FM97.5 / LIVE

აზიური ფაროსანა და პრევენცია სამცხე-ჯავახეთში

მთავარისიახლე, ეკონომიკა 07.05.2018
სურსათის ეროვნული სააგენტოს ინფორმაციით, 2017 წელს სამცხე-ჯავახეთში აზიური ფაროსანა არ დაფიქსირებულა, მიმდინარე პერიოდი კი დაკვირვების ქვეშაა.

აზიური ფაროსანა და პრევენცია სამცხე-ჯავახეთში

ქიმიური წამლობა და ფერომონები - ბრძოლის მიმდინარე


აზიური ფაროსანას საწინააღმდეგო ქიმიური წამლობა სამეგრელოს, გურიისა და იმერეთის რეგიონებში უკვე აქტიურად მიმდინარეობს. სოფლის ტერიტორიები თერმული ნისლის ტექნოლოგიის გამოყენებით მუშავდება. უსაფრთხოების ზომების დაცვის მიზნით, პროცესის დაწყების შესახებ ადგილობრივი მუნიციპალიტეტების მიერ წინასწარ ხდება მოსახლეობის ინფორმირება, აგრეთვე გაიცა რეკომენდაციებიც - სეს-ი მოსახლეობას აფრთხილებს, წამლობის დასრულებამდე სკებიდან ფუტკარი არ გამოუშვან.

რატომ დაიწყო პროცესი დასავლეთ საქართველოდან? სეს-ის განმარტებით, ქიმიური წამლობის არეალი და ვადა მონიტორინგის საფუძველზე განისაზღვრა. ამჟამად ზუსტად იმ ფართობების ქიმიური დამუშავება მიმდინარეობს, სადაც დამჭერებზე მავნებლის ზღვრული ოდენობა დაფიქსირდა.

ფერომონები დამონტაჟდა სამცხე-ჯავახეთშიც - ტრასისპირა, გზისპირა ტერიტორიებსა და ბაღებში. სურსათის ეროვნული სააგენტოს სამცხე-ჯავახეთის რეგიონული სამმართველოს უფროსი ამბობს, რომ ტერიტორიების განსაზღვრა მნიშვნელოვანი იყო. სწორედ ამ ადგილებში ინაცვლებს ტყიდან მავნებელი. გარდა ამისა, არსებობს აზიური ფაროსანას, სამცხე-ჯავახეთში ტრანსპორტის საშუალებით გავრცელების რისკიც. ლია ბექაურის თქმით, დამჭრები გასულ წელსაც, რეგიონის ექვსივე მუნიციპალიტეტში იყო დამონტაჟებული. სეს-ის ინფორმაციით, 2017 წელს სამცხე-ჯავახეთში აზიური ფაროსანა არ დაფიქსირებულა, მიმდინარე პერიოდი კი დაკვირვების ქვეშაა.აზიური ფაროსანა და პრევენცია სამცხე-ჯავახეთში
როგორ დაიცვან ფერმერებმა კარტოფილის კულტურა


სამცხე-ჯავახეთში ყველაზე გავრცელებული კარტოფილის კულტურაა. იგი ადგილობრივების ძირითადი შემოსავლის წყაროს წარმოადგენს. მიიჩნევა, რომ ყველაზე გემრიელი კარტოფილის მოსავალი სწორედ ამ რეგიონში მოდის. კარტოფილი სხვა დანარჩენ ბოსტნეულთან, თესლოვან და კურკოვან ხეხილის სახეობებთან ერთად, აზიური ფაროსანას ტრადიციული საკვებია.

კარტოფილი მოჰყავს სოფელ ვალეში მცხოვრებ თენგიზ ხითარიშვილსაც. იცის, რომ აზიური ფაროსანა აღნიშნულ კულტურას აზიანებს და როგორც გვეუბნება მავნებელთან ბრძოლისთვის მზად არის. ფერმერს მავნებელთან ბრძოლის გამოცდილება უკვე აქვს. როგორც თენგიზი ამბობს,წლებია კარტოფილის კულტურაში ხოჭოს ებრძვის, პოპულაციაც საგრძნობლად შეამცირა და აზიური ფაროსანას გავრცელების შემთხვევაში, დადგენილი წესებითა და ხერხებით მისგან მომავალი ზიანის პრევენციასაც მოახერხებს.

"მთავარია ზუსტად მივყვეთ აზიური ფაროსანას წინააღმდეგ შემუშავებულ გეგმას. ისევე როგორც ხოჭოსთან ბრძოლისას, აქაც მთავარია ფერმერებმა წესები დავიცვათ", - ამბობს თენგიზი და გვარწმუნებს, რომ სამცხე-ჯავახეთში მოსახლეობამ მავნებელთან ბრძოლისა და სხვადასხვა კულტურის მოვლის ხერხები კარგად იცის.

