FM97.5 / LIVE

გალინა - ქართულის მასწავლებელი

მთავარისიახლე, საზოგადოება, ბლოგები 23.06.2018
ცაულინა მალაზონიას ბლოგი ჯავახეთიდან.

გალინა - ქართულის მასწავლებელი
ენის შესწავლისთვის, სახელმძღვანელოებთან და პროფესიონალ პედაგოგთან ერთად, აუცილებელია გარემო, სადაც ენას პრაქტიკაში გამოვიყენებთ. თუმცა არსებობს გამონაკლისი შემთხვევებიც. ახლა მინდა სწორედ ასეთ შემთხვევაზე გიამბოთ.

სოფელი ბალხო ახალქალაქიდან 16 კილომეტრითაა დაშორებული. განმარტოებულ, უგზო სოფელს მხოლოდ საბაზო სკოლა აქვს. ცხრა კლასის შემდეგ აქაური მოსწავლეები მეზობელ სოფლებში აგრძელებენ სწავლას. ბალხოში ქართულ ენას ამ სოფლის რძალი, გალინა ხორშიკიანი ასწავლის.

გალინა იურისტია, თუმცა პროფესიით არასოდეს უმუშავია. თავისი ბედი ბალხოელ მათემატიკის მასწავლებელს, ლევონ მელქონიანს დაუკავშირდა და მალე თვითონაც ეს გზა აირჩია. უკვე ორი შვილის დედა იყო, როცა მეზობელ, ბუღაშენის საჯარო სკოლაში ქართული ენის მასწავლებლის ვაკანსია გაჩნდა. მაშინ არაქართულენოვან სკოლებში სახელმწიფო ენის სწავლების გრძელვადიანი პროგრამები არ ხორციელდებოდა და დირექცია ცდილობდა საკადრო დეფიციტი ადგილობრივი, ქართული ენის მცოდნე ძალებით შეევსო. გალინამ მიწვევა მიიღო და ქართული ენის სწავლებას შეუდგა.

ქართული მშობლიურ სოფელ კორხში, ბავშვობიდან ისწავლა. თუმცა მასწავლებლობის პასუხისმგებლობის აღების შემდეგ მიხვდა, რომ ძალიან ბევრი შრომა იყო საჭირო სწავლებაში მაღალი შედეგის მისაღწევად.

ცხრა წლის წინ, როდესაც მასწავლებელთა პროფესიული განვითარების ცენტრმა საგანმანათლებლო პროგრამით ჯავახეთში 15-მდე მასწავლებლის ჯგუფი გაგზავნა, მათ მეზობელი სკოლების მასწავლებლებლების გადამზადებაც დაევალათ. სწორედ მაშინ გავიცანი ქართული ენის ახალგაზრდა მასწავლებელი ბალხოდან.

ის სისტემატიურად დადიოდა ტრენინგებზე, ძალიან ბევრს მუშაობდა საკუთარ თავზე და მალე ენის ფლობის იმდენად კარგი შედეგი ჰქონდა, ერთხელ სამცხე-ჯავახეთის უნივერსიტეტში გამართულ მასწავლებელთა სამეცნიერო კონფერენციაზეც ვიხილე მომხსენებლად.

რამდენიმე წელია ზურაბ ჟვანიას სახელობის სახელმწიფო ადმინისტრირების სკოლამ ეთნიკური უმცირესობებით დასახლებულ მუნიციპალიტეტებში სასწავლო ცენტრები გახსნა და ადგილობრივ მოსახლეობას სახელმწიფო ენის კურსები შესთავაზა. გალინა დიდი მონდომებით ჩაერთო ამ პროცესში და ენის ფლობის რამდენიმე სერტიფიკატი მოიპოვა.

ახლა ის ქართულ ენას ორ - ბალხოსა და ბუღაშენის სკოლაში ასწავლის. თუმცა მხოლოდ თვითგანვითარებაზე ზრუნვა არ არის გალინას მიზანი. ენის კურსები მისმა მეუღლემ ლევონმაც გაიარა, იზრუნა იმაზეც, რომ შვილებსაც ესწავლათ სახელმწიფო ენა. როცა ბუღაშენის სკოლაში განათლების სამინისტროდან დამხმარე მასწავლებელი მიავლინეს, გალინამ მას საცხოვრებლად საკუთარი სახლი შესთავაზა. ეს ჩემი შვილებისთვის გავაკეთე, მინდოდა მათ მუდმივი კონტაქტი ჰქონოდათ ქართულენოვან მასწავლებელთან და ლაპარაკი ესწავლათო. უფროსი გოგონა ნაზი მელქონიანი წარმატებული მოსწავლეა. ის რამდენჯერმე იყო ინტეგრირებულ ბანაკში, მონაწილეობდა გაცვლით პროგრამებში და ახლახანს ჟვანიას სკოლის ა2 დონის კურსიც დაასრულა. ნაზისთვის ყველაზე საამაყო ის ფაქტია, რომ სხვადასხვა დროს რამდენჯერმე გასწია სომხურიდან ქართულის თარჯიმნობა. ქართულ ენას კარგად ფლობს გალინას უმცროსი ვაჟიც.

