FM97.5 / LIVE

‘ომიდან 10 წლისთავზე, კულტურის სახლიდან რუსული მუსიკა არ უნდა ისმოდეს’ – პროტესტი ვალეში

მთავარისიახლე, საზოგადოება 07.08.2018
„რუსული, ოკუპანტი ქვეყნის ჰანგები უნდა ჟღერდეს აგვისტოში საქართველოს ქალაქებში თქვენი აზრით?! ღორმა რუსეთმა მოკლა, ჩემი ძმები, დები, დედები, ბაბუები, მან წამართვა ჩემი ქვეყნის 20%“, – ამ შინაარსის პოსტით ეხმაურება სოციალურ ქსელში, ვალეში მცხოვრები ჯაბა ნათენაძე კულტურის სახლში ჩართულ რუსულ მუსიკას.

‘ომიდან 10 წლისთავზე,  კულტურის სახლიდან რუსული მუსიკა არ უნდა ისმოდეს’  – პროტესტი ვალეში

ვალეში კულტურის სახლში, რომელიც ახალციხის მერიის ააიპ კულტურის დაწესებულებათა გაერთიანებას ეკუთვნის, საღამოს საათებში მუსიკა ირთვება, ისე რომ ხმა შენობის ირგვლივ მცხოვრებლების საცხოვრებელ სახლებშიც კი ისმის. როგორც ადგილობრივები ამბობენ, ხშირად აქ ჩართული რუსული მუსიკაა. ამას კი მათი ნაწილი აპროტესტებს.

„მაშინ როცა ქვეყანა აგვისტოს ომიდან 10 წლისთავს უნდა გლოვობდეს და უნდა ფიქრობდეს, რომ რაღაცნაირად თანადგომა გამოუცხადოს იმ ჯარისკაცებს, რომლებიც ჩვენთვის იბრძოდნენ, რუსული სიმღერების გაშვება განსაკუთრებით მიუღებელია“, – ამბობს ჯაბა ნათენაძე.

მის მოსაზრებას იზიარებს ვალეში მცხოვრები მარიამ ნარიმანიშვილი: „ვფიქრობ, რომ ეს ფაქტი საგანგაშოა, აგვისტოში დაიწყო საბრძოლო მოქმედებები საქართველოსა და რუსეთს შორის და ამ ყველაფრიდან 10 წლის თავზე რუსული სიმღერის ხმამაღლა მოსმენა უპატივცემულობის ნიშანია საკუთარი ქვეყნის და იმ ადამიანების მიმართ, ვინც ერთმორწმუნე რუსეთთან ბრძოლის დროს დაკარგა მამა, დედა, შვილი, ან უბრალოდ საყვარელი ადამიანი".

ახალციხის მერიის კულტურის დაწესებულებათა გაერთიანების დირექტორი გიორგი ჟუჟუნაძე ვალეში რუსული საესტრადო სიმღერების გაჟღერებას გმობს და ამბობს, რომ ეს მათი ინიციატივით არ მომხდარა: „ადგილობრივებს სურდათ ამ სიმღერების მოსმენა. მე თვითონაც მიომია და ყოველთვის დავუპირისპირდები ოკუპაციას. ვგმობთ რუსული სიმღერების გაშვებას რუსული ოკუპაციის ათი წლის თავზე“.

საღამოს მუსიკები რომ ადგილობრივების თხოვნით ირთვება, ამაზე ვალეს კულტურის სახლის თანამშრომლებიც საუბრობენ: „აქ უამრავი ადგილობრივი გოგო–ბიჭი მოდის და თვითონ, თავიანთი ტელეფონებიდან რთავენ მუსიკას, აგვისტოს ომის გასვლიდან ათი წლის თავზე რუსული მუსიკის გაშვება მიზანშეწონილი არ არის, შემდგომში აღარ ჩავართვევინებთ“, – ამბობს კულტურის სახლის ოპერატორი და ტექნიკური ხელმძღვანელი გოჩა მახათაძე.

ვალეში გამოკითხული ახალგაზრდების ნაწილი ამბობს, რომ მათთვის რუსული მუსიკა მიუღებელია.

„მე პირადად არ ვერთობი–ხოლმე კულტურის სახლში, მაგრამ იქიდან რუსული მუსიკების ხმა ხშირად გამოდის. ჩემთვის მიუღებელია, მაგრამ ვისაც უნდა მოუსმინოს. რუსეთი ოკუპანტია“, – გვითხრა 14 წლის საბა კაკიაშვილმა.

რუსული მუსიკა მით უფრო აგვისტოში მიუღებელია შედარებით უფროსი ასაკის თაობისთვისაც: „ბუნებრივია, სულ ერთი არ არის რა მუსიკას ჩართავენ, რუსეთი დამპყრობელია და აგვისტოში რუსული მუსიკის გაშვებას მეც ვაპროტესტებ", – ამბობს ნოდარ სულაბერიძე.

ადგილობრივების ნაწილისთვის რუსული მუსიკა მისაღებია და ფიქრობენ, რომ ეს რუსეთის მიერ საქართველოს ოკუპაციასთან არაფერ კავშირშია: „რაც მოხდა ის უნდა დავივიწყოთ, ამას სიღრმისეულად არ უნდა ჩავყვეთ, დღეს ქართველებს რუსი ტურისტები გვაცოცხლებენ,“ – ამბობს ვალეში მცხოვრები ჯიმშერ ავსაჯანიშვილი.

‘ომიდან 10 წლისთავზე,  კულტურის სახლიდან რუსული მუსიკა არ უნდა ისმოდეს’  – პროტესტი ვალეში

[ავთო ინასარიძე, ახალციხე]


14.03.2019 უფასო ფაკულტეტები მომავალ წელსაც იქნება - ბატიაშვილი

11.03.2019 2019 წლის ეროვნული გამოცდების ჩასაბარებლად რეგისტრაცია 12 მარტიდან იწყება

10.03.2019 2020 წლიდან სასკოლო ექსკურსიებთან დაკავშირებით ახალი რეგულაციები ამოქმედდება

07.03.2019 ნიკო კეცხოველის კონკურსის ფინალურ ტურში ადიგენის ორი სკოლა გადავიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.03.2019 ახალციხეში სამხედრო დასახლებასთან ხანძარი გაჩნდა

17.03.2019 დღეს მართლმადიდებლობის ზეიმი აღინიშნება

17.03.2019 17-18 მარტს საქართველოში მოსალოდნელია წვიმა

16.03.2019 ახალციხის თოჯინების თეატრში პრემიერა გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

'მშვიდობა ომზე მეტია' – აქცია ახალციხეში რუსული ოკუპაციის წინააღმდეგ  [Photos]
ვაკანსია რუსული ენის მცოდნე ახალგაზრდებისთვის
18–წლიანი პაუზის შემდეგ, ვალეში კულტურული ცხოვრება აღდგა
რუსული და ფრანგული ენების გამოცდაზე 9 აბიტურიენტი არ გამოცხადდა
რუსული პროპაგანდის საწინააღმდეგო კონცერტის დროზე თეატრი და პლატფორმა უნდა შეთანხმდნენ
ვალეში კულტურის სახლის რეაბილიტაცია იწყება
ხვალიდან პედაგოგების გამოცდები იწყება