ახალციხეში ავარიისას დაშავებული 20 წლის ბიჭის მდგომარეობა მძიმეა

„გატეხილი ჰქონდა ნეკნები, ასევე, ჰქონდა მრავლობითი დაზიანებები შინაგანი ორგანოების, ჩაუტარდა სასწრაფო გადაუდებელი ოპერაცია და ამოკვეთეს ელენთა. მისი მდგომარეობა სიცოცხლისთვსი საშიში იყო, დაჟეჟილი ჰქონდა თირკმელებიც“, – გვითხრეს ახალციხის რეფერალურ საავადმყოფოში.

შეგახსენებთ, რომ ავტოსაგზაო შემთხვევა სოფელ გიორგიწმინდასთან გუშინ, 23 სექტემბერს მოხდა. მძღოლმა საჭე ვერ დაიმორჩილა, სავალი ნაწილიდან გადავიდა და ხეს შეეჯახა.

საქართველოს შინაგან საქმეთა სამინისტრომ მომხდარზე გამოძიება სსკ-ის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

[თინათინ ზაზაძე, ახალციხე]