FM97.5 / LIVE

ზაზა მელიქიძე: ‘ურავლელები რომ დამკავშირებოდნენ, შეხვედრისთვის მოვიცლიდი’

მთავარისიახლე, პოლიტიკა, ეკონომიკა 12.06.2018
ახალციხის მერი ზაზა მელიქიძე აცხადებს, რომ ურავლიდან ადგილობრივები რომ დაკავშირებოდნენ, იგი 11 ივნისს, სოფელში მათთან შესახვედრად დროს გამონახავდა.

ზაზა მელიქიძე: ‘ურავლელები რომ დამკავშირებოდნენ, შეხვედრისთვის მოვიცლიდი’

ახალციხის მერი ზაზა მელიქიძე ამბობს, რომ იგი ადგილობრივებისგან დაკავშირებას ამ დრომდე ელოდება და თუ ურავლელები შეხვედრას მოისურვებენ, აუცილებლად შეხვდება. საუბარია ექვსი სოფლის სარწყავი წყლის სადავო პროექტზე, რომლის განხორციელებასაც ურავლელები კატეგორიულად ეწინააღმდეგებიან. შეხვედრა, რომელთან დაკავშირებითაც მერი ადგილობრივების ინიციატივას ელოდება, სწორედ ამ საკითხს ეხება და ეს თარიღი, სოფელში გამართული შეხვედრის ბოლოს რვა ივნისს დაანონსდა. თუმცა, დაგეგმილი შეხვედრა მუნიციპალიტეტის პირველ პირსა და ურავლელებს შორის არ შედგა.

„გუშინ ურავლეში ვიყავი, იქ დავესწარი კონცერტს და ფეხბურთს. ადგილობრივებს რომ სურვილი გამოეთქვათ, მოვწყდებოდი ამ ღონისძიებებს და მათთან შესახვედრად დროს აუცილებლად გამოვნახავდი“, – ამბობს ზაზა მელიქიძე და ამატებს, რომ იგი ნებისმიერ დროს მზადაა ურავლელებთან შესახვედრად – „მათ დაკავშირებას ველოდები, როცა მოისურვებენ მაშინ შევხვდები“.

სოფელში კი აცხადებენ, რომ თავად მერთან შეხვედრის ინიციატორები არ იქნებიან, რადგან ფიქრობენ, რომ განსახილველი აღარაფერია.

„მერმა პასუხი უკვე მიიღო ჩვენგან და გასარკვევი აღარაფერია. მასთან შეხვედრაზე 100–ზე მეტი კაცი ვიყავით და დარბაზი პროტესტის ნიშნად დავტოვეთ. მერე იქ ათი კაცი დარჩა და შეხვედრაზე იმათმა ილაპარაკეს. ასიდან ათი კაცი გადაწყვეტილებას ვერ მიიღებს“, – ამბობს ურავლის მკვიდრი ბეგლარ კაპანაძე.

მისი თქმით, სოფელს მერთან სალაპარაკო აღარაფერი აქვს: „ეგ მომავალი შეხვედრაც იმიტომ დათქვეს, რომ ჩვენზე მოახდინონ ზეგავლენა, დაგვაშინონ. თუ ისევ შეეცდებიან რაიმე გზით ჩვენ, ჟარგონით ვიტყვი, „დაკერვას,“ ძალიან ცუდი რამ მოხდება“.

ასევე ადგილბორივი როინ სუდაძე კი აცხადებს, რომ ის თუ როდის შეხვდება ხალხს მერი ადგილობრივების გადასაწყვეტი არაა: „სოფელს ჰყავს თავისი გამგებელი, ასევე დეპუტატი, ისინი გადაწყვეტენ ამ საკითხს ალბათ, მაგრამ არ ვიცი შეხვედრას თუ ექნება აზრი. მთელი სოფელი ერთად ვდგავართ, ყველა ერთ აზრზე ვართ. არ გვინდა, რომ სოფლიდან წყალი გაიყვანონ“.

შეგახსენებთ, რომ ურავლის ხეობაში ექვსი სოფლის სარწყავი წყლის პროექტს „მშვიდობის, დემოკრატიისა და განვითარების კავკასიური ინსტიტუტი“ იაპონიის საელჩოს ფინანსური მხარდაჭერით ახორციელებს. საელჩომ ირიგაციის სისტემის აღსადგენად – 209 575, ახალციხის თვითმმართველობამ კი 37 723 ლარი გამოყო.

წყალი, რომლითაც წყორძის, ანდრიაწმინდის, ახალშენის, მინაძის, ღრელისა და ჭაჭარაქის, ჯამში, 200 ჰექტარი ფართობი უნდა მოირწყას, სათავეს ურავლის წყაროს წყლებიდან იღებს. აქედან წლების წინ ახალციხე სასმელი წყლით მარაგდებოდა. პროექტი სწორედ იმ არსებული სისტემის აღდგენას გულისხმობს და მას რეაბილიტაციის შემდეგ გასარწყავიანებისთვის ხუთ სოფელში გადასართავები გაუკეთდება.

ურაველში მცხოვრებლები პროექტის განხორციელებას კატეგორიულად ეწინააღმდეგებიან. ადგილობრივები ფიქრობენ, რომ ასე სოფელში წყალი დაშრება.

[თამუნა უჩიძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

‘პასუხი ერთია, წყალს არ გავატანთ’ – ურავლელებთან მერის  შეხვედრა არ შედგა
ხმაური  ურაველში – სარწყავი წლის პროექტის გამო ადგილობრივები მერს დაუპირისპირდნენ [Video]
მოსახლეობის 'დასამშვიდებლად' შექმნილი დოკუმენტი-მცდელობა ურაველში სარწყავი სისტემის მშენებლობის გასაგრძელებლად
‘წყალს ვერ წაიყვანენ, სასამართლოში ვიჩივლებთ!’ – ახალციხეში 6 სოფლის სარწყავის  მშენებლობა შეჩერდა
სოფელ წყორძაში სარწყავი სისტემის მოსაწყობად ტენდერი გამოცხადდა
‘მგონი დავკარგეთ გრანტი’ – ახალციხის მერი ურაველში შეჩერებულ პროექტზე
ურავლის ხეობის ექვს სოფელს რწყვის პრობლემა აღარ ექნება