FM97.5 / LIVE

ახალციხეში, რუსთაველის ქუჩაზე ღია არხის მოწესრიგებას ითხოვენ

მთავარისიახლე, საზოგადოება 19.04.2018
ახალციხეში, რუსთაველის ქუჩაზე მცხოვრებლების ნაწილი, იმ წყლის არხის მოწესრიგებას ითხოვს, რომელსაც წლებია კანალიზაცია უერთდება.

ახალციხეში, რუსთაველის ქუჩაზე ღია არხის მოწესრიგებას ითხოვენ

არხი,რომელიც სოფელ ღრელიდან მოედინება, ახალციხეს შუაზე კვეთს და მდინარე ფოცხოვისკენ მიდის. მისი ნაწილი დახურულია, ნაწილი კი ღია. არხს, სხვადასხვა ადგილზე, საკანალიზაციო მილებით ფეკალური მასა ერევა, აქ მოსახლეობა ნარჩენებსაც ყრის.

ადგილობრივები, რომლებსაც ამ გზით გადაადგილება დღის განმავლობაში არა ერთხელ უხდებათ, ამბობენ, რომ ქალაქში, რომელშიც ტურისტების მოზიდვას ცდილობენ, კანალიზაციის ღია არხი არ უნდა გადიოდეს: „ამ გზაზე ბავშვებიც დადიან. შუა ქალაქში ასეთი სუნი არ უნდა იყოს“, – გვითხრა ელგა გვარამაძემ.

ანტისანიტარია, განსაკუთრებით, არხთან ახლოს მცხოვრებ 15 ოჯახს აწუხებს.

„აუტანელი სუნია ზამთარშიც და ზაფხულშიც. არხს პერიოდულად ჩვენ ვწმენდთ, თორემ წყალს ჩამოყოლილი ნაგავი გროვდება და იჭედება“, – ამბობს რუსთაველის N88-ში მცხოვრები ევგენია გევორქიანი.

გაუსაძლის პრიობებსა და ანტისანიტარიაზე საუბრობს გევორქიანის მეზობლად მცხოვრები სუსანა ბაღჩოიანი: „ახლა კიდევ არაუშავს, ზაფხულში ბუზები არიან და სუნიც უფრო მეტად აუტანელია, ვირთხებიც მომრავლდნენ. შენობაში შვიდი ოჯახი ცხოვრობს და ყველას ეს პრობლემა გვაწუხებს“.

ადგილობრივებმა ღია არხის მოწესრიგების მოთხოვნით ხელმოწერების შეგროვება დაიწყეს.

„განცხადებას მერიააში მივიტანთ, რომ ყურადღება მოგვაქციონ. 15 ოჯახი ვცხოვრობთ ამ ტერიტორიაზე, დილით ყველაზე მეტად დგას კანალიზაციის სუნი, ეზოებში ვერ ვჩერდებით, ფანჯრებს ვერ ვაღებთ, ხალხიც და ტურისტებიც სახეზე ხელაფარებულები დადიან. აქვეა ავტობუსების მოსაცდელიც და გზაზე ვერავინ ჩერდება“, – ამბობს რუსთაველის ქუჩაზე მცხოვრები გენადი ყურმაშვილი.

ახალციხის მუნიციპალიტეტის მერიაში ამბობენ, რომ აღნიშნული პრობლემის მოგვარებას ამ ეტაპზე არ გეგმავენ: „ამ საკითხს ჯერ ვერ გადავწყვეტთ“.

გაერთიანებული წრალმომარაგების კომპანიის ტექნიკური აქტივობის მართვის დეპარტამენტის უფროსი მიშა ქავთარაძე კი ამბობს, რომ საკითხის შესწავლას დაიწყებენ: „ამის შესახებ აქამდე არ ვიცოდით, ადგილზე გავალთ, დავათვალიერებთ. თუ შესაძლებელი იქნება პრობლემას უმოკლეს ვადაში მოვაგვარებთ, თუ მასშტაბურ შემთხვევასთან გვაქვს საქმე, სამუშაოებს ეტაპობრივად შევასრულებთ“.

ახალციხეში, რუსთაველის ქუჩაზე ღია არხის მოწესრიგებას ითხოვენ

ახალციხეში, რუსთაველის ქუჩაზე ღია არხის მოწესრიგებას ითხოვენ

ახალციხეში, რუსთაველის ქუჩაზე ღია არხის მოწესრიგებას ითხოვენ

[ნანა ინასარიძე, ახალციხე]


28.07.2020 საფეხური: პანდემია და სტრესი ბავშვებში [აუდიო]

25.07.2020 ეროვნული გამოცდების შედეგების გამოქვეყნება სავარაუდოდ, აგვისტოს პირველი ნახევრიდან დაიწყება

23.07.2020 ახალქალაქის 8 სკოლაში ბიბლიოთეკები მოეწყო

22.07.2020 22 ივლისიდან მასწავლებელთა გამოცდები დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

30.07.2020 აღადგენენ თუ არა თეა ბაღდოშვილს და ეკა ტატალაშვილს სამსახურში?

30.07.2020 ახალციხის უნივერსიტეტის მეორე კორპუსში შშმ პირებისთვის ლიფტი გაკეთდება

30.07.2020 30 ივლისს წმინდა მარინეს ხსენების დღე აღინიშნება

30.07.2020 აბასთუმანში ‘გლაზენაპის’ კოშკს სრულად აღადგენენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

მსგავს თემაზე

ახალციხეში, დავითისა და კონსტანტინეს ქუჩაზე მცხოვრებლები ღია არხის მოწესრიგებას ითხოვენ
ახალციხეში ხანძთელის ქუჩაზე  ინფრასტრუქტურის მოწესრიგებას ითხოვენ
ივანე ახალციხელის ქუჩაზე საკანალიზაციო სისტემის მოწესრიგებას ითხოვენ
ფეკალური მასა ღია არხებში და პირდაპირ მდინარეში
ადიგენის მერია  ჩორჩნის სკოლის ეზოში გამავალ არხს მოაწესრიგებს
გევორქიანები დაზიანებული წყლის მილის შეკეთებას ითხოვენ
ახალციხეში, დანიელაშვილის ქუჩა ფეკალური მასით იტბორება