FM97.5 / LIVE

ახალციხის მერი ვეტერანებს კიდევ სამ ალტერნატიულ ფართს სთავაზობს

მთავარისიახლე, საზოგადოება 02.08.2018
მიუხედავად იმისა, რომ სადავო შენობაში შესახლებული ვეტერანები ქალაქგარეთ შეთავაზებულ ალტერნატიულ ფართებში ცხოვრებაზე უარს ამბობენ, ახალციხის მერი მათ დამატებით კიდევ სამ ალტერნატიულ ფართს სთავაზობს, ოღონდ ისევ ქალაქიდან მოშორებით.

ახალციხის მერი ვეტერანებს კიდევ სამ ალტერნატიულ ფართს სთავაზობს

ახალციხის მერი ზაზა მელიქიძე ვეტერანებს საცხოვრებლად ფართს, ისევ, ვალეში ყოფილი პროფესიული სასწავლებლის, წყალთბილაში ყოფილი ლაბორატორიის და სხვილისში ყოფილი სკოლის შენობებში სთავაზობს.

„სოფლებში არის კიდევ შენობები, რომლებზეც შეიძლება ფიქრი. ჩვენ ქალაქში არ გვაქვს ალტერნატიული ფართი, მაგრამ სასამართლო გადაწყვეტილების მიუხედვად მათ ღია ცის ქვეშ ვერ დავტოვებთ“, – ამბობს ზაზა მელიქიძე.

დღეს, 2 აგვისტოს, ვეტერანები მერთან შეხვედრაზეც იმყოფებოდნენ. თუმცა, მათ „სამხრეთის კარიბჭესთან“ საუბარი არ ისურვეს. მერიაში კი ამბობენ, რომ ზაზა მელიქიძესთან ვეტერანების შეხვედრა რამდენიმე წუთს გაგრძელდა: „მერი მათ ალტერნატიული ფართების საკითხთან დაკავშირებით უახლოეს დღეებში კიდევ შეხვდება“.

ვიდრე ვეტერანები მერთან ალტერნატიულ ფართზე შეთანხმდებიან, ცხოვრება ისევ სადავო შენობაში მოუწევთ, მიუხედავად იმისა, რომ აქ საჯარო მოხელეთა გადამზადების ცენტრის მოსაწყობად სარემონტო სამუშაოები უკვე იწყება.

„ის ადგილი, სადაც სამუშაოები იქნება, დაცვის მიზნით შემოვღობავთ და პარალელურად, დროებით, ვეტერანებიც იქ იცხოვრებენ“, – ამბობს ახალციხის მერი.

შეგახსენებთ, რომ ვეტერანების საქმემ სასამართლოს სამივე ინსტანცია გაიარა. საბოლოო გადაწყვეტილებით მათ უკანონოდ დაკავებული შენობა უნდა დატოვონ.

ახალციხეში, პეტრე იბერის ქუჩაზე N17-ში მდებარე შენობა, სადაც წლების წინ სკოლა – ინტერნატი იყო განთავსებული, 2016 წლის 24 სექტემბერს ცხრა ოჯახმა უნებართვოდ დაიკავა. აღნიშნული შენობა ახალციხის მერიის ბალანსზეა, თუმცა ის თვითმმართველობამ 2014 წლის 4 ივნისს უზურფრუქტის წესით (ხელშეკრულება N36) სააგენტოს გადასცა. საკრებულოსა და სააგენტოს შორის გაფორმებული ხელშეკრულების თანახმად, 4 089 კვადრატულ მეტრ მიწაზე განლაგებულ ორ ობიექტში სწავლებისა და გადამზადების ცენტრი უნდა გაიხსნას.

[ლუბა გიორგაძე, ახალციხე]


09.12.2019 'მხიარულ სტარტებში' ახალციხის N1 საჯარო სკოლამ გაიმარჯვა

08.12.2019 არჩევანი – განათლებული და განვითარებული საქართველო

05.12.2019 წიგნიერების დონით ქართველი მოსწავლეები, 79 ქვეყანას შორის ბოლოდან მერვე ადგილზე არიან

03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.12.2019 ფარეხის გზაზე, სადაც ავარიას 5 ადამიანი ემსხვერპლა კამერების დამონტაჟებას ითხოვენ

09.12.2019 ახალციხელი სპორტსმენი უკრაინის ჩემპიონია

09.12.2019 ახალქალაქის 22 სოფელს ბუნებრივი აირი არ აქვს

09.12.2019 ახალციხის 29 ქუჩას ორი დღე სასმელი წყალი არ ექნება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

მსგავს თემაზე

ვეტერანები ამ წელსაც სადავო შენობაში გამოიზამთრებენ
ახალციხის მერმა ვეტერანებს სამი ალტერნატიული ფართი შესთავაზა
ახალციხის მერი ვეტერანებზე: ‘ვიდრე თავშესაფარი არ ექნებათ, არ გამოვასახლებთ’
ვეტერანებს უკანონოდ დაკავებულ  ფართს  დაატოვებინებენ
სასამართლოში ვეტერანების  საქმის განხილვა იწყება
ვეტერანების საქმის განხილვა დასრულდა
ახალციხის მერი: ‘არ გვაქვს ფართი, რომ ვეტერანებს თავშესაფარი გამოვუყოთ’