FM97.5 / LIVE

'ჩვენი მრავალფეროვანი ევროპა' – ახალციხეში 'ევროპის დღე' საზეიმო ღონისძიებებით აღინიშნება [R]

მთავარისიახლე, რეკლამა, განცხადებები 28.09.2018
29 სექტემბერს, ახალციხეში ევროპის დღე აღინიშნება. ახალციხის ციხე ერთი დღით "ევროსოფლად" გადაიქცევა და თითოეულ სტუმარს, მთელი დღის განმავლობაში სხვადასხვა ღონისძიებებში მონაწილეობით ევროკავშირში მოგზაურობა შეეძლებათ.

'ჩვენი მრავალფეროვანი ევროპა' – ახალციხეში 'ევროპის დღე' საზეიმო ღონისძიებებით აღინიშნება [R]

ევროპის დღე ყოველ წელს "შუმანის დეკლარაციის" იუბილესთან დაკავშირებით აღინიშნება. 1950 წელს, რობერტ შუმანმა (იმ დროისთვის საფრანგეთის საგარეო საქმეთა მინისტრმა) გააჟღერა იდეა, რაც ევროპაში პოლიტიკური თანამშრომლობის ახალი ფორმის შექმნას გულისხმობდა. ომის თავიდან აცილების მიზნით, ქვეყნების გაერთიანებამ საფუძველი ჩაუყარა ევროკავშირის შექმნას, რომელიც დღეს 28 სახელმწიფოს 508 მილიონ მოქალაქეს აერთიანებს და უკვე 60 წელია ევროპაში მშვიდობისა და კეთილდღეობის გარანტია.

წლევანდელი ღონისძიების თემა "ჩვენი მრავალფეროვანი ევროპაა", რომელიც ევროპის ქვეყნების განსხვავებული კულტურების ერთობას გამოხატავს. თემა მიესადაგება ევროკავშირის კულტურული მემკვიდრეობის ევროპულ წელს, რომელიც 2018 წელს აღინიშნება.

თამაშები და გასართობი ღონისძიებები


"ევროპის დღის" აღსანიშნავად ორგანიზატორები ყოველ წელს სიახლეებით დატვირთული ღონისძიების შექმნას ცდილობენ. წლევანდელი საზეიმო დღე განსაკუთრებულია იმითაც, რომ ღონისძიებები მორგებულია როგორც უფროსი, ისე უმცროსი ასაკის მოქალაქეებისთვის, რაც "ევროპის დღის" საზეიმო ცერემონიალს კიდევ უფრო სახალისოს, საინტერესოს და სასიამოვნოს ხდის ახალციხის ციხეზე მისული სტუმრებისთვის.

ევროპის დღეზე გაიმართება თამაში - მოგზაურობის სიმულაცია, რომელშიც ღონისძიების ყველა სტუმარი მიიღებს მონაწილეობას. საინფორმაციო კარავში მიიღებს პასპორტს, 19 ევროკავშირის წევრი სახელმწიფოს დროშით და ევროკავშირის, EUMM და ევროპის საინვესტიციო ბანკის (EIB) ლოგოებით. თამაშის წესების მიხედვით, პასპორტის მფლობელი უნდა ესტუმროს თითოეულ მათგანს, გასცეს მარტივ კითხვებზე პასუხი და მიიღოს ბეჭედი თითოეული დროშისა და ლოგოს გვერდით. ყველა ბეჭდის შეგროვების შემთხვევაში პასპორტს სპეციალურ "პრიზების კარავში" წარადგენენ და პრიზსაც მოიპოვებენ.

უფროსი ასაკის სტუმრებს საშუალება ექნებათ ევროკავშირის ისტორიას გაეცნონ. ასევე გაიგონ, თუ რა შესაძლებლობებს ქმნის ევროკავშირი საქართველოს მოქალაქეებისთვის. ბავშვებისთვის კი საკლათბურთო შეჯიბრი და გამარჯვებულ გუნდის წევრებს პრიზები გადაეცემათ. ასევე მოეწყობა სხვადასხვა თამაშები და წარმოდგენები პატარებისთვის.

ევროკავშირის პროგრამების პრეზენტაცია ერთ სივრცეში

ევროპის დღის საზეიმო აღნიშვნის ფარგლებში სტურმებს იმ პროგრამებსაც გააცნობენ, რომლებიც წლებია საქართველოში ევროკავშირის ფინანსური მხარდაჭერით ხორციელდება. მათ შორის – "ევროკავშირის მართლმსაჯულების პროგრამა", "ადამიანის უფლებები ყველასათვის", "განათლება დასაქმებისათვის", "ევროკავშირი ბიზნესისათვის" და სოფლისა და სოფლის მეურნეობის განვითარების პროგრამა“. საინფორმაციო ცენტრი ნატოსა და ევროკავშირის შესახებ სტუმრებს თამაშის ფორმატში ევროკავშირში უვიზოდ მოგზაურობის წესებსაც აუხსნიან.
გაზაფხული-ზაფხულის პერიოდში ევროპის დღეები უკვე მოეწყო თბილისში, ზუგდიდში, ქუთაისსა და ლაგოდეხში. შემოდგომაზე კი ახალციხის გარდა ევროპის დღეები ბათუმსა და მარნეულშიც გაიმართება.

ევროპის დღისადმი მიძღვნილი ღონისძიება 12 საათზე დაიწყება, 13:00 საათზე ოფიციალურად, საზეიმო ვითარებაში გაიხსნება და სხვადასხვა სახალისო ღონისძიებებით გაგრძელდება. 14:00 საათზე კი ქუჩის კალათბურთის ტურნირი დაიწყება.

აღნიშნულ ღონისძიებებში მონაწილეობა ნებისმიერი ასაკის მსურველს შეეძლება, დასწრება უფასოა.

[sknews.ge]


19.02.2020 შრომატევადი და დაძლეული საქმე - მენტორის სტატუსის მქონე მასწავლებლები სამცხე-ჯავახეთიდან

13.02.2020 ჟვანიას სკოლამ ახალციხეში 'სახელმწიფო ენის სწავლების პროგრამის' კურსდამთავრებულებს სერტიფიკატები გადასცა

10.02.2020 ესეების კონკურსში ახალციხელმა სტუდენტებმა გაიმარჯვეს

10.02.2020 ახალქალაქში, ბურნაშეთისა და ბარალეთის სკოლებში ბიბლიოთეკები მოეწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.02.2020 ‘ტაო’ გასვლითი მატჩისთვის ემზადება

20.02.2020 ‘ორნამენტები ქართულ მეჩეთებში’ - 25 თებერვალს კატალოგის პრეზენტაცია გაიმართება

20.02.2020 დაგვეხმარეთ მაუწყებლის გადარჩენაში – აჭარის ტელევიზიის ჟურნალისტები დიპლომატებს მიმართავენ

19.02.2020 ახალციხის სამუსიკო სკოლას რეაბილიტაციისთვის ამზადებენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

მსგავს თემაზე

ახალციხეში 'ევროპის დღე' აღინიშნა
ახალქალაქში ევროპის დღისადმი მიძღვნილი ღონისძიებები მიმდინარეობს
12 მაისს სამცხე – ჯავახეთს ევროკავშირის ელჩი ესტუმრება
ახალქალაქში ევროპის დღეები აღნიშნეს
ახალციხეში ევროპის კვირეული გაიხსნა
ახალციხეში "ევროპის კვირეულის" ფარგლებში ღონისძიებები  გაიმართა
'ევროპის დღე 2018' [Photo]