FM97.5 / LIVE

ახალციხიდან ფილადელფიამდე – ჯაბა ხოსიტაშვილის 20 წელი რინგზე [Video]

მთავარისიახლე, საზოგადოება 19.09.2018
საქართველო, აზერბაიჯანი, თურქეთი და ახლა უკვე ამერიკა – 28 წლის ჯაბა ხოსიტაშვილი ბავშვობის ახდენილ ოცნებებზე, კრივში პროფესიულ კარიერასა და მიღწეულ წარმატებებზე პენსილვანიის შტატიდან, ფილადელფიიდან გვესაუბრა.

ახალციხიდან ფილადელფიამდე – ჯაბა ხოსიტაშვილის 20 წელი რინგზე [Video]

28 წლის ჯაბა ხოსიტაშვილმა პროფესიონალურ რინგზე ბოლო წარმატება ამერიკაში, ნევადის შტატში, ქალაქ ლას–ვეგასში მოიპოვა. მან ერთ–ერთი ძლიერი მეტოქე ლორენს კინგი ექვს რაუნდიანი ჩხუბის შემდეგ დაამარცხა და სარეიტინგო ქულაც მოიპოვა.

„კინგს პროფესიონალურ რინგზე აქამდე არცერთი წაგება არ ჰქონია, ეს კი ის შემთხვევა იყო, როდესაც 11–მა მსაჯმა ერთხმად მხარი მე დამიჭირა. ჩემი რეიტინგისთვის, ძალიან მნიშვნელოვანია ეს გამარჯვება“, – ამბობს ჯაბა.

მისი თქმით, ექვსრაუნდიანი ბრძოლა რთული არ იყო მიუხედავად იმისა, რომ მეტოქე თამაშის წესების დარღვევით ხელისშეშლას ცდილობდა: „მოწინააღმდეგე წესების დარღვევით მებრძოლებოდა, მაგრამ მაინც გავიმარჯვე და ყველაფერს გავაკეთებ იმისთვის, რომ ვასახელო ჩემი ოჯახი, ქალაქი და ქვეყანა“.

ახალციხიდან ფილადელფიამდე – ჯაბა ხოსიტაშვილის 20 წელი რინგზე [Video]

ჯაბა ლას–ვეგასში რინგზე ჩხუბზე ბავშვობიდან ოცნებობდა: „ტელევიზორში რომ ვუყურებდი–ხოლმე ლას–ვეგასიდან ჩხუბებს, სულ ვოცნებობდი, იმ რინგზე მეც მებრძოლა და ეს ოცნება ამისრულდა“.

ჯაბამ კრივში ვარჯიში რვა წლის ასაკიდან დაიწყო. მაშინ დედამ ახალციხის სასპორტო სკოლაში არტურ ამბარიანთან მიიყვანა.
„თავიდანვე ძალიან მონდომებული და მიზანდასახული იყო. ჩემთან პატარა მოიყვანეს, მაგრამ საქართველოს მასშტაბით ტურნირებზე მალევე გავიდა და თითქმის ყველა ბრძოლას იგებდა. ძალიან მიხარია, რომ ჩემი მოსწავლეა და ახლა ასეთი წარმატებულია“, – ამბობს ჯაბას პირველი მასწავლებელი არტურ ამბარიანი.

ბავშვობიდანვე კრივში ჯაბას წარმატებების მიუხედავად, დედას ანა ხოსიტაშვილს სურდა, რომ შვილი მომღერალი, ან მოცეკვავე გამოსულიყო: „დედა სულ ამაზე ოცნებობდა, მაგრამ კრივზე ისევ თვითონ შემიყვანა. თავიდან ვერ წარმოიდგენდა, რომ ბოლომდე გავყვებოდი ამ სპორტს, მაგრამ ასე გამოვიდა. დედაჩემისთვის დღესაც ძნელია ჩემი ჩხუბის ყურება. მხოლოდ ვიდეოში თუ უყურებს თორემ ისე ნანახი არ აქვს“.