თუმცა ეს ყველაფერი არ არის. მასწავლებლის პროფესიონალიზმის ტესტი მისი მოსწავლეა. ამ სოფლებში ჟვანიას სკოლის მობილურ ჯგუფებს მე ვასწავლი ქართულს და ჩემს გაოცებას საზღვარი არ ჰქონდა, როცა ამ ჯგუფში გალინას მოსწავლეები ვიხილე. შეიძლება კლასში გყავდეს რამდენიმე საუკეთესო მოსწავლე, მაგრამ მთელი კლასი რომ საუკეთესო იყოს, ამის მაგალითი პრაქტიკაში იშვიათად შემხვედრია.
სწრაფი, გამართული კითხვა, სხარტი პასუხები, ნებისმიერ საკითხზე თავისუფლად წერა და მსჯელობა, საკითხავი და მოსასმენი ტექსტების გააზრების მაღალი დონე, სწავლისა და საქართველოს ყველა კუთხის გაცნობის უსაზღვრო სურვილი - აი ის, რამაც გადამაწყვეტინა გალინა ხორშიკიანი და მისი მოსწავლეები გამეცნო თქვენთვის.

ჰოდა იცნობდეთ: მანუშაკ, ჟენია, ტათევიკ, ჯულია, კარენ, ნაზი, შოღიკ... ახალგაზრდები, რომლებიც სახელმწიფო ენას გააზრებულად სწავლობენ და საკუთარ მიზნებს საქართველოს მომავალს გულწრფელი გრძნობებით უკავშირებენ.

ამ ბავშვებს რომ ვუყურებ და ვუსმენ, ვხედავ როგორ იმსხვრევა მითი იმის შესახებ, რომ ენის მაღალ დონეზე შესწავლისთვის აუცილებელია გარემო, სადაც ამ ენას პრაქტიკაში გამოიყენებ. ახალქალაქიდან 16 კილომეტრით დაშორებულ სოფელ ბალხოში ამ ბავშვების ქართული გარემო მხოლოდ გალინა მასწავლებლის გაკვეთილი იყო, ქართულის გაკვეთილი - კვირაში სულ 5 საათი. ამ ქალბატონმა საკუთარ შვილებს და მის თანაკლასელებს არა მხოლოდ სახელმწიფო ენა, არამედ მოქალაქეობრივი აზროვნება და საკუთარი ქვეყნის სიყვარული ასწავლა, რისთვისაც ჩემი ღირსეული კოლეგა უდიდეს პატივისცემას იმსახურებს.

გალინა - ქართულის მასწავლებელი

[ცაულინა მალაზონია]


20.09.2018 განათლების სამინისტრომ მეექვსე სკოლის ორი მოსწავლე მედალზე წარადგინა

18.09.2018 უნივერსიტეტში სტუდენტებს ‘მუდლის’ განახლებული პროგრამა გააცნეს

17.09.2018 სამცხე–ჯავახეთის უნივერსიტეტში სასწავლო პროცესი განახლდა

17.09.2018 ახალციხის პირველ სკოლაში სწავლა ისე განახლდა, რომ ეზოს მშენებლობა არ დასრულებულა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.09.2018 პენიტენციური სამსახური მერაბიშვილის დიაგნოზს ასაჯაროებს

24.09.2018 ახალციხეში, მთაწმინდელის ქუჩაზე ინფრასტრუქტურის მოწესრიგებას ითხოვენ

22.09.2018 ‘გვინდა საზოგადოებამ დაინახოს რა ნიჭიერი ადამიანები არიან’, – შშმ პირთა მხარდამჭერი ფესტივალი ახალციხეში [photos]

22.09.2018 24 სექტემბრამდე წვიმიანი ამინდია მოსალოდენლი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

ჯავახეთის საჯარო მოხელეებს სახელმწიფო ენას შეასწავლიან

არაქართულენოვანი სკოლების ქართული ენის პედაგოგებს სერტიფიკატები გადაეცათ

ნინოწმინდაში ქართული ენის შემსწავლელი კურსები გაიხსნება
არაქართულენოვანი სკოლების 700-ზე მეტი პედაგოგი ქართული ენის კურსს გადის
ბილინგვური მეთოდით ახალქალაქში მხოლოდ რამდენიმე პედაგოგი ასწავლის