FM97.5 / LIVE

‘ირმების ოჯახსაც ვიცნობ, ვიცი სადაც ცხოვრობენ’ – ნაკრძალში გატარებული 35 წელი

მთავარისიახლე, საზოგადოება 05.07.2018
58 წლის რეინჯერი კუკური სარალიძე სოფელ ქვაბისხევში ცხოვრობს. ტყეს ბავშვობიდან უვლის, ამბობს რომ ბუნების სიყვარული მამამ და ბაბუამ ასწავლა: „ხეებს რგავდნენ და მეც ვეხმარებოდი, მას შემდეგ ჩემი ცხოვრება ტყესთანაა დაკავშირებული“.

‘ირმების ოჯახსაც ვიცნობ, ვიცი სადაც ცხოვრობენ’ – ნაკრძალში გატარებული 35 წელი

„როცა ნაძვი ხმება, გული მიკვდება. ბოლო ხანს ნაძვებს და ფიჭვებს რაღაც ჭირთ, ძირითადად ახალგაზრდები ხმებიან. სულ მალე მიზეზი გვეცოდინება და გავიგებთ რა აზიანებს მათ", – ამბობს რეინჯერი, რომელიც 35 წელია ბორჯომ–ხარაგაულის ეროვნულ პარკს იცავს. ამბობს, რომ იცნობს ნაკრძალში არსებულ სოკოს ყველა სახეობას. მისი თქმით, აქ მხოლოდ ნიყვი არ იზრდება.

რეინჯერი ტყეში ცხოველებს ხშირად ხვდება: „ერთხელ ფერდობზე ირმის რქები დავინახე შორიდან, სოფელში მისგან წამალს აკეთებენ, ამიტომ მეორე დღეს ავედი წამოსაღებად. მაყვლის ბუჩქები გადავწიე და ჩემზე ორჯერ დიდმა დათვმა წამოყო თავი, რქა სულ აღარ მახსოვდა, თავქუდმოგლეჯილი მოვრბოდი“, – იხსენებს სიცლით.

კუკური გარდა დათვისა, ფოცხვერს, მგლების ხროვას და ირმების ოჯახსაც ბევრჯერ გადაყრია: „დათვები ძირითადად კენკროვან მცენარეებთან გვხვდებიან. ირმების ოჯახსაც ვიცნობ, ვიცი სადაც ცხოვრობენ, თუმცა ჯობია ყველამ არ იცოდეს“.

რეინჯერი ამბობს, რომ ნაკრძალში იშვიათად, მაგრამ მაინც ხვდება ადამიანებს, რომლებიც ბუნებას ანადგურებენ. თუმცა, ფიქრობს, რომ ამ კუთხით 90–იან წლებთან შედარებით ვითარება ბევრად შეცვლილია: „ხალხი ახლა უფრო იცავს ტყეს და ცხოველებს, ვიდრე მაშინ“.

კუკური უდაბურ ტყეში ახალწელსაც ხშირად შეხვედრია: „ერთხელ, 31 დეკემბერს, ღამით, ჩემი თანამშრომელი ტყეში ნაკვალებს გაჰყვა, ეგონა მონადირეები შემეპარნენო, მეც ავიღე თოფი და მისახმარებლად გავყევი და ძალიან დიდი თოვლში ჩავვარდი. მეძახის, სად ხარო, ვუყვირივარ, მომკიდე ხელი და ამომიყვანემეთქი, გვერდზე ვედექი თოვლში თავით ჩაფლული, ეს კიდე მეძებდა. საბოლოოდ გაირკვა, რომ ტურისტები ყოფილან სპეცაღჭურვილობით და ახალ წელს მათთან ერთად შევხვდით, თბილად მიგვიღეს ძალიან“.

რეინჯერი გულისწყვეტით ამბობს, რომ სტუმრები ტყეს ხშირად ანაგვიანებენ, ამიტომ თითქმის ყოველთვის, როცა ტყიდან სოფლისკენ მიდის გზაზე ნარჩენებს აგროვებს: „უცხოელი ტურისტები ტყეს თითქმის არასდროს აბინძურებენ, პირიქით თვითონ ნაგავი ბევრჯერ ჩამოუტანიათ ტყიდან. ძირითადად ექსკურსიებზე მოსულები ყრიან ნარჩენებს და მერე ასე ვკრეფ. გვაქვს ჯარიმა და გამაფრთხილებელ ბარათსაც ვაძლევთ, თუმცა მაინც არ ითვალისწინებენ. ხშირად ტყის დასუფთავებაში სტუდენტებიც გვეხმარებიან–ხოლმე“.

ბორჯომ-ხარაგაულის ეროვნული პარკის რეინჯერი ამბობს, რომ მისი ნატვრაა, ქვეყანაში ბევრი ისეთი ადამიანი იყოს, ვისაც ტყე ეყვარება: „ძალიან ბედნიერი ვარ, როცა ჩვენთან მოსულ სტუმარს ტყის ნახვით ვახარებ. კარგია, როცა ტყეში ისეთი ადამიანი მოდის, ვისთვისაც ტყე ძვირფასია“.

‘ირმების ოჯახსაც ვიცნობ, ვიცი სადაც ცხოვრობენ’ – ნაკრძალში გატარებული 35 წელი

[ავთო ინასარიძე, ბორჯომი]


06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

05.07.2020 ეროვნული გამოცდები და რეკომენდაციები

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

06.07.2020 რატომ ვერ შენდება აბასთუმანში ავტოსადგომი - 9 მილიონიანი ტენდერი მესამედ გამოცხადდა

06.07.2020 ახალციხის 4 სოფელში სტიქიის მიერ მიყენებულ ზარალს ითვლიან

06.07.2020 'გამოსხივების გამო ცუდად ვხდებით' – ბოლაჯურში მაგთის ანძის გადატანას ითხოვენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

საქართველოში ყველაზე სტაჟიანი ბორჯომელი რეინჯერი სამსახურიდან გააცილეს
31 ივლისი რეინჯერთა მსოფლიო დღეა
‘აბასთუმნის ცენტრში გადაღებული ირემი მგლისგან იყო დაკბენილი’ – რეინჯერი
ქრთამის აღების ფაქტზე ბორჯომ-ხარაგაულის ეროვნული პარკის რეინჯერი დააკავეს
ბორჯომ-ხარაგაულის ნაკრძალში ხანძრის ჩაქრობისას დაცვის განყოფილების უფროსი დაიღუპა
ქრთამის აღების ბრალდებით ბორჯომ-ხარაგაულის დაცული ტერიტორიების რეინჯერი დააკავეს [ვიდეო]
ტყეში გატარებული ნახევარი საუკუნე – სამცხე–ჯავახეთის ტყის მცველები [Video]