FM97.5 / LIVE

‘ბიტნიკი კატა’ – ძალადობაზე გადაღებული ფილმი კონკურსის გამარჯვებული გახდა

მთავარისიახლე, საზოგადოება 18.09.2018
ახალციხის მერიის მიერ გამოცხადებული მოკლემეტრაჟიანი ფილმების კონკურსის გამარჯვებული რობიზონ ზარიძის ფილმი „ბიტნიკი კატა“ გახდა.

‘ბიტნიკი კატა’ – ძალადობაზე გადაღებული ფილმი კონკურსის გამარჯვებული გახდა

ახალციხის მერიის მიერ გამოცხადებულ მოკლემეტრაჟიანი ფილმების ჩვენება და გამარჯვებულების დაჯილდოება ახალციხის ციხის ციტადელზე დღეს, 18 სექტემბერს გაიმართა. წარმოდგენილი სულ ხუთი ფილმი იყო.

მათ შორის პირველ ადგილზე რობიზონ ზარიძის ფილმი „ბიტნიკი კატა“ გავიდა.

გამარჯვებულ ფილმში ავტორმა ძალადობა ცხოველის თვალით აჩვენა. კატა, რომელიც აგრესიულ ადამიანებს ეყრება, საბოლოოდ მზრუნველობას ლესბოსელ გოგონებთან პოულობს.

„ფილმი ტელეფონის კამერით გადავიღე და ტელეფონითვე დავამონტაჟე. გარემო კატის თვალით რომ მეჩვენებინა, ტელეფონი ქამარზე დავამაგრე და ისე დავდიოდი ქუჩაში. ფილმში სექსუალური უმცირესობების თემას რაც შეეხება, ადამიანის სექსუალური ორიენტაცია შეუძლებელია იყოს აგრესიულობის, ან ძალადობრიობის განმსაზღვრელი, ამით ამის თქმა მინდოდა,“ – ამბობს გამარჯვებული ფილმის რეჟისორი რობიზონ ზარიძე.

კონკურსში მეორე ადგილზე ვალეში მცხოვრები ანი დარბაიძის ფილმი გავიდა, ხოლო მესამე ადგილი ასპინძელი ზურა თურქაძის ფილმმა დაიაკავა.

„ძირითადი მიზანი იყო დაგვენახა, თუ როგორ გამოხატავენ და აღიქვამენ ახალგაზრდები ძალადობას. ვფიქრობ კონკურსმა გაამართლა, ფილმების კონკურსი პირველად გავაკეთეთ და არ ველოდი, რომ ამ ხარისხის ფილმებს გადაიღებდნენ მონაწილეები", – განაცხადა კონკურსის ორგანიზატორმა და ახალციხის მერიის კულტურის სამსახურის სპეციალისტმა მარიამ ზაზაძემ.

მოკლემეტრაჟიანი ფილმების კონკურსს სამი ჟიურის წევრი ჰყავდა: მერიის კულტურის სამსახურის უფროსი ზაზა თამარაშვილი, გაზეთ „მესხეთის უნივერსიტეტის“ რედაქტორი მარინე ზედელაშვილი და თოჯინების თეატრის სამხატვრო ხელმძღვანელი ვახო ქორიძე.

‘ბიტნიკი კატა’ – ძალადობაზე გადაღებული ფილმი კონკურსის გამარჯვებული გახდა

„ძალიან საინტერესო პროექტია, იმ გაგებით, რომ ახალგაზრდებს ხელოვნების კეთების სტიმული ეძლევათ. მათ პირველად აიღეს ხელში ვიდეოკამერა, ზოგს ესეც არ ჰქონდა და ტელეფონით გადაიღო. გაგვიჭირდა უპირატესობის მინიჭება, მაგრამ გამარჯვებული ფილმით გაოცებული დავრჩი, თითქოს ეს არა მოყვარულის, არამედ ნამდვილი ხელოვანის მიერ იყო გადაღებული“ – ამბობს მარინე ზედელაშვილი.

კონკურსში მონაწილეობის მიღება ახალციხის მუნიციპალიტეტში მცხოვრებ 14-დან 29 წლამდე ახალგაზრდებს შეეძლოთ. ღონისძიება ახალციხის მერიის განათლების, კულტურის და სპორტის სამსახურის ახალგაზრდულ საქმეთა ტურიზმის განყოფილების ორგანიზებით ჩატარდა.

პირველ ადგილზე გასულს პლანშეტი, მეორე და მესამე ადგილზე გასულებს კი მეხსიერების ბარათები გადაეცათ.

‘ბიტნიკი კატა’ – ძალადობაზე გადაღებული ფილმი კონკურსის გამარჯვებული გახდა

[ავთო ინასარიძე, ახალციხე]


20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.01.2020 2020 წელს ახალციხის სკოლებისთვის მილიონზე მეტი დაიხარჯება

21.01.2020 ახალციხის საკრებულოში 13 240 ლარის ჯილდო გაიცა

21.01.2020 აშშ–ს ელჩი ვადაგასულ მედიკამენტებზე: 'ინფორმაციის გაშუქებამ პოლიტიზებული სახე მიიღო'

21.01.2020 არალში გოგონებისთვის ძიუდოს კლუბი დაფუძნდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

ფოტოკონკურსის 'ჩემი თვალით დანახული სამყარო' გამარჯვებულები გამოვლინდნენ
ახალციხის სოფლებში  ფილმებს აჩვენებენ
ავანგარდი: ოჯახში ძალადობის შესახებ კონკურსში გამარჯვებული ფილმი [აუდიო]
ახალციხის სოფლებში ფილმების ჩვენება იწყება
ახალციხის  მერია ახალგაზრდების გენდერული განათლებით დაინტერესდა
‘სუფრაჟისტები’ – ფილმის ჩვენება და დისკუსია ახალციხეში
ახალციხეში ანიმაციური ფილმების ჩვენება გაიმართა