FM97.5 / LIVE

ასპინძის გამგებელი - სპორტისთვის მიმართული თანხები არამიზნობრივად იხარჯებოდა

მთავარისაზოგადოება 10.07.2013
სამცხე-ჯავახეთში სპორტული ინფრასტრუქტურა არასახარბიელო მდგომარეობაშია, - ასეთია იმ კვლევის შედეგი, რომელიც რეგიონში სპორტის განვითარების მიმართულებით არსებული დაბრკოლებების გამოსავლენად ჩატარდა.

ასპინძის გამგებელი -  სპორტისთვის მიმართული თანხები არამიზნობრივად იხარჯებოდა
კვლევის შედეგებზე და სპორტის განვითარებისთვის საჭირო ღინისძიებებზე, დღეს, 10 ივლისს, სამცხე-ჯავახეთის სამხარეო ადმინისტრაციაში, სპორტისა და ახალგაზრდობის მინისტრის მოადგილემ თამაზ თევზაძემ და სპორტის დეპარტამენტის თავმჯდომარემ ირაკლი დოლაბერიძემ რეგიონის ექვსივე მუნიციპალიტეტის წარმომადგენლებთან გამართულ შეხვედრაზე ისაუბრეს.

„ჩვენი ჩამოსვლის მთავარი მიზანი ადგილობრივი ხელისუფლების წარმომადგენლებისთვის სამინისტროს ხედვის გაცნობაა, - როგორ უნდა განვითარდეს სპორტი და საით უნდა წავიდეს მომავალში სპორტის პოლიტიკა. ძალიან საინტერესო დიალოგი შედგა, დავრწმუნდით, რომ სპორტისადმი ინტერესი არსებობს და ვფიქრობ, რომ მომავალში თანამშრომლობით იმ წარმატებას მივაღწევთ, რასაც ჰქვია ერის ჯანმრთელობა“, - განაცხადა საქართველოს სპორტისა და ახალგაზრდობის მინისტრის მოადგილემ თამაზ თევზაძემ.

მისივე თქმით, რეგიონში ერთ-ერთი ყველაზე მნიშვნელოვან და პრიორიტეტულ საკითხს სპორტული ინფრასტრუქტურა წარმოადგენს. თამაზ თევზაძე ამბობს, რომ ამ მიმართულებით სამცხე-ჯავახეთში სურათი არსახარბიელოა.

„ჩვენ შევქმენით სამმართველო, რომელმაც რეგიონის სპორტული ინფრასტრუქტურა შეისწავლა და მისი ანალიზი უკვე დაგვიდო, თუმცა სურათი არასახარბიელოა. აქ ვგულისხმობ იმას, რომ ის არ არის საკმარისი რეგიონში სპორტის განვითარებისათვის. მეორე პრიორიტეტი ფიზიკური განათლებაა, რადგან სკოლებში ბავშვთა სპორტი ერთ-ერთი უმნიშვნელოვანესია და ამას ძალიან დიდი ყურადღება უნდა მიექცეს“, - ამბობს მინისტრის მოადგილე.

ადგილობრივი ხელისუფლების წარმომადგენლებმა შეხვედრაზე რეგიონში არსებულ პრობლემებზე ისაუბრეს და აღნიშნეს, რომ სპორტის განვითარება რეგიონში დაბალ დონეზეა.

„ასპინძაშიც და მთლიანად რეგიონში სპორტის განვითარების მხრივ კატასტროფული მდგომარეობაა. არ ვიცი აქამდე რას ხარჯავდნენ, ან რას აკეთებდნენ, მაგრამ შედეგი, რომ საქართველოს ჩემპიონატში თუნდაც ერთი მონაწილე იყოს ჩვენს მუნიციპალიტეტიდან, არ არსებობს. აქედან გამომდინარე, ის თანხები რაც სპორტისთვის იყო მიმართული, არამიზნობრივად იხარჯებოდა. ამიტომ გამიჩნდა იდეა, რომ ყოფილიყო დელეგირებული თანხა კონკრეტულად სპორტისთვის და ის სხვა რამეში არ იხარჯებოდეს“, - აღნიშნა ასპინძის მუნიციპალიტეტის გამგებელმა მორაგბე ლევან ცაბაძემ და დასძინა, რომ სპორტი ყველაზე კარგი საშუალებაა იმისთვის, რომ ახალგაზრდები დაკავდნენ და ჯანსაღი ცხოვრებით იცხოვრონ.

[თამარ თოთაძე, ახალციხე]


14.10.2019 ნანა მასწავლებელი

14.10.2019 მასწავლებლობის მაძიებელთათვის რეგისტრაცია დაიწყო

11.10.2019 ბორჯომში სკოლა 58–მა მასწავლებელმა დატოვა

07.10.2019 პენსიონერი მასწავლებლები ახალციხის მერიამ დაასაჩუქრა [ფოტო]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.10.2019 რამდენმა მასწავლებელმა დატოვა სკოლა სამცხე–ჯავახეთში?

15.10.2019 ცხაურის გარეშე დარჩენილი სანიაღვრე არხი ახალციხეში [ფოტო]

15.10.2019 ახალციხეში ცენტრალური ქუჩების რეაბილიტაცია აქტიურად მიმდინარეობს ®

15.10.2019 აწყვიტაში ლოდების ჩამოცვენის საკითხს მერია სწავლობს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

30.09.2019 'ახალციხელი წიქარა' - გურამ სუდაძის ხელნაკეთი ტრაიციკლი

მსგავს თემაზე

სკოლებში სპორტის მასწავლებლების გადამზადება იწყება
სამცხე-ჯავახეთს სპორტისა და ახალგაზრდობის საქმეთა მინისტრი სტუმრობდა
”სამცხე-ჯავახეთის ფესტივალი 2012” დაიწყო
სპორტის სამინისტრო სასკოლო სპორტულ ოლიმპიადას იწყებს
სასკოლო სპორტული ოლიმპიადა ოფიციალურად გაიხსნა
სპორტი ხელშეწყობის გარეშე [Photo/Video]
ახალციხეში ‘სპორტის შესახებ’ კანონპროექტის განხილვა გაიმართება