FM97.5 / LIVE

‘Castle riders’ – ბაიკერები ახალციხიდან [Video]

მთავარისიახლე, საზოგადოება 04.05.2018
მოტომოყვარულების კლუბი ‘Castle riders’ ახალციხეში 20 სხვადასხვა პროფესიის მქონე ადამიანს აერთიანებს. დატვირთული სამუშაო განრიგის მიუხედავად, კლუბის წევრები საყვარელი სპორტისთვის დროის გამონახვას მაინც ახერხებენ.

‘Castle riders’ – ბაიკერები ახალციხიდან [Video]

მოტომოყვარულთა კლუბის წევრი რატი ყურმაშვილი მებაჟეა, 15 წლის იყო, როცა მოტოციკლის ტარება ისწავლა. ამბობს, რომ პირველი ემოცია დღემდე ახსოვს: „მოტოციკლეტი ჩემი ცხოვრების ნაწილია. ხშირად სამსახურის გამო უძილოც ვარ, მაგრამ როცა ბაიკერები იკრიბებიან ჩემი მოტოციკლეტი ყოველთვის გამომყავს“.



ბაიკერები ამბობენ, რომ მთავარი, რაც მათ აერთიანებთ სისწრაფის სიყვარულია.

„ამის გამო, ხშირად ახლობლები მეუბნებიან, რომ მოტოციკლეტზე აღარ დავჯდე და ბაიკერობას თავი დავანებო. ფიქრობენ, რომ ეს ჩემი უსაფრთხოებისთვის ძალიან საშიშია, მაგრამ არ შემიძლია. ძალიან მიყვარს სისწრაფე. როცა მოტოციკლით მიქრიხარ ისეთი შეგრძნება გაქვს, რომ თითქოს ორი სული მოძრაობს ერთად“, –ამბობს კლუბის წევრი მამუკა ფეიქრიშვილი.

“Castle riders”–ის პრეზიდენტი არტურ ბალასანიანი პროფესიით სტომატოლოგია. 10 წლის წინ კლუბის შექმნის იდეა, სამ მეგობართან ერთად, სწორედ მას გაუჩნდა და განახორციელა კიდეც. ახლა უკვე კლუბს დროშა და გერბიც აქვს.



„მესხეთში ეს პირველი მოტოკლუბია. საწევროს ფულით ხშირად ვეხმარებით გუნდის იმ წევრს, რომელსაც უჭირს. წინ დიდი გეგმები გვაქვს. ჩვენთვის ეს კლუბი ერთმანეთის გვერდით დგომის თვალსაზრისით, დიდი იმედია“, – ამბობს არტურ ბალასანიანი.

კლუბის ერთ–ერთი უხუცესი წევრი არტურ ბალასანიანის მამა, ალბერტ ბალასანიანია. მას მაცივრების სახელოსნო აქვს. თავისუფალ დროს ახალგაზრდებთან ერთად ხშირად ატარებს. ალბერტ ბალასანიანი ამბობს, რომ მოტოციკლეტის სიყვარული მას მამამ ჩაუნერგა: „მამაჩემს უყვარდა რბოლა. მან მე მასწავლა, მე კი ჩემ შვილს, არტურს ვასწავლე. მართალია, ჭაღარა თმა მაქვს, მაგრამ როცა ახალგაზრდებთან ერთად ვარ, თავს მეც ახალგაზრდულად ვგრძნობ“.



კლუბის წევრები სეზონს გაზაფხულზე ხსნიან და გვიან შემოდგომით ხურავენ. ამ პერიოდის განმავლობაში, ხშირად გადიან ქალაქიდან რთული და მთიანი ადგილების დასალაშქრად, ასევე, ხშირად იღებენ მონაწილეობას ქვეყნის მასშტაბით გამართულ სხვადასხვა შეჯიბრში.

„გაგვიმარჯვია და დავმარცხებულვართ კიდეც. ყოველთვის ისე არ არის, როგორც ჩვენ გვინდა. მაგალითად, ბოლო ჩემპიონატზე, რომელსაც დიდი ხანი ველოდი, ისე დავიმტვერი, რომ დიდხანს დამჭირდა მკურნალობა, მაგრამ როგორც კი გამოვკეთდი, ისევ მოტოციკლეტზე დავჯექი“, – ამბობს ხვიჩა ლემონჯავა, რომელიც მოტოციკლს 14 წელია მართავს.

კლუბმა ‘Castle riders’ 2018 წლის გაზაფხულის სეზონი სამ მაისს გახსნა. ტრადიციულად, ქალაქის ქუჩები მოიარა და „ახალციხის ციხეზე“ სხვადასხვა სირთულის ტრიუკები შეასრულა.

‘Castle riders’ – ბაიკერები ახალციხიდან [Video]

[ავტორი: თინათინ ზაზაძე,
ვიდეო: ნანა ინასარიძე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ზაკის სკოლის მასწავლებელი: სამინისტრო საქვაბის მშენებლობაზე ნებართვის გაცემას აჭიანურებს

20.10.2019 ბორჯომში ანსამბლ 'ადილეის' კონცერტი გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

‘Off Road’ – ექსტრემალური სპორტის მოყვარულები ახალციხიდან [Photo/Video]
„13 LEGION”-მა საერთაშორისო ტურნირზე წარმატებით იასპარეზა
'ახალციხელი წიქარა' - გურამ სუდაძის ხელნაკეთი ტრაიციკლი
უნივერსიტეტის დებატ-კლუბის პირველი დებატები
ქართულ ფოლკლორზე შეყვარებული ჰოლანდიელები [ვიდეო]
‘სპორტი ყველაფერია’ – ჩემპიონები ახალციხიდან
ახალციხიდან ფილადელფიამდე – ჯაბა ხოსიტაშვილის 20 წელი რინგზე [Video]