ცრუ მითები და საინფორმაციო კამპანია სამცხე-ჯავახეთში


ინფორმირებულობის აუცილებლობაზე სამცხე-ჯავახეთში აზიურ ფაროსანაზე გავრცელებული ცრუ მითებიც გვარწმუნებს. მავნებელთან შეხება არ ქონიათ, ამიტომ აბნევთ და კითხვებს უჩენთ სოციალურ ქსელში აზიურ ფაროსანაზე ნანახი არასწორი ინფორმაცია. ისევე როგორც დანარჩენ საქართველოში, აქაც მთავარი შიში უკავშირდება საკითხს - "რა მოუვა და რამდენად დაზიანდება ადამიანის ჯანმრთელობა თუ მას აზიური ფაროსანა უკბენს?" როგორც სპეციალისტები ამბობენ, ერთადერთი უარყოფითი შეგრძნება რაც მავნებელს ადამიანის ჯანმრთელობისთვის მოაქვს მისი სუნია, რომელსაც გაღიზიანების დროს აფრქვევს, მწერისგან კბენის შემთხვევები არ დაფიქსირებულა.

მოსახლეობის ინფორმირებულობის გაზრდის მიზნით, სამცხე-ჯავახეთში შესაბამისი კამპანია უკვე დაწყებულია. სურსათის ეროვნული სააგენტოს უფროსი ზურაბ ჩეკურაშვილი მოსახლეობის გარდა, უკვე შეხვდა რეგიონის მუნიციპალიტეტების წარმომადგენლებს. ზურაბ ჩეკურაშვილმა მათ აზიურ ფაროსანასთან ბრძოლის სტრატეგია გააცნო. უშუალოდ სამცხე-ჯავახეთში მოქმედების გეგმა კი მაშინ გაიწერება, როდესაც რეგიონში განთავსებული ფერომონების მონიტორინგის შედეგები გახდება ცნობილი. ტემპერატურიდან გამომდინარე, ვარაუდობენ, რომ სამცხე-ჯავახეთში მავნებლის გავრცელების დონეს ივნისის შუა რიცხვებში დაადგენენ.

იმის გამო, რომ გასულ წელს დასავლეთ საქართველოში აზიური ფაროსანა აქტიურად პირველად გამოჩნდა, როგორც მოსახლეობა, ისე დარგის ექსპერტები ფორსმაჟორში აღმოჩნდნენ და ძირითადად უცხოელი პარტნიორების გამოცდილებაზე იყვნენ დამოკიდებული, რომლებიც თავის მხრივ აღნიშნავდნენ, რომ ეფექტური სტრატეგიის შემუშავებისთვის საჭირო იყო აზიურ ფაროსანაზე უშუალოდ საქართველოში მიღებული დაკვირვება და გამოცდილება. შესაბამისად, სამცხე-ჯავახეთს, სადაც მავნებელი ამ დრომდე აქტიურად არ დაფიქსირებულა შეუძლია მისი მეზობელი რეგიონების გამოცდილება გაიზიაროს.

აზიური ფაროსანა და პრევენცია სამცხე-ჯავახეთშისტატია მომზადებულია "ევროპის რეკონსტრუქციისა და განვითარების ბანკის" EBRD-ისმხარდაჭერით "ერთად ვებრძოლოთ აზიურ ფაროსანას" პროექტის ფარგლებში, რომელსაც "ჟურნალისტიკის რესურსცენტრი" – JRC პარტნიორმედიასაშუალებებთან ერთად ახორციელებს. ის შესაძლოა არ წარმოადგენდეს EBRD-ის შეხედულებას.

[ავტორი – ეკატერინე მამამთავრიშვილი]


11.10.2018 სოფელ შოლავერში ახალი სკოლა გაიხსნა

09.10.2018 სოფელ არალში სკოლა საზეიმოდ გაიხსნა [Photo/Video]

08.10.2018 ეთნიკური უმცირესობის წარმომადგენელი სტუდენტებისთვის სტაჟირების პროგრამა დაიწყო

08.10.2018 ოთხწლიანი ლოდინის შემდეგ არლის სკოლა ახალ შენობაში გადავიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

16.10.2018 რას ნახავთ 'შემოდგომის ფესტივალზე'

15.10.2018 ახალციხეში გენდერული თანასწორობის საკითხებზე იმსჯელეს

15.10.2018 გუბერნიასთან, სადაც დაზიანებული საკანალიზაციო ჭა ქუჩას ტბორავდა, მილებს ცვლიან

15.10.2018 ლაბორატორიული კვლევებით, მერაბიშვილის მძიმე მეტალებით ინტოქსიკაცია გამოირიცხა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

დასავლეთ საქართველოში ფაროსანას წინააღმდეგ წამლობა მიმდინარეობს
როგორ ებრძვიან აზიურ ფაროსანას ხობის მუნიციპალიტეტში
სეს: ხორბალში აღმოჩენილი მავნებელი აზიური ფაროსანა არ არის
ვანის მოსახლეობას ფერომონების მუშაობისა და ქიმიური წამლობის შესახებ ესაუბრნენ
აზიური ფაროსანას წინააღმდეგ წამლობის მეორე ეტაპი იწყება
როგორ დავიცვათ ფუტკარი აზიური ფაროსანას წინააღმდეგ წამლობისას
სამცხე–ჯავახეთში ფაროსანას მონიტორინგის სისტემებს ამონტაჟებენ