FM97.5 / LIVE

ახალციხე კიბოთი ავადობის მაჩვენებლით მეორე ადგილზეა

მთავარისიახლე, საზოგადოება 13.07.2018
კიბოს პოპულაციური რეგისტრის 2015–2017 წლის მონაცემებით, საქართველოს მასშტაბით, დაავადების ყველაზე მაღალი მაჩვენებლები ოზურგეთისა და ახალციხის მუნიციპალიტეტებში დაფიქსირდა.

ახალციხე კიბოთი ავადობის მაჩვენებლით მეორე ადგილზეა

დაავადებათა კონტროლისა და საზოგადოებრივი ჯანმრთელობის ეროვნული ცენტრი, კიბოს რეგისტრის სამი წლის მონაცემებს აქვეყნებს. მათი ინფორმაციით, 2015–2017 წლებში ქვეყნის მასშტაბით, კიბოს ახალი შემთხვევების რაოდენობა 8 700- 11 000-ის ფარგლებში მერყეობს.

ამავე სტატისტიკის მიხედვით, ქვეყანაში კიბოს ავადობის მაჩვენებელი 100 000 მოსახლეზე 241-ს შეადგენს. ხოლო 18 მუნიციპალიტეტის მაჩვენებელი ქვეყნის მაჩვენებელს აღემატება. ამ 18 მუნიციპალიტეტს შორის კი ყველაზე მაღალი მაჩვენებლები ოზურგეთსა (370) და ახალციხეში (344) ფიქსირდება.



ორგანიზმში ავადობის გამოვლენის ადგილი (ლოკალიზაცია) სხვადასხვაა. ახალციხეში, ქალებში კიბოს ხუთი ყველაზე ხშირი ლოკალიზაციაა: სარძევე ჯირკვალი (54.9), ქალის სასქესო ორგანოები (36.1), ფარისებრი ჯირკვალი (29.5) , საშვილოსნოს ყელი (26.2), ლიმფოიდური, ჰემოპოეზური და მონათესავე ქსოვილები (16.4).

მუნიციპალიტეტში მცხოვრებ მამაკაცებში კიბოს ხუთი ყველაზე ხშირი ლოკალიზაციაა: ფილტვი(47.2), საშარდე სისტემა (43.2), სასუნთქი სისტემას და გულმკერდის ღრუს სხვა ორგანოები (29.7), კანის სხვა კიბო (27.0), თვალი, თავის ტვინი და ცენტრალური ნერვული სისტემა (22.2).



დაავადებათა კონტროლის ეროვნული ცენტრის რეკომენდაციაში ვკითხულობთ, რომ „კიბოს რეგისტრის მონაცემთა დაგროვების (სულ მცირე 5 წელი) შემდეგ, შესაძლებელი გახდება გადარჩენის მაჩვენებლების დათვლა, ასევე, საყოველთაო ჯანდაცვის მონაცემებთან შედარების საფუძველზე, შედარებით ჩაღრმავებული ანალიზის ჩატარება“.

კიბოს პოპულაციური რეგისტრი, 2015 წლის 1 იანვრიდან, საქართველოში ავთვისებიანი სიმსივნეების გავრცელების შესახებ ხარისხიანი მონაცემების შეგროვების მიზნით ამოქმედდა. რეგისტრის მონაცემებით, ყველა ლოკალიზაციის კიბოს ახალი შემთხვევების 57% ქალებში აღირიცხება, 44% კი კაცებში.

ასაკის მიხედვით, ავადობის შემთხვევების 70% რეგისტრირებულია ყველაზე შრომისუნარიან ჯგუფში - 30–დან 70–წლამდე.

0-დან 15 წლამდე და 15-დან 20 წლამდე ასაკობრივ ჯგუფებზე შემთხვევათა 1% მოდის.

ქვეყნის მასშტაბით, ქალებში რეგისტრირებულ კიბოს ახალ შემთხვევებში, ფარისებრი ჯირკვლის კიბოს მეორე ადგილი უკავია. 2015 წლიდან ფარისებრი ჯირკვლის კიბოს, როგორც შემთხვევათა რაოდენობამ, ასევე ინციდენტობის მაჩვენებელმა მოიმატა.

ქალებში ფარისებრი ჯირკვლის კიბო რეგისტრირებულია თითქმის ყველა ასაკობრივ ჯგუფში. 2017 წელს, 25 წლამდე გოგონებში, 55 ახალი შემთხვევა დაფიქსირდა, რაც ამავე ასაკის გოგონებში ყველა ლოკალიზაცის კიბოს ახალი შემთხვევების 50%-ს შეადგენს.

დაავადებათა კონტროლის ეროვნული ცენტრის რეკომენდაციით, ფარისებრი ჯირკვლის კიბო საქართველოში, დარგის ეროვნულ და საერთაშორისო ექსპერტთა განსაკუთრებულ განხილვას საჭიროებს.

მათივე თქმით, კიბოს ავადობის ქვეყნებად მიიმჩნევა ის ქვეყნები, სადაც 100 000 ქალზე ავადობის მაჩვენებლი 10–ს შეადგენს. საქართველოში კიბოს პოპულაციური რეგისტრის მიხედვით კი აღნიშნული მაჩვენებელი 100 000 ქალზე 39–ია.

[თაკო ფეიქრიშვილი, ახალციხე]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.04.2020 დაიხურება თუ არა ახალციხის ბაზარი

07.04.2020 ‘დემოკრატ ქალთა საზოგადოების’ ექიმები პერსონალური დაცვის საშუალებებით აღიჭურვნენ

07.04.2020 ახალციხელი ახალგაზრდა, რომელიც უმუშევარი დარჩა დახმარებას ითხოვს [ვიდეო]

07.04.2020 ‘აგრარული ბაზრები მითითებული სტანდარტების მიხედვით შეძლებენ ფუნქციონირებას' – ლევან დავითაშვილი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

კიბოს ავადობის მაჩვენებელი ახალციხეში – დაავადებათა კონტროლის ცენტრის განმარტება
ონკოლოგების შეფასებები ახალციხეში კიბოს ავადობის მაღალ მაჩვენებელზე
ახალციხის რეფერალური ჰოსპიტალი კიბოს სკრინინგის სახელმწიფო პროგრამაში ჩაერთო [R]
ექიმი გვირჩევს: კიბოს სკრინინგი [Video]
ექიმი გვირჩევს: როგორ ვუმკურნალოთ ძუძუს კიბოს [ვიდეო]

კარტოფილის კიბოს მიმართ რეზისტენტული ჯიშების კვლევა ხულოში [R]
ახალციხეში  შესაძლებელი გახდება კიბოს ადრეულ სტადიაზე დიაგნოსტირება