FM97.5 / LIVE

სამცხე-ჯავახეთში საქონლის საშიში დაავადება გავრცელდა [Video]

მთავარისიახლე, საზოგადოება, SK TV, ხმა სოფლიდან–რადიო 28.06.2018
გიორგიწმინდაში საქონელი იხოცება. სოფელში პირუტყვის მომაკვიდნებელი დაავადება, ნოდულარული დერმატიტი გაჩნდა. დაავადება ადამიანზე არ გადადის, თუმცა დაავადებული ძროხის რძის მოხმარება დაუშვებელია.

სამცხე-ჯავახეთში  საქონლის საშიში დაავადება გავრცელდა [Video]

დაავადება, რომლის პირველი ნიშნები საქონელს ორი კვირის წინ გამოაჩნდა, რეგიონში მანამდე არასდროს გავრცელებულა.

„10 დღის წინ ქავილი დაეწყო. ნახირიდან რომ მოვიდა უკვე გამონაყარი ქონდა. ანტიბიოტიკები მივაშველე და იმის მერე ასეა. მეზობელს მოუკვდა. 10 დღეა მთელი სოფელი რძეს ვაქცევთ, რადგან გაგავფრთხილლეს არ გამოიყენოთო, ფაქტიურად სოფელი მშიერია დარჩენილი“, – გვეუბნება გიორგიწმინდის მცხოვრები სვეტა ხიბლიშვილი.

სპეციალისტები განმარტავენ, რომ ნოდალური დერმატიტი განსაკუთრებით საშიში დაავადებაა, რომელიც დროული ვაქცინაციის გარეშე პირუტყვის სიკვდილს იწვევს. ძროხას ჯერ ქავილი ეწყება, შემდეგ კანქვეშ გამონაყარი უჩნდება, იკლებს წონაში, წყვეტს წველადობას, უშუპდება შინაგანი ორგანოები და კანქვეშა უჯრედები, უზიანდება თვალები, სასუნთქი და საჭმლის მომნელებელი სისტემა.

სურსათის ეროვნული სააგენტოს სამცხე-ჯავახეთის რეგიონული სამმართველოს უფროსის ლია ბექაურის ინფორმაციით, მსგავსი დაავადების ნიშნები აღმოჩნდა ასპინძაშიც, თუმცა ვაქცინაცია დროულად დაიწყო და დაავადება არ გავრცელებულა: „ამ დაავადების სამკურნალო პრეპარატი არ არსებობს, მაგრამ თუ ფერმერი შეამჩნევს კანის დაზიანებას, უნდა ჩაატაროს სიმბტომატიკური მკურნალობა ანუ მკურნალობა, რითაც ცხოველს არ დაემართება მეორეადი ინფექცია, უნდა დამუშავდეს კვანძები კანზე ასეპტიკური საშუალებით და შეიძლება ანტინიოტიკიც გაუკეთონ“.

გიორგიწმინდის მცხოვრებლები წუხან, რომ საქონელი ვაქცინაციის ფონზეც იხოცება. სამი ძროხა უკვე მოკვდა. მათ ნაწილს ძროხები ბანკიდან აღებული კრედიტით ჰყავს ნაყიდი, ხოლო იმის გამო, რომ რძეს ვეღარ ყიდის, ვეღარც სესხის გადახდას ახერხებს.

„სოფელი უძლურია, პირველად არის ეს დაავადება. ზეზეულად ლპება საქონელი. ამის იმედად ვართ. მოსავალი აქ არ მოდის. ურწყავი სოფელია. მთელი სოფლის მაცხოვრებლებს კრედიტები აქვთ აღებული. ზოგი ყველსაც კი არ ჭრის, სახლში მიაქვს და ყიდის. არ ვიცით ვინ უნდა დაგვეხმაროს“, – ამბობს დიანა გოგოლაძე.



ადგილობრივ ხელისუფლებას სთხოვს დახმარებას მისი თანასოფლელი, სვეტა ხიბლიშვილი: „10 დღე რძე აქციეო. ვაქცევ, მაგრამ ჩემს შვილებს ვინ აჭმევს? ბანკის წარმომადგენელი რომ მოვა გამგებელთან გავუშვებ. მიაწვდინეთ ეს ხმა ძალიან გთხოვთ“.

ახალციხის მუნიცპალიტეტის მერის წარმომადგენელი გიორგი ბლიაძე ამბობს, რომ რაც მის ვალდებულებაში შედიოდა ის უკვე გააკეთა, თუმცა მზადაა მოსახლეობას ტრაქტორის საშუალებით, დახოცილი საქონლის დამარხვაშიც დაეხმაროს: „სახელმწიფო მხოლოდ აცრაში ეხმარება. ვინც თავიდანვე დაიწყო მკურნალობა ეშველა, ვინც გვიან - ვერა. ჩვენ რაც შეგვეძლო, შევატყობინეთ სურსათის ეროვნულ სააგენტოს“.

ნოდულარული დერმატიტის შემთხვევაში ცხოველთა სიკვდილიანობა 2-10%-მდე მერყეობს. პრევენციისთვის არსებობს დაავადების საწინააღმდეგო ვაქცინები, რომლებიც იმუნიტეტს 2-3 წელი იძლევა. დაავადების წარმოშობის ადგილი აფრიკაა, მისი გადამტანი კი მწერები არიან.

სპეციალისტები ვარაუდობენ, რომ ნოდალური დერმატიტი სამცხე– ჯავახეთში ე.წ გადასარეკი ტრასებიდან გავრცელდა. ეს ადგილები კი ასპინძაში, ნინოწმინდასა და ახალქალაქშია.

[თინათინ ზაზაძე, ნანა ინასარიძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.11.2019 სეს-მა ახალციხეში მუსლიმური სკოლა-პანსიონი დააჯარიმა

18.11.2019 'პოლიციამ გამოიჩინა პროფესიონალიზმი და იმოქმედა კვალიფიციურად'– კახა კალაძე

18.11.2019 პარლამენტთან აქციის დაშლის შემდეგ საავადმყოფოში სამი პირი გადაიყვანეს

18.11.2019 არასამთავრობო ორგანიზაციების საგანგებო განცხადება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

გიორგიწმინდის შემდეგ საქონელი რეგიონის სხვა სოფლებშიც იხოცება
ნოდულარულ დერმატიტზე ვაქცინაცია მთელს საქართველოში მიმდინარეობს
მეურნე: ნოდულარული დერმატიტი [Video]
წყრუთში პიროპლაზმოზი გავრცელდა
სოფლებში – უდესა და არალში პიროპლაზმოზია გავრცელებული
სოფელ ანდრიაწმინდაში მსხვილფეხა რქოსანი პირუტყვი იხოცება
ტყემლანაში პირუტყვის დაავადება ‘ემკარის’ შემთხვევა  დაფიქსირდა