FM97.5 / LIVE

რა კავშირი ჰქონდა ჯეირანაშვილს ხვედელიანის საქმესთან?

მთავარისამართალი 05.07.2013
რატომ უნდა დაეყენებინა პროკურორს შუამდგომლობა მოსამართლის აცილების შესახებ ხვედელიანის საქმის განხილვისას და რა კავშირი ჰქონდა ჯეირანაშვილს იმ საქმესთან, რომელზეც გამამართლებელი განაჩენი გამოიტანა;

რა კავშირი ჰქონდა ჯეირანაშვილს ხვედელიანის საქმესთან?
ხვედელიანი და მისი ოთხი თანამშრომელი 2009 წლის 1 იანვრის ღამეს მომხდარი დანაშაულის გამო დააკავეს. მამაკაცის სკამის ფეხით გაუპატიურება ბრალდების მხარის განცხადებით, სწორედ ამ ღამეს მოხდა: ბაკურიანში ახალგაზრდებმა იჩხუბეს, ბორჯომის პოლიციის თანამშრომლებმა ბაკურიანიდან ჩამოყვანილი ბიჭები ოთახებში გადაანაწილეს აღიარებით ჩვენების მიცემა წამებით სცადეს.
მაშინ, როცა ბაკურიანში დანაშაული მოხდა, მოსამართლე გოჩა ჯეირანაშვილი სამცხე-ჯავახეთის საოლქო პროკურატურის საგამოძიებო ნაწილის უფროსად მუშაობდა. ბაკურიანში მომხდარს სამცხე-ჯავახეთის სამხარეო მთავარი სამმართველო იძიებდა.

„ზედამხედველობას უწევდა საოლქო პროკურატურის ზედამხედველი პროკურორი და აძლევდა იმ მიმართულებებს, თუ რა მიმართულებით უნდა ჩაეტარებინათ გამოძიება. ჩემი აზრით, როგორც საგამოძიებო ნაწილის უფროსს, მას საქმესთან არავითარი შეხება არ ჰქონია“, - ამბობს სამცხე-ჯავახეთის საოლქო პროკურატურის საგამოძიებო ნაწილის გამომძიებელი გელა მაღრაძე.

ვიდრე ბაკურიანში მომხდარის გამოძიება დასრულდებოდა, ჯეირანაშვილი პროკურატურიდან ახალციხის რაიონულ სასამართლოში მოსამართლედ დაინიშნა.

ახალციხის რაიონული სასამართლოს მენეჯერის ნინო ჩიგოგას განმარტებით, ჯეირანაშვილი მოსამართლედ 2009 წლის 13 მარტს დაინიშნა: „წინა დღეს, ან იმ დღესვე გაათავისუფლეს პროკურატურიდანაც“.

ბაკურიანში მომხდარ საქმეზე განაჩენი გოჩა ჯეირანაშვილმა გამოიტანა. 4 წლის შემდეგ იგივე საქმე, ოღონდ სხვა ფორმით კვლავ მასთან მოხვდა - მას იმ ადამიანების გასამართლება მოუხდა, რომლებიც 2009 წელს ბაკურიანში მომხდარს იძიებდნენ. ჯეირანაშვილმა ხუთივე ბრალდებული დარბაზიდან გაათავისუფლა.

ადვოკატის, ”ადამიანის უფლებათა პრიორიტეტის” ხელმძღვანელის ლია მუხაშავრიას განცხადებით, ის რომ ჯეირანაშვილს საქმესთან შეხება ჯერ როგორც პროკურატურის წარმომადგენელს, შემდეგ კი როგორც მოსამარლთეს ჰქონდა, აჩენს ეჭვს, რომ იგი მიკერძოებული ყოფილიყო.

„ეს არის აცილების საფუძველი. მაინტერესებს, პროცესზე მხარემ თუ დააყენა აცილება და მოსამართლემ რა გადაწყვიტა. ალბათ, არ აიცილა, მაგრამ აცილება აუცილებლად უნდა ყოფილიყო დაყენებული“, - ამბობს მუხაშავრია.
პროკურორის მირიან ჭუმბურიძის განცხადებთ, მას მოსამართლის აცილებაზე შუამდგომლობა არ დაუყენებია: „ყველა მოსამართლე ობიექტური უნდა იყოს. მაგრამ როგორც ჩანს, ჯეირანაშვილი ობიექტური არ აღმოჩნდა. არა ერთს აქვს პროკურატუაში ნამუშავარი და მაშინ საქმე ვის უნდა დაწეროდა?!“

მუხაშავრიას განცხადებით კი პროკურატურისთვის ეს არის ძალიან კარგი საფუძველი, რომ დააყენოს საჩივარში განაჩენის გაუქმების საფუძვლად: „გვაქვს უფლება, ეჭვი შევიტანოთ მოსამართლის მიკერძოებულობაში მისი გამოძიებაში ყოფნის ფაქტის გამო. ამიტომ, პროკურორს მისი აცილება უნდა მოეთხოვა“.

სამცხე-ჯავახეთის ოლქის პროკურორი გიორგი პაპუაშვილი აცხადებს, რომ საქმესთან მაშინ ჯეირანაშვილს შეხება არ უნდა ჰქონოდა: „თუმცა გამორიცხული არაფერია, ამას დადასტურება სჭირდება“.

[თამუნა უჩიძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.11.2019 ‘მე ვირჩევ თანასწორობას’ - საინფორმაციო კამპანია სამცხე-ჯავახეთში

20.11.2019 ბაღინაშვილის ქუჩის მოსახლეობა გზის რეაბილიტაციას ითხოვს

20.11.2019 ჯავახეთის დაცულ ტერიტორიებს ორი ახალი კოტეჯი დაემატა

20.11.2019 ახალციხის მერია საახალწლოდ ტკბილეულს შეიძენს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

გოჩა ჯეირანაშვილი ხვედელიანის საქმეზე: ‘ნებისმიერ დროს იგივე გადაწყვეტილებას მივიღებდი'
პროკურორი - მოსამართლემ ხვედელიანის საქმეზე პოლიტიკური გადაწყვეტილება მიიღო
დღეს პარლამენტში გოჩა ჯეირანაშვილს მოუსმენენ
გამომძიებლების ჩვენება ხვედელიანის საქმეზე
ახალციხის რაიონული სასამართლოს თავმჯდომარე სააპელაციოში გადადის
შეეწირა თუ არა ხვედელიანის საქმეს პროკურორი
გოჩა ჯეირანაშვილი უზენაესი სასამართლოს მოსამართლეობის ერთ–ერთ კანდიდატად შეირჩა