FM97.5 / LIVE

რა მოწესრიგდება ბაკურიანში ზამთრის სეზონისთვის

მთავარისიახლე, ეკონომიკა 29.08.2018
საქართველოს პრემიერ–მინისტრმა დღეს, 29 აგვისტოს საზაფხულო და ზამთრის კურორტების მოუმზადებლობის შესახებ ისაუბრა. მამუკა ბახტაძემ უკმაყოფილება დაბა ბაკურიანის შესახებაც გამოთქვა.

რა მოწესრიგდება  ბაკურიანში ზამთრის სეზონისთვის

მთავრობის სხდომის დაწყებამდე, მამუკა ბახტაძემ განაცხადა, რომ ზაფხულის კურორტები ტურისტების გაზრდილი ნაკადის მისაღებად მზად არ აღმოჩნდა: "ჩვენ არ ვართ კმაყოფილი იმ მზადყოფნით, რაც გვქონდა კურორტებზე ზაფხულში და, ამასთან ერთად, არ ვართ კმაყოფილი ბაკურიანის და გუდაურის მომზადების დონით, რომელიც ვიხილეთ ზამთარში. ყველას კარგად გვესმის და გვახარებს, რომ ტურისტების რაოდენობა მკვეთრად იზრდება, მაგრამ ეს არ არის არგუმენტი იმისთვის, რომ კურორტები არ იყოს მზად ამ ნაკადის მისაღებად".

ბახტაძის თქმით, ყველა იმ ადამიანისთვის, ვინც ფიზიკურად არის ჩართული ინფრასტრუქტურის მოწესრიგებაში და მზადყოფნის ხარისხის უზრუნველყოფაში, ეს არის "ბოლო გაფრთხილება".

ბაკურიანში, მოუწესრიგებელი ინფრასტრუქტურა ტურისტებს პრობლემას რომ უქმნის, ამის შესახებ ტურისზმის საინფორმაციო ცენტრის სპეციალისტი მარიკა მაკიევაც საუბრობს

მისი თქმით, ზამთრის სეზონზე, დამსვენებლებს დისკომფორტი ცენტრალურ გზაზე საცობებმა შეუქმნა: „ინფრასტრუქტურის მოუწესრიგებლობაში, პირველ რიგში, ალბათ გზები იგულისხმა. ზამთარში იყო საცობების პრობლმა. ახლა დაიწყება ახალი პროექტი, შემოვლითი გზა გაკეთდება და იმედი გვაქვს, რომ ცენტრალური გზა განიტვირთება“.

ბორჯომის მერიაში აცხადებენ, რომ ბაკურიანის შემოვლითი გზის მშენებლობა უკვე დაიწყო. უწყების ინფორმაციით, ზამთრის სეზონამდე დაბაში სხვა ინფრასტრუქტურული პროექტებიც განხორციელდება: „დაგეგმილია მრავალსართულიანი საპარკინგე ადგილის მოწყობა. ამჟამად წრიულზე ფეხით სავალი ნაწილიც ეწყობა“.

თვითმმართველობის ინფორმაციით, ამჟამად, ადგილობრივი ბიუჯეტით, დაბაში მიმდინარეობს 22 ჩიხის, ასევე, ხერგიანის, ახალშენის, ცაბაძისა და ქუმარიტაშვილის ქუჩების რეაბილიტაცია. პროექტებისათვის 1 400 000 ლარი გაიხარჯება. ამასთან ერთად კეთდება ბაკურიანი-ციხიჯვრის გზის 8–კილომეტრიანი მონაკვეთი და ამისთვის თანხა გამოყოფილი მუნიციპალური განვითარების ფონდიდანაა.

თუმცა, მთავარი პრობლემა, ბაკურიანში ზამთრის სეზონზე, როგორც მაკიევა ამბობს, ტურისტებისთვის მაინც უამინდობის გამო ჩაკეტილი ტრასებია:
„ბაკურიანში სამი სათხილამურო ტრასაა: კოხტა–გორა, დიდველი და მიტარბი. ქარის გამო ითიშება და არ მუშაობს–ხოლმე დიდველი. ყველაზე აქტიურ პერიოდში, იანვარში ორი–სამი დღე მაინც იკეტება. ამიტომ სხვა ტრასებზე დიდი რიგია. ტურისტებს კი არ უღირთ რიგში დგომა, იმიტომ რომ დღის განმავლობაში მხოლოდ 2 –ჯერ ახერხებენ დასრიალებას".

რაც შეეხება ზაფხულის სეზონს, მაკიევა ამბობს, რომ მიმდინარე წლის ზაფხულში, გასულ წელთან შედარებით, ბაკურიანში დამსვენებელთა სიმცირე იყო, თუმცა ეს ინფრასტრუქტურის მოუწესრიგებლობას არ გამოუწვევია: „გასულ წლებში ბევრი ტურისტი ჩამოდიოდა, რადგან სხვა ქალაქებში გაუსაძლისი სიცხე იყო, წელს კი ივლისიდან აგვისტოს ჩათვლით ცხელი დღეები მხოლოდ 5–6 დღე გაგრძელდა“.

მისივე თქმით, ზაფხულში დაბას 35 000 უცხოელი ტურისტი ეწვია. მათი უმრავლესობა ისრაელიდან, პოლონეთიდან და ჰოლანდიიდან შემოვიდა.
როგორც პრემიერ–მინისტრმა დღეს გამართულ ბრიფინგზე განაცხადა, დაბა ბაკურიანი ოთხსეზონიან კურორტად უნდა ჩამოყალიბდეს, ამიტომ მან პასუხისმგებელ პირებს მოუწოდა, რომ ინფრასტრუქტურული პროექტები რაც შეიძლება მალე დაასრულონ.

[თაკო ფეიქრიშვილი, ბორჯომი]


30.06.2020 საფეხური: როგორ ჩატარდება ეროვნული გამოცდები [აუდიო]

27.06.2020 აბიტურიენტებს საგამოცდო ბარათის ამობეჭდვა დღეიდან შეუძლიათ

26.06.2020 სამცხე–ჯავახეთიდან აბიტურიენტები სომხეთში წასვლას შეძლებენ – სომხური მედია

26.06.2020 სომეხი აბიტურიენტები ეროვნული გამოცდების ჩასაბარებლად ერევანში ვერ მიდიან

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.07.2020 სასწრაფო სამედიცინო დახმარების პერსონალს ხელფასი 100 ლარით გაეზარდა

01.07.2020 პატარა პიანისტი ახალქალაქიდან [ვიდეო]

01.07.2020 სურსათის ეროვნული სააგენტო ჯილეხზე საქონელს ცრის

01.07.2020 პოლიციელებს ხელფასი 125 ლარით გაეზარდათ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ბაკურიანში ინფრასტრუქტურის მოსაწესრიგებლად 6 მლნ ლარზე მეტი დაიხარჯება
სამცხე–ჯავახეთის გუბერნატორი: ‘ბაკურიანში  დამსვენებლებს კომფორტი უნდა შევუქმნათ“
ბაკურიანში ახალი ინფრასტრუქტურული პროექტები განხორციელდება
ბაკურიანში შემოვლითი გზის მშენებლობა მიმდინარეობს
ბაკურიანში შემოვლითი გზის სამ კილომეტრზე მშენებლობა დასრულდა
ტურისტული სეზონის პრობლემები ბაკურიანში
ზამთრის კურორტებზე სათხილამურო სეზონი დასრულდა