FM97.5 / LIVE

დედა შვილის ბულინგის გამო განათლების სამინისტროსა და ომბუდსმენს რეაგირებას სთხოვს

მთავარისიახლე, საზოგადოება, სამართალი 03.10.2018
ადიგენის ერთ–ერთ სოფელში, სადაც დედა აცხადებს, რომ მის მეოთხეკლასელ ბიჭს მეექვსეკლასელი აბულინგებს, სოციალურ მუშაკებს ზეწოლაში ადანაშაულებს. ამიტომ საქმეში განათლების სამინისტროს, ასევე, ომბუდსმენის აპარატის ჩართვას ითხოვს.

დედა შვილის ბულინგის გამო განათლების სამინისტროსა და ომბუდსმენს რეაგირებას სთხოვს

სოციალურმა სამსახურმა ადიგენში ბულინგის საქმის შესწავლა დაიწყო. ამიტომ სოციალური მუშაკები იმ ბავშვების ოჯახებში იყვნენ, რომლებიც ერთმანეთს ჩაგვრაში ადანაშაულებენ.

„სოციალური მუშაკები ძალიან აგრესიულები იყვნენ. შემოვიდნენ თუ არა მითხრეს, დაჯექი და კარგად მოგვისმინეო, იმ ბავშვებსო, რომლებიც მინდობით აღზრდაში არიან და შენი შვილების ბულინგში ადანაშაულებ, სახელმწიფო იცავსო. არავის აქვს უფლება, მათ ვინმემ რამე დაუშალოს, ან მიუთითოსო. მიყვირეს და მალევე წავიდნენ. ჩემ შვილებს აბულინგებენ და სოციალურმა მუშაკებმა კი მე მისაყვედურეს, ეს ზეწოლაა ჩვენზე“, – ამბობს დედა, რომელიც მის მეზობლად მცხოვრებ, მინდობით აღზრდაში მყოფ 12 წლის ბიჭს, საკუთარ შვილებზე ბულინგში ადანაშაულებს.

სოციალურ სამსახურში აცხადბენ, რომ მათი თანაშრომლების მხირდან რაიმე ტიპის აგრესიულ ქმედებაზე, ან ზეწოლაზე კომენტარს არ გააკეთებენ: „რადგან ეს სრული აბსურდია. ვსწავლობთ ორივე ოჯახს და ბავშვებთან გვაქვს მუდმივი კომუნიკაცია“.

სოციალურ სამსახურის ინფორმაციით, მეოთხეკლასელი ბიჭის დედას სურს, რომ მათ მეზობლად მცხოვრები, მინდობით აღზრდაში მყოფი ბავშვები სხვაგან გადაიყვანონ: „ჩვენთვის ძალიან მნიშვნელოვანია, რომ ეს ბავშვები, და–ძმები, ერთად იყვნენ და ერთმანეთს არ დავაშოროთ. მათ არ ჰყავთ დედა, ამიტომ სკოლისა და გარემოს სწრაფად შეცვლა ჩვენს ინტერესებში არ შედის, ასე უფრო დაისტრესებიან და მათთვის ეს პროცესი ძალიან რთული იქნება“.

უწყებაში ამბობენ, რომ არსებულ ვითარებაში სისხლის სამართლებრივი ნიშნები არ იკვეთება, შესაბამისად ბავშვების სხვაგან გადაყვანაც არ იგეგმება: „აქ რომ კიმინალის ნიშნები იყოს, სოციალური მუშაკი ამის საჭიროებას მაშინვე დაინახავდა და სწრაფი ცვლილებების გატარება იქნებოდა საჭირო. ვითარება კონტროლს ექვემდებარება. პატარებთან იმუშავებენ ფსიქოლოგებიც“.

ბულინგის შესაძლო ფაქტებს უკვე სწავლობს ადიგენის რაიონული სამმართველო, დედამ სამართალდამცველებს პირველ ოქტომბერს მიმართა. თუმცა, მას შემდეგ რაც მასთან სოციალური მუშაკები მივიდნენ, ამბობს რომ დაუცველობის განცდა გაუჩნდა, ამიტომ საქმეში ჩართვას წერილობით სთხოვს სახალხო დამცველის აპარატს, განათლების სამინისტროსა და სკოლას.

