სამხრეთის კარიბჭე. FM97.5 / LIVE

აწყურის ტყეში ფიჭვის ხეებს მავნებლები ახმობენ

მთავარისიახლე, საზოგადოება 14.05.2018
ეროვნული სატყეო სააგენტოს ინფორმაციით, აწყურის ხელოვნურ ტყეში ფიჭვის ხეებს ქერქიჭამია, ან ლაფანჭამია ახმობს.

აწყურის ტყეში ფიჭვის ხეებს მავნებლები ახმობენ
ეროვნული სატყეო სააგენტოს ტყის მოვლა–აღდგენის სამმართველოს თანამშრომლებმა აწყურის ხელოვნურ ტყეში არსებული მდგომარეობა გუშინ, 13 მაისს შეისწავლეს.

„წვერხმელობა გამოწვეულია მავნებლებით. ეს შეიძლება იყოს ქერქიჭამია, ან დიდი და მცირე მებაღე, ანუ ლაფანჭამია, ასე გამოიყურება ტყე, როცა ისინი ხეებს აზიანებენ. შესაძლოა, იქ კიდევ სხვა მავნებლებიც იყვნენ, ამიტომ ჯერ დეტალურად უნდა შევისწავლოთ“, – ამბობს ტყის მოვლა–აღდგენის სამმართველოს მთავარი სპეციალისტი გიორგი მამადაშვილი და ამატებს, რომ ამას დიდი დრო არ დასჭირდება, თუმცა თითოეულ ხის შესწავლა ცალ–ცალკეა საჭირო, – „გავარკვევთ რამდენად აქვს ხეს საშუალება თავი გადაირჩინოს, თუ ამის რესურსი არ გამოჩნდება ზეხმელები სანიტარული მეთოდებით მოიჭრება“.

ეროვნული სატყეო სააგენტოს თანამშრომლებმა აწყურის ტყეში ფიჭვების ხმობის შესახებ „სამხრეთის კარიბჭესგან“ შეიტყვეს.

„სამცხე–ჯავახეთის სხვა ტერიტორიებიდან შემოდის–ხოლმე შეტყიბინება. რაც გუშინ აწყურში ვნახეთ, მიკვრის, რომ აქამდე ამის შესახებ არ გვაცნობეს“, – ამბობს მამადაშვილი.

შეგახსენებთ, რომ აწყურის ხელოვნურ ტყეში, რომელიც დაახლოებით 60 წლის წინ გაშენდა, ხეები ხმება. ადგილობრიები ამბობენ, რომ გამხმარი ხეების რაოდენობამ წელს განსაკუთრებით იმატა.

საქართველოში დიდი ლაფნიჭამია, რომელიც ხის ლაფანზე იზრდება. მასობრივად გავრცელდა 50-70-იან წლებში. ის პირველად ბორჯომში ე.წ. ხემომწვარას ნაძვნარებში გამოჩნდა. კვლევებით დადგინდა, რომ დიდი ლაფნიჭამია 1956 წელს ჩითახევის ჰიდროელექტროსადგურის მშენებლობისთვის ციმბირიდან შემოზიდულ ფიჭვის გაუქერქავ მორებს შემოჰყვა. ლაფნიჭამია თანდათან საქართველოს რეგიონებს მოედო და ნაძვები მასობრივად გაახმო.

წიწვოვნებისთვის ქერქიჭამიებიდან ყველაზე საშიში ე.წ. მბეჭდავი ქერქიჭამიაა. ქერქიჭამიას ერთ-ერთი სახეობა მარტო კენწეროზე მრავლდება და მას კენწეროს ქერქიჭამიას უწოდებენ. ხეს იცავს გახევებული კანი - ქერქი, შემდეგ მოდის ლაფანი - რბილობი, რითაც ხეში საკვები ნივთიერება ფესვებიდან წვერომდე გადაადგილდება. როგორც კი მავნებელი ლაფანს დააზიანებს, შეჭამს, საკვების მოძრაობა შეწყდება და ხე წვეროდან იწყებს ხმობას.

[თინათინ ზაზაძე, ახალციხე]


24.05.2018 სკოლის საატესტატო გამოცდები დასრულდა

24.05.2018 რამდენი მოსწავლე ჩაიჭრა მათემატიკასა და ფიზიკაში ახალციხის სკოლებში

22.05.2018 დღეს სკოლის გამოსაშვები გამოცდები მოსწავლეებმა ისტორიასა და ფიზიკაში ჩააბარეს

21.05.2018 უცხო ენა და ბიოლოგია – რამდენი მოსწავლე ჩაიჭრა ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.05.2018 26 მაისისადმი მიძღვნილი ღონისძიებები სამცხე–ჯავახეთში

25.05.2018 თბილისიდან ანდეზიტში დაბრუნებული დალაქი – BP და მისი პარტნიორები სოფლისათვის [R]

25.05.2018 სარაგბო კლუბი ‘ტაო’ უნივერსიტეტს თანამშრომლობას სთავაზობს

25.05.2018 ასპინძაში 200–მდე ხის ნერგი დარგეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

მსგავს თემაზე

აწყურის ტყეში ხეები ხმება
ბორჯომში, პლატოს ტყეში, წიწვოვან ხეებს მასობრივად ჭრიან [Video]
გაჩეხილი ხეები ზაზალოს ტყეში[Video]
ბორჯომის ტყიდან ქერქიჭამიასგან დაზიანებული ხეები გამოაქვთ
კოდიანის ტყეში ხანძარი ლიკვიდირებულია
გარემოს დაცვის სამინისტრომ ბორჯომში ტყის მავნებლებთან ბრძოლის ღონისძიებების მონიტორინგი განახორციელა
ბორჯომის პლატოზე სანიტარული ჭრები იწყება