FM97.5 / LIVE

ღია მმართველობის პრინციპები – NDI-ს ორგანიზებით ახალციხეში შეხვედრა გაიმართა

მთავარისიახლე, პოლიტიკა 02.08.2018
ახალციხეში თვითმმართველობის საქმიანობაში მოქალაქეების ჩართულობის შესახებ მერიის, მედიისა და არასამთავრობო სექტორის წარმომადგენლებმა იმსჯელეს.

ღია მმართველობის პრინციპები – NDI-ს ორგანიზებით ახალციხეში შეხვედრა გაიმართა

შეხვედრაზე ახალციხის მუნიციპალიტეტის მერის მოადგილემ გურამ მელიქიძემ და საკრებულოს თავმჯდომარემ გელა ნოზაძემ ღია მმართველობის მნიშვნელობაზე ისაუბრეს.

მელიქიძის თქმით, მოქალაქეები თვითმმართველობის მუშაობაში ჩართულები აქტიურად იყვნენ: „მათ მეტად უნდა მიიღონ მონაწილეობა გადაწყვეტილებების მიღების პროცესში. თვითონ უნდა ხედავდნენ რა და როგორ კეთდება“.

მოსახლეობის გააქტიურებაზე გააკეთა აქცენტი "სამცხე-ჯავახეთის მედიაცენტრის" დირექტორმა მარინა კუპატაძემაც: „მთავარი გამოწვევა გადაწყვეტილებების მიღების პროცესში მოქალაქეების ჩართულობაა. ბევრი რამ კეთდება ამ კუთხით, თუნდაც ის, რომ ღია მმართველობას შეუერთდა საქართელო, მაგრამ მოსახლეობა მაინც ინერტულია. მიზეზი კი ისაა, რომ მათ ჯეროვანი ინფორმაცია არ აქვთ, თორემ ბუნებრივია პროექტების დაწერაც უნდათ და მიმდინარე პროცესებში აქტიური მონაწილეობაც. სწორედ ამაშია მედიის და არასამთვრობო სექტორის როლი. ისინი უნდა გახდნენ შუამავლები საზოგადოებასა და მთვრობას შორის“.

ასოციაცია „ტოლერანტის“ თავმჯდომარის ცირა მესხიშვილის თქმით, რეგიონში მიმდინარე საკითხებზე რეგიონული არასამთავრობო ორგანიზაციები უნდა მუშაობდნენ და ამ პროცესებში თბილისში მოქმედი არასამთავრობოები არ უნდა ერთვებოდნენ: „არ შეიძლება თბილისში მოქმედი ორგანიზაციები გვკარნახობდნენ ადგილობრივ ორგანიზაციებს, თუ რა არის საჭირო აქ. ვიღაც ზის თბილისში და წყვეტს იქიდან, რომ თურმე ახალციხელი შშმ პირებისთვის ტრენინგი უნდა ჩაატაროს მათ საჭიროებებზე, ამასობაში კი აქტიური ადგილობრივი ენჯეოები კვდებიან“.

ახალციხელმა ომარ ჯაყელმა მერიის წარმომადგენლებს შეხვედრაზე „ხანდაზმულთა საკრებულოს“ შექმნის იდეა შესთავაზა: „ გავიგე, რომ რომელიღაც მუნიციპალიტეტში ახალგაზრდული საკრებულო შექმნილა, კი ბატონო ეს კარგია, მაგრამ მე მაქვს ინიციატივა, რომ ჩვენ შევქმნათ ხანდაზმულთა საკრებულო, ეს საკრებულო შეჯერდება ახალგაზრდებთან და ბევრ სიკეთეს მოგვიტანს“.

NDI-ის ადგილობრივი თვითმმართველობის პროგრამის ფარგლებში ეს იყო პირველი შეხვედრა, რომელიც ადგილობრივი თვითმმართველობის, არასამთავრობო სექტორისა და მედიის წარმომადგენლების მონაწილეობით გაიმართა. პროგრამის მიზანი მხარეთა ანგარიშვალდებულებისა და ჩართულობის გაზრდა, ასევე ადგილობრივი სამოქალაქო საზოგადოებისა და მედიის გაძლიერებააა.

[ავთო ინასარიძე, ახალციხე]


23.07.2019 ‘ტექსტი ბავშვის ინტერესთან ახლოს უნდა იყოს’ - შეფასებები 'დედაენის' სკოლაში დაბრუნებაზე

22.07.2019 ეროვნულები ლიტერატურის გამოცდით გრძელდება

21.07.2019 ახალციხის მეხუთე სკოლის ჩამონგრეულ გალავანზე პასუხისმგებლობას მერია იღებს

19.07.2019 პედაგოგები უცხო ენებისა და ბიოლოგიის გამოცდას აბარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.07.2019 ვიზიტორები 101 ქვეყნიდან – როგორია სამცხე-ჯავახეთის ტურისტული პოტენციალი

22.07.2019 ‘საიდან იცის გამოძიების დეტალები?’– ბაღების დირექტორი ენზელ მკოიანს უჩივლებს

22.07.2019 ტემპერატურა იკლებს – როგორი ამინდია მოსალოდნელი სამცხე–ჯავახეთში

22.07.2019 აგარების მონასტრამდე მისასვლელ გზაზე გადაადგილება შეზღუდულია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

11.07.2019 ძველი მანქანების ერთგული მეპატრონეები [ფოტო/ვიდეო]

09.07.2019 ლეგენდების სოფელი

04.07.2019 ‘ფანდურის გაკეთებისას ბოროტების ნასახი არ უნდა გქონდეს გულში’– მესხი მეფანდურეები [ფოტო/ვიდეო]

08.03.2019 ქალები მძიმე ჩანთებით [Photo/Video]

მსგავს თემაზე

ახალციხეში თვითმმართველობის საქმიანობაში მოქალაქეთა ჩართულობის გაზრდაზე იმსჯელეს
ახალციხეში ადგილობრივი ხელისუფლებისა და მოქალაქეების თანამშრომლობაზე იმსჯელეს
ღია მმართველობის ხელშეწყობის მიზნით ახალციხელებს კონსულტაცია გაუწიეს
ახალციხეში საზოგადოებრივი ორგანიზაციებისა და მედიის ურთიერთობაზე იმსჯელეს
ახალგაზრდები ახალციხის გამგეობის მუშაობით დაინტერესდნენ
”გენდერული თანასწორობა პოლიტიკურ პროცესებში”
როგორ ჩაერთოს მეტი მოქალაქე თვითმმართველობის მუშაობაში