FM97.5 / LIVE

პროკურორი: ‘ახალქალაქის ბაზრის კონტროლიორი დირექტორთან ერთად მოქმედებდა’

მთავარისიახლე, სამართალი 18.05.2018
ახალქალაქის მერიის შპს “ახალქალაქის აგრარული ბაზრის“ უფროსი კონტროლიორის საქმეში დირექტორიც ფიგურირებს. პროკურორი აცხადებს, რომ კომერციული მოსყიდვა მათ ერთად განახორციელეს.

პროკურორი: ‘ახალქალაქის ბაზრის კონტროლიორი დირექტორთან ერთად მოქმედებდა’

ამის შესახებ სამცხე–ჯავახეთის საოლქო პროკურატურის პროკურორმა თამარ ზურაბაშვილმა ახალციხის რაიონულ სასამართლოში გამართულ პროცესზე განაცხადა. დღეს, 18 მაისს, სასამართლომ ახალქალაქის ბაზრის კონტროლიორისთვის აღკვეთის ღონისძიების შეფარდებაზე იმსჯელა. გამოძიების მტკიცებით მან ბაზარში ფართი პირადი გამორჩენის მიზნით გააქირავა და მოიჯარესთან ხელშეკრულება არ გააფორმა.

„ბრალდებული ახალქალაქის აგრარული ბაზრის დირექტორთან არარატ საჰარიანთან ერთად მოქმედებდა“, – აცხადებს ზურაბაშვილი და ამატებს, რომ ამ დრომდე საჰარიანი პასუხისგებაში მიცემული არ არის და ძიება ჯერ ისევ მიმდინარეობს.

საქმის მასალების მიხედვით, კონტროლიორი მ.ო. 11 მაისს, ბაზარში საწყობის ტერიტორიაზე, 50 კვადრატული მეტრი ფართის მიქირავებაზე ფინანსთა სამინისტროს ოპერატიული სამსახურის თანამშრომელს ისე შეუთანხმდა, რომ მისი ვინაობის შესახებ არაფერი იცოდა. თუმცა იმის გამო, რომ ფართის ღირებულება ბრალდებულს დირექტორთან უნდა შეეთანხმებინა მას შეხვედრა 14 მაისს დაუნიშნა. ამ დღეს კი ბრალდებული დირექტორთან არარატ საჰარიანთან ერთად სამინისტროს ოპერატიული სამსახურის თანამშრომელს 1 000 ლარად ფართის მიქირავებაზე გაურიგდა. ბაზრის თანამშრომლებს „მოიჯარესთან“ ხელშეკრულება არ გაუფორმებიათ. ამიტომ მ.ო. ფინანსთა სამინისტროს საგამოძიებო სამსახურის თანამშრომლებმა მას შემდეგ დააკავეს, რაც ფართის გაქირავების სანაცვლოდ 1 000 ლარი აიღო.

„აღნიშნული თანხა უნდა მოხმარებოდა ბაზარს და არა მათ პირად ინტერესებს, თუმცა ასე არ მოხდა. საქმეში გვაქვს ვიდეო–მტკიცებულებებიც და მათი გამოკვლევა სასამართლოს სხდომაზე მოხდება“, – ამბობს პროკურორი.
დაკავებული ბრალს არ აღიარებს.

„ის ფართი გააქირავა, რაც უნდა გაექირავებინა და ამაზე დააკავეს. ისიც კი არ აცადეს რომ ხელშეკრულება გაეფორმებინა, მაშინვე დააკავეს. ვფიქრობ, გასარკვევია ეს ქმედება საერთოდ სისხლის სამართლის საქმედ უნდა იხილებოდეს თუ არა“, – განაცხადა სასამართო დარბაზში ადვოკატმა ნუგზარ სამარჯიშვილმა.

პროკურორმა ბრალდებულისთვის აღკვეთის ღონისძიებად პატიმრობის შეფარდება, ადვოკატმა კი 10 000 ლარის გირაო ითხოვა. მოსამართლემ პროკურორის შუამდგომლობა დააკმაყოფილა და ბრალდებულს აღკვეთის ღონისძიებად პატიმრობა შეუფარდა.

წინასასამართლო სხდომა 10 ივლისს დაინიშნა.

შეგახსენებთ, რომ მ.ო. ახალქალაქის ბაზარში 16 მაისს დააკავეს. მას ბრალი სისხლის სამართლის კოდექსის 221–ე მუხლის მეორე ნაწილის ა ქვეპუნქტით ედება. რაც ჯგუფურად კომერციულ მოსყიდვას გულისხმობს.

ახალქალაქის მერიის შპს „ახალქალაქის აგრარული ბაზარი“ 2014 წელს ჩამოყალიბდა. მ.ო. კი აქ უფროსი კონტროლიორის პოზიცია 2017 წლის ოქტომბრიდან უკავია.

[ლუბა გიორგაძე, ახალციე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.11.2019 თოჯინების თეატრში სპექტაკლი 'პატარა უფლისწული' გაიმართება

09.11.2019 ფილმმა 'და ჩვენ ვიცეკვეთ' მინსკის კინოფესტივალზე ჯილდო მიიღო

08.11.2019 თბილისში ფილმის ‘და ჩვენ ვიცეკვეთ’ ჩვენება პროტესტის ფონზე მიმდინარეობს

08.11.2019 ვინ იქნება სამცხე–ჯავახეთის პოლიციის დეპარტამენტის დირექტორი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალქალაქის ბაზრის უფროსი დააკავეს
ახალქალაქის ბაზრის კონტროლიორი დააკავეს
ახალქალაქის ბაზრის უფროსს აღკვეთის ღონისძიებად პატიმრობა შეეფარდა
ახალქალაქის ბაზრის დირექტორი გირაოს სანაცვლოდ გაათავისუფლეს
ახალქალაქის ბაზრის დირექტორი და კონტროლიორი პატიმრობიდან გაათავისუფლეს
ახალქალაქში ბაზრის დირექტორისა და კონტროლიორის გათავისუფლებას ითხოვენ [Video]
ახალქალაქის ბაზრის დირექტორი სასამართლო დარბაზში ხმაურის ფონზე დააკავეს [Video]