FM97.5 / LIVE

რკინიგზა: ‘მუშას რომ დენმა დაარტყა, იმ დღეს მშენებელს დენის გამორთვა არ მოუთხოვია’

მთავარისიახლე, საზოგადოება, სამართალი 06.08.2018
იმ დღეს, როცა აწყურში ხიდის მშენებლობაზე მუშა რკინიგზის ხაზიდან დენის დარტყმის შედეგად გარდაიცვალა, მშენებელ კომპანიას რკინიგზისთვის ელექტროენერგიის გათიშვის მოთხოვნით არ მიუმართავს.

რკინიგზა: ‘მუშას რომ დენმა დაარტყა, იმ დღეს მშენებელს დენის გამორთვა არ მოუთხოვია’

ახალციხეში, სოფელ აწყურში მშენებარე ხიდთან საქართველოს რკინიგზის ხაზები გადის. როგორც საქართველოს რკინიგზის ინფრასტრუქტურის დირექტორი ვასილ ხორავა ამბობს, ამის გამო ხიდის მშენებელ კომპანიას „ჯორჯიან ბრიჯ ქონსთრაქშენს“ მათთან ხელშეკრულება აქვს გაფორმებული: „ეს დოკუმენტი გულისხმობს იმას, რომ როდესაც აწყურში ტარდება სამუშაოები დენის გამორთვის მიზნით მშენებელმა რკინიგზას წინასწარ უნდა შეატყობინოს. იყო შემთხვევები, როდესაც მან აიღო ე.წ. ტექნოლოგიური ფანჯარა, რაც იმას ნიშნავს, რომ რკინიგზის კომუნიკაციებზე დენი გამოვრთეთ და გარკვეული საათების განმავლობაში მშენებელმა სამუშაოები უსაფრთხოდ განახორციელა. მაგრამ იმ დღეს, როცა მუშა გარდაიცვალა საქართველოს რკინიგზაში დენის გამორთვის შესახებ შეტყობინება არ შემოსულა, არ ვიყავით საქმის კურსში“.

შეკითხვაზე, რატომ არ მიმართა მშენებელმა უსაფრთხოების მიზნით რკინიგზას, რომ ელექტროენერგია გამოერთოთ, პასუხი ვერ მივიღეთ. „ჯორჯიან ბრიჯ ქონსთრაქშენში“ „სამხრეთის კარიბჭის“ სატელეფონო ზარებს არ უპასუხეს. საქმის შესწავლა კი ჯერ არც ჯანდაცვის სამინისტროში მოქმედ ინსპექტირების ჯგუფს და არც შინაგან საქმეთა სამინისტროს დაუსრულებია.

„როცა ჯგუფი ჩავიდა ადგილზე სამუშაოები იმ პერიოდში არ მიმდინარეობდა. მე როგორც მაქვს ინფორმაცია, შეჩერებული იყო მუშაობა და ამიტომ უბრალოდ დაათვალიერეს ობიექტი. აუცილებელია შევისწავლოთ მშენებელი კომპანიის ტექნიკური პასპორტი და გამოვითხოვოთ ინფორმაცია უსაფრთხოების კუთხით მათი სისტემური მიდგომების შესახებ“, – ამბობს შრომის, ჯანმრთელობისა და სოციალური დაცვის სამინისტროში შრომის ინსპექციის დეპარტამენტის უფროსი ბექა ფერაძე.

საქართველოს შინაგან საქმეთა სამინისტროში კი აცხადებენ: „რომ ამ ეტაპზე გამოძიება ექსპერტიზების პასუხებს ელოდება“.

შეგახსენებთ, რომ 2 ივლისს, სოფელ აწყურში, ხიდის მშენებლობაზე დასაქმებული მუშა დენის დარტყმის შედეგად გარდაიცვალა.

[მარიამ ბარძიმაძე, ახალციხე]


23.07.2019 ‘ტექსტი ბავშვის ინტერესთან ახლოს უნდა იყოს’ - შეფასებები 'დედაენის' სკოლაში დაბრუნებაზე

22.07.2019 ეროვნულები ლიტერატურის გამოცდით გრძელდება

21.07.2019 ახალციხის მეხუთე სკოლის ჩამონგრეულ გალავანზე პასუხისმგებლობას მერია იღებს

19.07.2019 პედაგოგები უცხო ენებისა და ბიოლოგიის გამოცდას აბარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.07.2019 ვიზიტორები 101 ქვეყნიდან – როგორია სამცხე-ჯავახეთის ტურისტული პოტენციალი

22.07.2019 ‘საიდან იცის გამოძიების დეტალები?’– ბაღების დირექტორი ენზელ მკოიანს უჩივლებს

22.07.2019 ტემპერატურა იკლებს – როგორი ამინდია მოსალოდნელი სამცხე–ჯავახეთში

22.07.2019 აგარების მონასტრამდე მისასვლელ გზაზე გადაადგილება შეზღუდულია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

აწყურში  ხიდის მშენებლობაზე 35 წლის კაცი გარდაიცვალა
შრომის ინსპექციამ აწყურში ხიდის მშენებლობაზე  ხარვეზები გამოავლინა
რამდენად დაცულია უსაფრთხოების ნორმები ობიექტზე, სადაც 35 წლის მუშა გარდაიცვალა
აწყურში ხიდის მშენებლობაზე გარდაცვლილის საქმეზე ოთხი პირი პასუხისგებაში მისცეს
კომპანია, რომლის დაუდევრობითაც მუშა გარდაიცვალა, მუშაობას სანქციების გარეშე აგრძელებს
ახალქალაქში რკინიგზის მშენებლობაზე დასაქმებული 65 მუშა გაიფიცა
'საქართველოს რკინიგზის' 20 თანამშრომელს, შრომის უსაფრთხოების სპეციალისტის საერთაშორისო სერტიფიკატები  გადაეცათ ®