„სახალხო დამცველის აპარატში, ასევე, განათლების სამინისტროში ტელეფონით უკვე ვესაუბრე შესაბამის პირებს, ახლა განცხადებებს ვამზადებ, რომ გავგზავნო. სკოლაში შესატან წერილში უკვე აღვწერე ის ფაქტები, რასთან გამკლავებაც ჩემ ცხრა წლის ბიჭს უხდება. სამივე უწყებას ჩემი შვილების უსაფრთხოების დაცვას ვთხოვ“, – ამბობს დედა.

შეგახსენებთ, ორსართულიან კორპუსში მცხოვრებ მეზობლებს შორის უთანხმოება, დაახლოებით, წელიწადნახევრის წინ დაიწყო, როდესაც მეორე სართულზე მცხოვრებმა მეზობელმა პირველზე მცხოვრებს ხელი არ მოუწერა ნებართვაზე, რომლის მიხედვითაც მას კორპუსში სველი წერტილი უნდა მიეშენებინა. მას შემდეგ, მეორე სართულზე მცხოვრები მეოთხეკლასელი ბიჭის დედა ამბობს, რომ პირველ სართულზე მცხოვრები 12 წლის ბიჭი მის შვილებს, განსაკუთრებით კი ცხრა წლის ბიჭს აბულინგებს. პირველ სართულზე მცხოვრები ბავშვების აღმზრდელები კი ამბობენ, რომ პირიქით, მათ ბავშვებს მეორე სართულზე მცხოვრები მეთოხეკლასელი ბიჭის მშობლები სიტყვიერ და ფიზიკურ შეურაცხყოფას აყენებენ. ფიზიკური შეურაცხყოფს ფაქტს შსს სსკ–ის 126–ე, ძალადობის მუხლით იძიებს. მეორე სართულზე მცხოვრები კაცი ამბობს, რომ მან 12 წლის ბიჭს ყური მართლაც აუწია, რადგან ის "ავტოფარეხში ჩაკეტა და ამის გამო გაღიზიანდა.

[თამუნა უჩიძე, ადიგენი]


14.05.2019 ახალციხის სამუსიკო სკოლის მოსწავლემ გრან-პრი მოიპოვა

13.05.2019 მიხეილ ბატიაშვილი: სექტემბრიდან მასწავლებლების ნაწილს ხელფასი გაეზრდება

13.05.2019 პრაქტიკოს მასწავლებელთა და მასწავლებლობის მსურველთა რეგისტრაცია დაიწყო

13.05.2019 ვინ ისარგებლებს უნივერსიტეტში სტუდენტური შეღავათებითა და წახალისებით

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.05.2019 ვარძიაში ვიზიტორთა ცენტრი გაიხსნა

18.05.2019 ‘ტროტუარზე მოძრაობა არ უნდა შეიზღუდოს’– რა შემთხვევაში დაჯარიმდება მაღაზიის მფლობელი

18.05.2019 ეროვნული სამოსის დღე ახალციხეში [ფოტო]

18.05.2019 არჩევნებთან დაკავშირებით შსს განცხადებას ავრცელებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

ადიგენში ბულინგის საქმეში შსს–მ  სოციალური სამსახური ჩართო
ადიგენში ბულინგის საქმეს  სკოლის დისციპლინარული კომიტეტი შეისწავლის
ადიგენში სკოლამ ბულინგის საქმეზე გადაწყვეტილება მიიღო
 'მოვა დრო და ჭიამაიებივით დაგხოცავთო' – ბულინგის საქმე ადიგენში
11 წლის ბიჭის შესაძლო ბულინგის საქმეს სახალხო დამცველის აპარატი სწავლობს
11 წლის ბიჭის საქმეზე მშობლებმა დამრიგებელს კლასი დაატოვებინეს
ახალციხეში დედას ხუთი წლის შვილის ცემისთვის ასამართლებენ [Video]