში გაიხსნება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.06.2019 როგორი ამინდი იქნება სამცხე–ჯავახეთში ერთი კვირის განმავლობაში

17.06.2019 ახალციხე–ასპინძის მაგისტრალზე, ავარიული მონაკვეთის მიმდებარედ, ალტერნატიული გზა გაკეთდება

17.06.2019 საპენსიო ასაკის პედაგოგებისთვის, ბიუჯეტიდან რამდენიმე ათეული მილიონი ლარი გაიცემა

17.06.2019 'ტურისტებს საკუთარ სახლში ვმასპინძლობთ' - როგორ ჩაერთნენ ახალციხელები ტურიზმში

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

ზველში სასმელი წყალი მეზობელი სოფლებიდან მოაქვთ
სადავო წყალი
სოფელ რუსთავში სასმელი წყლის კიდევ ერთი წყარო დაშრა
გზა, სასაკლაო და სასმელი წყალი – რაზე ესაუბრნენ გუბერნატორს ჯავახეთში
სასმელი წყლის პრობლემამ მინაძელები ერთმანეთს დაუპირისპირა
ახალქალაქში ხშირად სასმელი წყლის გარეშე რჩებიან
სოფელი რუსთავი წელსაც სასმელი წყლის გარეშე რჩება