სამხრეთის კარიბჭე. FM97.5 / LIVE

სომხურმა სამოციქულო ეკლესიამ დღეს ვარდავარი აღნიშნა

მთავარისაზოგადოება 07.07.2013
ვარდავარი, ტრადიციული დღესასწაული, რომელიც აღდგომიდან 98-ე დღეს აღინიშნება, ახალციხეში მცხოვრებმა ეთნიკურად სომეხმა მოქალაქეებმა ახალციხეში, გრიგორ განმანათლებლის სახელობის ტაძარში იზეიმეს.

სომხურმა სამოციქულო ეკლესიამ დღეს ვარდავარი აღნიშნა
დღესასწაულის აღნიშნვნა დილის 11.00 საათზე წირვით დაიწყო. ღვთისმსახურების დასრულების შემდეგ, მრევლმა ეკლესიის ეზოში ტრადიციული წუწაობის რიტუალი შეასრულა.

ვარდავარი ქრისტიანული დღესასწაულია და ქრისტეს ფერისცვალებას უკავშირდება. სახარების მიხედვით, იესო ქრისტე მოციქულებთან ერთად ავიდა თაბორის მთაზე და ნათლით შეიმოსა, ფერი იცვალა. სახარებაში ნათქვამია, რომ ქრისტეს სამოსი გასხივოსნებული იყო. სწორედ ეს დღესასწაული დაედო საფუძვლად ერთმანეთისთვის წყლის შესხმას, წუწაობის ძველ ტრადიციას. წყლის შესხმის დროს მორწმუნეები ერთმანეთს ჯანმრთელობასა და წარმატებას უსურვებენ. მათი რწმენით, წყალი განასახიერებს საღმრთო მადლს.

„ასეთი ტრადიცია მარტო ჩვენ, სომეხ ერს გვაქვს“, - გვიხსნის ახალციხის სომხური სამოციქულო ეკლესიის წინამძღვარი აკოფ სააკიანი.

სომხურმა სამოციქულო ეკლესიამ დღეს ვარდავარი აღნიშნა

მრევლის თქმით, ვარდავარი სიხარულის, გართობის, სიყვარულის, სილამაზისა და მოსავლის სიუხვის სიმბოლოა. გასათხოვარი გოგოები ვარდავარს უკავშირებენ თავიანთი ბედნიერების პოვნას, ისინი 7 წყაროდან იღებენ წყალს და ბიჭებს სთავაზობენ.

„წირვის დაწყებამდე ეკლესიაში ვარდები შეგვაქვს. შემდეგ ყველას ვწუწავთ, ვინც კი ეკლესიასთან ახლოს გაივლის“,- ამბობს სომხური სამოციქულო ეკლესიის მრევლი სვეტა აკოფიანი.

მორწმუნეები დღესასწაულს ერთმანეთს მთელი დღის განმავლობაში წყლის შესხმით მიულოცავენ. დღის ბოლოს კი ხელოვნური ტბის ტერიტორიაზე კონცერტი გაიმართება. კონცერტს ახალქალაქიდან და თბილისიდან მოწვეული სტუმრები დაესწრებიან.

[თინათინ ზაზაძე, ახალციხე]


11.10.2017 არჩევნები შედგა, მაგრამ სამცხე–ჯავახეთის უნივერსიტეტში რექტორის საკითხი ისევ დავის საგანია

11.10.2017 სამცხე–ჯავახეთის უნივერსიტეტში რექტორის მოვალეობას მერაბ ბერიძე შეასრულებს

11.10.2017 ახალციხეში ინკლუზიური განათლების შესახებ რეგიონული კონფერენცია მიმდინარეობს

09.10.2017 რა აჩვენა ახალციხის ბაღების შემოწმებამ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.10.2017 ასპინძაში ავტოსაგზაო შემთხვევას 55 წლის მამაკაცი ემსხვერპლა

16.10.2017 სამთო კურორტებზე სამაშველო ჯიხურები და საპირფარეშოები განთავსდება

16.10.2017 სასამართლომ ახალციხის სასაკლაო 1000 ლარით დააჯარიმა

16.10.2017 ძლიერი წვიმა, ქარი და შტორმი – საქართველოში ამინდი გაუარესდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

25.04.2017 სოფელ საროში 30–ოჯახიდან 5 ისევ მესხურ ოდაში ცხოვრობს [Video]

მსგავს თემაზე

"ოცნება" სომხური სამოციქულო ეკლესიის წარმომადგენლებს შეხვდა
სომეხთა სამოციქულო ეკლესიამ აღდგომა იზეიმა [Photo]

სომეხთა სამოციქულო ეკლესია ქრისტეშობას აღნიშნავს [photo]
ომბუდსმენი სომეხთა სამოციქულო ეკლესიის მრევლს სურბ სარგისის დღესასწაულს ულოცავს
სომეხთა სამოციქულო ეკლესია შობას და ნათლისღებას აღნიშნავს
სომეხთა სამოციქულო და კათოლიკე ეკლესიებმა აღდგომა იზეიმეს [Video]