FM97.5 / LIVE

‘წყალი დილა–საღამოს 15 წუთიც კი აღარ მოდის’ – ახალციხეში წყლის პრობლემაზე ჩივიან

მთავარისიახლე, საზოგადოება 30.07.2018
ახალციხეში წყლის მიწოდება თვეზე მეტია შეიზღუდა, გაერთიანებული წყალმომარაგების კომპანიას კი ახალი განრიგი ამ დრომდე არ შეუდგენია.

‘წყალი დილა–საღამოს 15 წუთიც კი აღარ მოდის’ – ახალციხეში წყლის პრობლემაზე ჩივიან

უკვე მეორე თვეა ახალციხეს წყალი შეზღუდული განრიგით მიეწოდება, თუმცა, როგორც ივერიელის ქუჩაზე მცხოვრებლები ამბობენ, ბოლო ერთი კვირის განმავლობაში, დასახლებაში წყალი 15 წუთიც კი აღარ მოდის.

„ასეთი პრობლემა არასდროს გვქონია, სუფთა წყალი მოდის, მაგრამ ერთი კვირაა რაც ისე იკლო, რომ დილა–საღამოს 15 წუთში წყდება. რა არის მიზეზი არ ვიცით“, – ამბობს ადგილობრივი ნანი ნემსაძე.

უწყლობაზე ჩივიან მის მეზობლად მცხოვრებლებიც: „08:00 საათზე წყლის ავსებას ვაპირებდი და უკვე მოწყვეტილი იყო, არავის გავუფრთხილებივართ, არ ვიცით რა ხდება“.

ივრიელის N7-ში მცხოვრები მარინე ჩამანიანის თქმით, ვიდრე განრიგი შეიზღუდებოდა, დილა–საღამოს წყალი, დაახლოებით, ორ–ორი საათი მოდიოდა: „ტონიანი ბაკი მაქვს და მესამედიც არ ივსება. პირველ სართულზე წყალი არ მყოფნის და ნასოსის გარეშე შეუძლებელია მოხმარება, ამის გამო კი მეტი დენი იწვება“.

საქართველოს გაერთიანებული წყალმომარაგების კომპანიიის ტექნიკური აქტივობის მართვის დეპარტამენტის უფროსის მიშა ქავთარაძის თქმით, წყლის შეზღუდული რაოდენობით მიწოდება იმითაა გამოწვეული, რომ მას მოსახლეობა არანორმირებულად მოიხმარს: „კვირის ბოლომდე ახალ განრიგს დავადგენთ, 10–15–წუთიანი წყალმომარაგება აღარ იქნება და ვითარება მეტნაკლებად გამოსწორდება. რაც შეეხება ივერიელის ქუჩას, ადგილობრივი სერვისცენტრი და რეგიონიც აქტიურად ცდილობს ამ დასახლებაში პრობლემის მოგვარებას. დილით როგორ შევძლებთ წყლის მიწოდებას არ ვიცით, მაგრამ საღამოს საათებში წყალი ჩვეულ რეჟიმში მიეწოდებათ“.

[ნანა ინასარიძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალციხეში წყლის მიწოდება შეიზღუდა
ახალციხეში, ვარძიის ქუჩაზე ადგილობრივები წყლის პრობლემაზე ჩივიან
„ხუთსართულიანების“ დასახლებას  წყალი შეფერხებით მიეწოდება
რაბათში სასმელად უვარგისი წყალი მოდის
ახალციხეში, „ხუთსართულიანებში“ წყალი მხოლოდ ღამე მოდის
ახალციხეში რამდენიმე ქუჩას წყალი არ მიეწოდება
სოფელ ხევაშენში ოთხი დღეა წყალი არ მოდის