FM97.5 / LIVE

სოფელ რუსთავში სასმელი წყლის კიდევ ერთი წყარო დაშრა

მთავარისიახლე, ეკონომიკა 13.06.2018
ასპინძაში, სოფელ რუსთავში მთავარ სათავე ნაგებობაზე წყლის დაშრობის შემდეგ, სოფელში კიდევ ერთი წყარო დაშრა. მომხდარს ადგილობრივები ამჯერადაც „მტკვარი ჰესზე“ მიმდინარე სამუშაოებს აბრალებენ.

სოფელ რუსთავში სასმელი წყლის კიდევ ერთი წყარო დაშრა

წყაროს წყლით, რომელიც დაშრა, სოფლის განაპირას მცხოვრები სამი ოჯახი სარგებლობდა, თუმცა იმის გამო, რომ სოფელში მეორე წელია მთავარ სათავე ნაგებობაზე წყალი საერთოდ აღარაა, ამ წყაროდან წყალი სხვა ადგილობრივებსაც მიჰქონდათ.

„ეს წყალი მთებიდან მოიედინებოდა და დიდი დებეტი არ ჰქონდა, მაგრამ სუფთა იყო, ჭურჭელი მიგვქონდა, ვავსებდით და სასმელად ვიყენებედით. ისეც სოფელში სულ წყლის გამო ვჩხუბობთ ერთმანეთთან და ახლა ესეც აღარაა“, – გვიყვება ადგილობრივი მერაბ ერთმელაძე.

რუსთავში ამბობენ, რომ წყალი ამჯერადაც „მტკვარი ჰესის“ გვირაბის მშენებლობის გამო დაშრა: „რაღაცეებს ბურღავენ, გვირაბი გამოჰყავთ და დაშრა. არ გვაქვს იმის საშუალება, რომ ექსპერტი მოვიყვანოთ და ეს დავამტკიცოთ, მაგრამ ნამდვილად ასეა“.

კატეგორიულად უარყოფენ ადგილობრივების პოზიციას „მტვარი ჰესის“ ადმინისტრაციაში: „ბოლო ექვსი თვეა ტექნიკური ხარვეზების გამო გვირაბის გათხრა შეჩერებულია, ამიტომ წყლების დაწყვეტაზე ვერ იმოქმედებდა. თქვენგან მესმის, რომ რუსთავში წყარო დაშრა. ჩვენ რა შუაში ვართ ვერ ვხვდები, არანაირი სამუშაოები ახლა აქ არ მიმდინარეობს. ზაფხულია და წყალი ალბათ მაგიტომ დაშრა“, – ამბობს ბადრი მათოშვილი.

ასპინძის მერის წარმომადგენელი, სოფელ რუსთავში მანუჩარ სანდროშვილი აცხადებს, რომ წყლის დაწყვეტის მიზეზებზე თვითმმართველობის წარმომადგენლებს „მტკვარი ჰესის“ ადმინისტრაციასთან არ უსაუბრიათ: „ამ წყლით სოფლის მცირე ნაწილი სარგებლობდა. ვეცდებით მისი დაწყვეტის მიზეზი გავარკვიოთ“.

სოფელ რუსთავში 150–მდე კომლი ცხოვრობს. მათი დიდი ნაწილი ამ დროისთვის სასმელად ტყიდან ჩამომდინარე წყლით სარგებლობს.

სოფელ რუსთავში სასმელი წყლის კიდევ ერთი წყარო დაშრა

შეგახსენებთ, რომ უკვე ერთი წელია, რუსთავში 155 ოჯახი სასმელი წყლის გარეშეა დარჩენილი. სოფელს სასმელი წყლის მიწოდება გასული წლის მაისში შეუწყდა. ადგილობრივებმა ეს ფაქტი ჰესისთვის გვირაბის გათხრას დაუკავშირეს. გვირაბი სოფელ საყუნეთიდან იჭრება და რუსთავის მიმდებარე ტერიტორიაზე უნდა გაიაროს. რუსთაველები სასმელი წყლის მიწოდების აღდგენას ერთი წელია ითხოვენ, მათ საპროტესტო აქციებიც გამართეს, ასევე, შეხვდნენ ჰესის ხელმძღვანელობას და ასპინძის მერსაც.

[ლუბა გიორგაძე, ასპინძა]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

03.12.2019 ადიგენში ხანძრით დაზარალებულების დასახმარებლად დასკვნას ელოდებიან

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

სოფელ რუსთავში წყლის დაწყვეტის მიზეზების კვლევა დაიწყეს
სოფელ რუსთავში სასმელი წყლისთვის ჭაბურღილს დაამონტაჟებენ
სოფელ რუსთავში წყლის მიწოდების ახალ გზებს ეძებენ
სოფელი რუსთავი წელსაც სასმელი წყლის გარეშე რჩება
‘მთავრობამ ლუკმა გამოგვართვა პირიდან’ – სოფელ რუსთავში კიდევ ერთი წყარო დაშრა
სოფელ რუსთავის მცხოვრებლები ასპინძაში საპროტესტო აქციას მართავენ
სოფელ რუსთავს წელს  წყალი არ ექნება