ჯაბა, 11 წლის განმავლობაში, კრივში საქართველოს ნაკრების წევრი იყო. ამ პერიოდში არაერთი წარმატება მოიპოვა, იყო ევროპის ჩემპიონი სკოლის მოსწავლეებს შორის, ევროპის პრიზიორი ახალგაზრდებს შორის და ევროპის პრიზიორი დიდებში, ასევე, სამოყვარულო კრივის უმაღლეს ლიგაში არაერთხელ მოუგო ბრძოლა მოწინააღმდეგეებს. საქართველოს ეროვნულ ნაკრებში მიღწეული წარმატებების შემდეგ კი მას კონტრაქტი გაუფორმეს აზერბაიჯანისა და თურქეთის კლუბებმა. 2016 წლიდან კი ამერიკულმა კლუბმა მასთან ხუთწლიანი კონტრაქტი გააფორმა .

ახალციხიდან ფილადელფიამდე – ჯაბა ხოსიტაშვილის 20 წელი რინგზე [Video]

ამერიკაში ჯაბას კიდევ ორი წელი მოუწევს ყოფნა. ამბობს, რომ კონტრაქტის დასრულების შემდეგ საქართველოში დაბრუნდება: „კარიერის გაგრძელებას ამერიკაში არ ვგეგმავ, მაგრამ ჯერ არც ის ვიცი სად ვიქნები, ეს ალბათ ორი წლის შემდეგ მეცოდინება“.

ამბობს, რომ საკუთარი პროფესია ძალიან უყვარს და ეს კიდევ ბევრი წარმატების მიღწევაში დაეხმარება: „როცა ძალიან გინდა იჩხუბო და წარმატებას მიაღწიო, რინგზე დგომა რთული არ არის და არც შიში გაქვს, ეს უკვე ჩემი ცხოვრების ჩვეულებრივ ნაწილად იქცა. ვაკეთებ იმას, რაც ძალიან მიყვარს“.

ჯაბა პენსილვანიის შტატში, ქალაქ ფილადელფიაში ცხოვრობს, თუმცა, ჩხუბის წინ მოსამზადებელ ვარჯიშებს კალიფორნიაში, ქალაქ სანდიეგოში გადის.

„სამოყვარულო რინგზე რამდენ ბრძოლაში მაქვს მონაწილეობა მიღებული არ მახსოვს, პროფესიონალურ რინგზე ოთხი ჩხუბი მქონდა და ოთხივე გამარჯვებით დავასრულე. აქედან ორი მეტოქის ნოკაუტში ჩაგდებით მოვიგე, ორ შემთხვევაში კი ჩემი გამარჯვება მსაჯებმა ერთხმად აღიარეს“, – ამბობს ჯაბა და ამატებს, რომ უახლოესი ორი წლის განმავლობაში ამერიკაში არაერთი საინტერესო და საპასუხისმგებლო ბრძოლა ელის, ამისთვის კი ყოველთვის მზად არის.



[ლუბა გიორგაძე, ახალციხე]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.07.2020 ‘თურქულ მხარესთან ვთანამშრომლობთ’– მერი ჭაჭარაქში მოპარულ პირუტყვზე

10.07.2020 აქციის მონაწილეების ასვლის შემდეგ ‘უზუნჩაირის’ მთას მომთაბარე მწყემსები ტოვებენ [ფოტო]

10.07.2020 'მერის დაპირების არ გვჯერა, ჩვენ თვითონ გავრეკავთ მთიდან მწყემსებს' – აქციის მონაწილეები [ფოტო/ვიდეო]

10.07.2020 ორი კანონპროექტი და პროტესტი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ახალციხელმა ჯაბა ხოსიტაშვილმა ამერიკელი მოკრივე დაამარცხა
კრივის ჩემპიონატის ქართველი გამარჯვებული ამერიკაში
10 წამში მოგებული ბრძოლა – ამირან გოგოლაძე ინგუშეთიდან გამარჯვებული დაბრუნდა [Video]
78 წელი სპორტის სამსახურში
ახალციხელი მოკრივე ლონდონში კიდევ ერთ ბრძოლას გამართავს
21 წლის ახალციხელმა სპორტსმენმა უკრაინელი მეტოქე დაამარცხა [video]
ბორჯომელი 7 წლის მოჭადრაკე საქართველოს ჩემპიონი გახდა