FM97.5 / LIVE

რეგიონის პირველი პირები სტუდენტებთან ერთად სამომავლო პროექტებს დაგეგმავენ

მთავარისიახლე, საზოგადოება 11.06.2018
სამცხე–ჯავახეთის გუბერნატორი, თვითმმართველობების წარმომადგენლებთან და 60–მდე სტუდენტთან ერთად, კულტურულ ძეგლებს, ასევე, მუნიციპალიტეტებში მიმდინარე ინფრასტრუქტურულ პროექტებს დაათვალიერებს. ისინი რეგიონში არსებული პრობლემების შესახებ იმსჯელებენ.

რეგიონის პირველი პირები სტუდენტებთან ერთად სამომავლო პროექტებს დაგეგმავენ

ახალციხეში, ისტორიული და ტურისტული ობიექტების მოსანახულებლად ტური დღეს, 11 ივნისს საფარის მონასტრიდან დაიწყო.

სამცხე–ჯავახეთის გუბერნატორმა კახა სამხარაძემ ახალციხე–ადიგენის მაჟორიტარ დეპუტატთან გიორგი კოპაძესთან, ახალციხის მერიის ხელმძღვანელ პირებთან და სამცხე–ჯავახეთის უნივერსიტეტის 15 სტუდენტთან ერთად საფარის მონასტერი მოინახულა. ახალგაზრდებს გიორგი კოპაძე საფარის მონასტრის ისტორიის შესახებ ესაუბრა. შემდეგ კი მათ ძეგლის მიმდებარე ტერიტორიაზე დასუფთავების აქცია მოაწყვეს.

რეგიონის პირველი პირები სტუდენტებთან ერთად სამომავლო პროექტებს დაგეგმავენ„საფარის მიმდებარე ტერიტორიის კეთილმოწყობას ვგეგმავთ, გავაკეთებთ საპირფარეშოებს და საპარკინგე ადგილს. მუნიციპალიტეტის მასშტაბით, ასევე, დაგეგმილი გვაქვს სხვა პროექტების განხორციელებაც და გვინდა, რომ სტუდენტებთან ერთად მოვიაროთ ყველა ასეთი ადგილი და სტუდენტების ხედვები მოვისმინოთ მათ შესახებ“, – ამბობს ახალციხის მერი ზაზა მელიქიძე.

მუნიციპალიტეტში არსებული ტურისტული ობიექტებისა და ისტორიული ძეგლების მოსანახულებლად ექსპედიცია ორი დღის განმავლობაში გაგრძელდება. ტურისტულ მარშრუტში შედის: საფარის მონასტერი, ოხერასა და მაჭიხეთის ეკლესიები, მუსხის სკოლა მუზეუმი, აგარის მონასტერი, სოფელ ხეოთის წმინდა ბარბარეს ეკლესია, სოფელ წინუბანში ბიეთის მონასტერი, სლესის ციხე, აწყურის ციხე და მონასტერი.

ასევე, გუბერნატორი, მერი და დეპუტატი სტუდენტებთან ერთად სფლებში მოსახლეობას შეხვდებიან და ადგილობრივებისგან მათ თემში არსებული პრობლემების შესახებ მოისმენენ.

სამცხე–ჯავახეთის გუბერნატორის კახა სამხარაძის თქმით ექსპედიციის მიზანი ისაა, რომ სტუდენტებმა ყველა მიმართულებით მუნიციპალიტეტის პოტენციალი შეაფასონ და მისი განვითარების გზებზე ხელისუფლების წარმომადგენლებთან ერთად იმსჯელონ.

რეგიონის პირველი პირები სტუდენტებთან ერთად სამომავლო პროექტებს დაგეგმავენ„ჩვენი მიზანი იყო გამოვსულიყავით კაბინეტებიდან და სტუდენტებთან ერთად მოგვენახულებინა მუნიციპალიტეტის ყველა ღირსშესანიშნავი ადგილი და ინფრასტრუქტურული ობიექტები. ასე უფრო კარგად დავინახავთ პრობლემას. ასევე, სტუდენტების თუ ადგილობრივების ჩართულობით გვინდა, რომ შევადგინოთ სამოქმედო გეგმა, რომელსაც მთავრობას წარვუდგენთ და ასე ყველა ერთად ჩავერთვებით რეგიონის განვითარების პროცესში“, – ამბობს კახა სამხარაძე.

ტურში მონაწილეობას, სამცხე–ჯავახეთის სახელმწიფო უნივერსიტეტის 60–მდე სტუდენტი, ასევე პროფესორები მიიღებენ.
„ძალიან კარგია ჩვენ რეგიონში სტუდენტების ჩრთულობით ასეთი პროექტი ხორციელდება, ერთად ვეცნობით ბევრ რამეს და ერთმანეთს ვუზიარებთ ჩვენ შეხედულებებს. ეს ერთგვარი განტვირთვაცაა ჩვენთვის“, – გვითხრა სამცხე–ჯავახეთის უნივერსიტეტის ისტორიის სპეციალობის სტუდენტმა ავთანდილ ოთანაძემ.

დღეს ღამით, ექსპედიციის მონაწილეები ურავლის ხეობაში დარჩებიან და კარვებში გაათავენ ღამეს. ხვალ, 12 ივნისს კი ექსპედიციას საზეიმო ვითარებაში ახალციხის ტბაზე დახურავენ.

ახალციხის შემდეგ ექსპედიცია რეგიონის სხვა მუნიციპალიტეტებში გაგრძელდება.

რეგიონის პირველი პირები სტუდენტებთან ერთად სამომავლო პროექტებს დაგეგმავენ

რეგიონის პირველი პირები სტუდენტებთან ერთად სამომავლო პროექტებს დაგეგმავენ

[ლუბა გიორგაძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.11.2019 ‘ფილმის გამშვებიცა და მნახველიც იესო ქრისტეს მაგინებელია’– თბილისში აქცია განახლდა

09.11.2019 აუქციონზე კურორტ აბასთუმანში სამი მიწის ნაკვეთი 584 000 ლარად გაიყიდა

09.11.2019 ოლავერდის სკოლაში 40 000 ლარად საპირფარეშო გააკეთეს, მაგრამ ვერ იყენებენ

09.11.2019 თოჯინების თეატრში სპექტაკლი 'პატარა უფლისწული' გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

სამცხე–ჯავახეთის გუბერნატორი და სტუდენტები ექსპედიციას მოაწყობენ
სტუდენტებისა და გუბერნატორის ორდღიანი ექსპედიცია  საზეიმოდ დაიხურა
გუბერნატორმა სტუდენტებთან ერთად ადიგენში ორდღიანი ექსპედიცია მოაწყო
გუბერნატორმა სტუდენტებთან ერთად  ბორჯომში ექსპედიცია მოაწყო
ახალქალაქში სტუდენტების ექსპედიცია გუბერნატორის გარეშე დაიწყო
გუბერნატორი სტუდენტებთან ერთად ორდღიან ექსპედიციას ასპინძაში მოაწყობს
გუბერნატორისა და სტუდენტების ორდღიანი ექსპედიცია ახალქალაქში ხვალ დაიწყება