FM97.5 / LIVE

საოლქოებმა უბნებზე სახდელდაკისრებული წევრები აირჩიეს

მთავარისიახლე, არჩევნები 04.10.2018
სამცხე–ჯავახეთის ექვსი ოლქიდან სამში, ცესკოს კომისიის წევრებად უბნებზე, ისეთი პირები აირჩიეს, რომლებსაც 2016 წლის საპარლამენტო არჩევნებზე სხვადასხვა სახის დისციპლინური სახდელი დაეკისრათ.

საოლქოებმა უბნებზე სახდელდაკისრებული  წევრები აირჩიეს

„სამხრეთის კარიბჭეს“ მიერ ოლქებიდან გამოთხოვილი წერილების მიხედვით, სახდელდაკისრებული წევრები რეგიონის სამ საარჩევნო ოლქში ახალციხის, ბორჯომის და ახალქალაქის უბნებზე აირჩიეს. სამივე ოლქში ასეთი სულ ცესკოს მიერ დანიშნული 20 წევრია. თუმცა, მათ შორის მხოლოდ ის პირები არიან, რომლებსაც სხვადასხვა სახის დისციპლინური სახდელი 2016 წელს დაეკისრათ. საოლქო კომისიებს გასულ, 2017 წელს სახდელდაკისრებული პირები უბნებზე არ აურჩევია.

„ცენტრალური საოლქო კომისიის რეკომენდაცია გავითვალისწინეთ და ის ვინც გასულ წელს შენიშვნა, ან გაფრთხილება მიიღო, წელს აღარ აგვირჩევია“, – ამბობს ახალციხის საოლქო საარჩევნო კომისიის თავმჯდომარე.

რაც შეეხება პარტიებს, ამ შემთხვევაში მათ დანიშნეს, როგორც 2016, ასევე 2017 წლებში ჩატარებული არჩევნების დროს სახდელდაკისრებული წევრები, თუმცა საოლქო კომისიებიდან გამოთხოვილ წერილებში ამის შესახებ ინფორმაცია არ არის.

ცესკოს კომისიის წევრებად, სახდელდაკისრებული პირები ყველაზე მეტი – 11 ახალქალაქში ჰყავთ, ყველაზე ნაკლები - ორი ბორჯომში, ხოლო ახალციხეში შვიდი.

ახალქალაქის საოლქო კომისიაში არჩეულ კომისიის 11–ვე წევრს დისციპლინური პასუხისმგებლობის ზომად შენიშვნა მიღებული აქვთ: აიკ აღაჯანიანს, ვარაზდატ აროიანს, დავით იორდანიანს, პავლუშ შახბაზიანს, ცოლაკ პოღოსიანს, ლუსინე ბათონიანს, ნანი მელიქიძეს, გოარიკ მარგოზიანს, ლიანა ირიციანს, ანნა მანუკიანს, ჰერიქნაზ ოგანესიანს.

ახალქალაქის მსგავსად, 2016 წელს დისციპლინური სახდელი დაეკისრა ახალციხის საარჩევნო უბნების შვიდ წევრს. მათგან ვიქტორ მურადიანმა და ნინო თოროსიანმა შენიშვნა მიიღეს. თამარ რობაქიძემ, ნინო დიასამიძემ, მანანა გოგოლაძემ, მაია კაკაჩიშვილმა და ნერსეს მოსოიანმა კი გაფრთხილება.

რაც შეეხება ბორჯომის ოლქს, აქ შენიშვნა ორმა წევრმა ნინა ბარძიმაძემ და ნინო სვანიძემ მიიღეს.

2018 წლის საპრეზიდენტო არჩევნებისთვის, სამცხე–ჯავახეთის მასშტაბით, ექვს ოლქში საუბნო კომისიის 1 278 წევრი აირჩიეს.

ოპოზიციური პარტიის წარმომადგენლები ფიქრობენ, რომ საარჩევნო უბნის წევრები დაკომპლექტდნენ არა გამოცდილების, არამედ პარტიული ერთგულების მიხედვით: „თუ ჰქონდა ადამიანს შენიშვნა, ან მის ჩადენილ ქმედებას ჰქონდა გავლენა უბნის შედეგებზე, ასეთი ადამიანები არ უნდა იყვნენ არჩეულები. ძირითადად ისევ ძველი სახეებია უბნებზე“, – განმარტავს "ევროპული საქართველოს" ახალციხის რაიონული ოფისის ხელმძღვანელი გელა დემეტრაძე.

N37 ახალციხის საოლქო საარჩევნო კომისიის წევრი თეა გავაშელი აცხადებს, რომ კომისიის წევრები გამოცდილების მიხედვით შეარჩიეს: „აკრძალვა არსად არ არის. ის წევრები, რომლებიც შევარჩიეთ არიან გამოცდილები. ადმინისტრატორის ასევე, საზაფხულო სკოლის კურსები აქვთ გავლილი“.

მისივე თქმით, ცენტრალურმა კომისიამ მხოლოდ სიტყვიერი რეკომენდაცია გასცა, რომ არ აერჩიათ ის წევრები, რომლებსაც სახდელები ჰქონდათ დაკისრებული: „ცენტრალური საარჩევნო კომისიის დადგენილებით კომისიის წევრს, რომელსაც სახდელი აქვს დაკისრებული ერთ წელიწადში ეხსნება. ორი წელი იყო ფაქტობრივად გასული. ჩვენ მიერ არჩეულ წევრებს 2016 წლის შემდეგ დისციპლინური სახდელები არ დაკისრებიათ“.

[თინათინ ზაზაძე, ახალციხე]


19.06.2019 საგამოცდო ბარათების ამობეჭდვა აპლიკანტებს 20 ივნისიდან შეეძლებათ

19.06.2019 სკოლებში დასაქმებული მასწავლებლებიდან საპენსიო ასაკის მქონე 16 406 პედაგოგია

17.06.2019 17 ივნისს სკოლებში სამეურვეო საბჭოს არჩევნები გაიმართება

16.06.2019 ახალციხის N1 საბავშვო ბაღს სრული რეაბილიტაცია ჩაუტარდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.06.2019 რა პერსპექტივა აქვს მესხურ პროდუქციას ევროპულ ბაზარზე [ფოტო/ვიდეო]

26.06.2019 კახარეთის სკოლაში ახალ საპირფარეშოს ააშენებენ

26.06.2019 აწყურის ტაძრის რეაბილიტაციას ოთხი მილიონი ლარი დაემატება

26.06.2019 'ახალციხელობის' ღონისძიებების განრიგი ცნობილია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

მესხეთში საუბნო საარჩევნო კომისიის წევრები აირჩიეს
საოლქო კომისიებმა საუბნო კომისიების წევრები შეარჩიეს
N37-ე ახალციხის საარჩევნო ოლქში, 35 უბნიდან 8 უბანზე კომისია ვერ დაკომპლექტდა
კომისიის წევრები არჩევნებისთვის ემზადებიან (R)
ვინ არიან ასპინძის საოლქო კომისიის  წევრები
ახალციხის საოლქო კომისიამ საუბნო კომისიის თავმჯდომარეები დაასაჩუქრა
ბორჯომის საოლქო კომისიის შეცვლილი წევრები