FM97.5 / LIVE

26 წელი აფხაზეთის ომიდან –ახალციხეში გარდაცვლილი გმირები გაიხსენეს

მთავარისიახლე, საზოგადოება 14.08.2018
აფხაზეთის ომის დაწყებიდან 26 წელი გავიდა. ომში დაღუპული გმირების მემორიალი ახალციხეში, დღეს, 14 აგვისტოს, ყვავილებით შეამკეს.

26 წელი აფხაზეთის ომიდან –ახალციხეში გარდაცვლილი გმირები გაიხსენეს

აფხაზეთის ომში დაჭრილ ზაზა ხრიკაძეს, რომელიც ახალციხეში, სოფელ წინუბანში ცხოვრობს, მრავალწლიანი მკურნალობის და რეაბილიტაციის მიუხედავად გადაადგილება ისევ უჭირს: „19 წლის ვიყავი ომში რომ წავედი, ჯარში ვმსახურობდი. ეშერაში დავიჭერი, უკანდახევის დროს თავში სნაიპერის ტყვია მომხვდა. ბევრი გარდაიცვალა მაშინ ჩემს გვერდით“.

ახალციხეში, დაღუპულთა მემორიალთან ომის მონაწილეებმა, თვითმმარათველობის, დეპუტატის ბიუროსა და სამხარეო ადმინისტრაციის წარმომადგენლებმა ყვავილები მიიტანეს და სანთლები დაანთეს. ომის მონაწილეებმა კი სოხუმში ბრძოლის დღეები გაიხსენეს.

ვეტერანების საქმეთა სახელმწიფო სამსახურის სამცხე–ჯავახეთის სამმართველოს უფროსი დავით ფეიქრიშვილი აფხაზეთის ომში როგორც ექიმი ისე წავიდა, თუმცა პროფესიით მუშაობა ვერ შეძლო, პირველ ხაზზე იბრძოდა და მანქანით დაჭრილები გამოჰყავდა: „24 წლის ვიყავი. თბილისში ვცხოვრობდი და სასწრაფოს ექიმად ვმუშაობდი. როცა გაგრა და ლესელიძე დაეცა მაშინ გადავიწყვიტე ომში წასვლა. მაშინ დაიძრა ფაქტობრივად მთელი მოსახლეობა. გვარდიის სამმართველოში ჩავირიცხე, 1993 წლის პირველი თებერვალი იყო. 31 მარტს დავიჭერი მძიმედ, ხუთი დღე ვიწექი ჰოსპიტალში და მერე თბილისში. სოხუმის დაცემის დროსაც ბრძოლის ხაზზე ვიყავი“.

ფეიქრიშვილმა აგვისტოს ომიც გაიხსენა. მისი თქმით, ქვეყანა 26 წლის წინ უფრო ბრძოლისუნარიანი იყო, ვიდრე 2008 წლის აგვისტოს: „1 წელი და 1 თვე ვერ აიღეს სოხუმი. ამოუწურავი რესურსი იყო, პატრიოტიზმიც საკმაოდ იყო და ბოძოლისუნარიანობაც. 2008 წლის აგვსოტოს ომში 3 დღეზე მეტი ვეღარ გაძლო ჯარმა. 2008 წელიც შეცომა იყო, იმას არ ვამბობ, რომ არ უნდა გვეომა, ისეთი ვითარება შექმნეს რუსებმა, რომ ომში უნდა ჩავრთულიყავით, სხვა გაზა არ იყო მართლაც, მაგრამ ჩვენ არ ვიყავით ამისთვის მზად, ზურგი არ გვქონდა გამაგრებული. რეზერვი უნდა გყავდეს, მომარაგებული უნდა გქონდეს ყველაფერი“.

აფხაზეთის ომი 1992 წლის 14 აგვისტოს დაიწყო. 1992–1993 წლებში ომში სამცხე–ჯავახეთიდან 800–ზე მეტი ადამიანი წავიდა. 16 მებრძოლი დაიღუპა მათ შორის: 4 ადიგენის, 8 ახალციხის, 2–2 კი ასპინძის და ბორჯომის მუნიციპალიტეტებიდან იყო. აფხაზეთის ომში რეგიონიდან 14 ჯარისკაცი დაიჭრა.

საქართველოს თავდაცვის სამინისტროს ეროვნულ გვარდიას, რომელიც აფხაზეთის ტერიტორიაზე სოჭი-ინგირის სარკინიგზო მონაკვეთის დასაცავად შევიდა, ე.წ.-მა „აფხაზურმა გვარდიამ“, პირველად ცეცხლი 14 აგვისტოს ოჩამჩირის რაიონში გაუხსნა. ამას აფხაზეთში საომარი მოქმედებების დაწყება მოჰყვა. აფხაზეთში სამხედრო დაპირისპირება 13 თვე და 13 დღე გაგრძელდა.1993 წლის 27 სექტემბერს კი სოხუმის დაცემით და საქართველოს შეიარაღებული ძალების მარცხით დასრულდა. დაუზუსტებელი მონაცემებით, ქართულ-აფხაზური კონფლიქტის დროს 16 000 ადამიანი დაიღუპა, 300 000 კი დევნილად იქცა.

[თინათინ ზაზაძე, ახალციხე]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.07.2020 ‘თურქულ მხარესთან ვთანამშრომლობთ’– მერი ჭაჭარაქში მოპარულ პირუტყვზე

10.07.2020 აქციის მონაწილეების ასვლის შემდეგ ‘უზუნჩაირის’ მთას მომთაბარე მწყემსები ტოვებენ [ფოტო]

10.07.2020 'მერის დაპირების არ გვჯერა, ჩვენ თვითონ გავრეკავთ მთიდან მწყემსებს' – აქციის მონაწილეები [ფოტო/ვიდეო]

10.07.2020 ორი კანონპროექტი და პროტესტი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

27 წელი ომიდან – ახალციხეში აფხაზეთის ომის გმირები გაიხსენეს
ახალციხეში აფხაზეთის ომში დაღუპული გმირები გაიხსენეს
ახალციხეში აფხაზეთის ომში დაღუპული მეომრები გაიხსენეს
სოხუმის დაცემიდან 26 წელი გავიდა
აფხაზეთის ომის დაწყებიდან 24 წელი გავიდა
25 წელი აფხაზეთის შეიარაღებული კონფლიქტიდან – ახალციხეში გმირები გაიხსენეს
სოხუმის დაცემიდან 24 წელი გავიდა – ახალციხეში გმირები გაიხსენეს