FM97.5 / LIVE

ახალციხეში 'კონსერვატიულ პარტიას' ახალი თავმჯდომარე ჰყავს

მთავარიპოლიტიკა 11.06.2013
”კონსერვატიული პარტიის” ახალციხის რაიონული ორგანიზაციის თავმჯდომარედ ინგლისიდან საქართველოში ახლადდაბრუნებული უჩა კახნიაშვილი დაინიშნა

ახალციხეში 'კონსერვატიულ პარტიას' ახალი თავმჯდომარე ჰყავს
”კონსერვატიული პარტიის” ახალციხის რაიონული ორგანიზაციის უკვე ყოფილი თავმჯდომარე ოლეგ სანდროშვილი, რომელიც ახლა ახალციხის მუნიციპალიტეტის საკრებულოს თავმჯდომარეა, ახალციხელმა უჩა კახნიაშვილმა ჩაანაცვლა. იგი პარტიის თავმჯდომარედ ახალციხეში 7 ივნისს დაამტკიცეს.

უჩა კახნიაშვილი 1974 წელს ახალციხეში დაიბადა. დაამთავრა პირველი საჯარო სკოლა. უმაღლესი განათლება თბილისის სახელმწიფო უნივერსიტეტში მიღოო. აქ იგი ეკონომიკის ფაკულტეტზე სწავლობდა. სასწავლებლის დამთავრების შემდეგ მუშაობა სატყეო მეურნეობაში ეკონომისტის თანაშემწედ დაიწყო. მოგვიანებით ერთ-ერთ სამშენებლო კომპანიაში მომმარაგებლად გადავიდა. შემდეგ საქართველო დატოვა და 10 წელზე მეტ ხანს ცხოვრება ინგლისში მოუხდა.

როგორც თავად ამბობს, აქ სწავლობდა და პარალელურად მუშაობდა კიდეც:
”ძალიან ბევრ რაღაცაზე ვმუშაობდი, რესტორანშიც კი”.

კახნიაშვილი საქართველოში მიმდინარე წლის 6 აპრილს დაბრუნდა. ქვეყანა შეცვლილი დახვდა : ”უფრო აშენებული, მაგრამ ხალხია დაბეჩავებული. თითქოს ეს ის ქართველები აღარ არიან, რომლებიც აქ 10 წლის წინ დავტოვე”.

კახნიაშვილმა ინგლისიდან საქართველოში დაბრუნება სექტემბერში გავრცელებული ცნობილი ციხის კადრების შემდეგ გადაწყვიტა. ქვეყანაში არსებული რეჟიმის წინააღმდეგ უნდოდა ებრძოლა: ”მგონია, რომ ჩემ ქვეყანას გამოვადგები იმ გამოცდილებით რაც ინგლისში დავაგროვე”.

პარტიის ახალ თავმჯდომარეს აქადმე პოლიტიკასთან შეხება არ ჰქონია. კახნიაშვილის პოლიტიკური გამოცდილება წლების წინ მისი ძმის კახა კახნიაშვილის პოლიტიკური აქტივობებით შემოიფარგლება: ”ჩემ ძმასთან ერთად პოლიტიკურ პროცესებში ჩართული აქტიურად ვიყავი”.

კითხვაზე თუ როგორ მოხდა 10-წლიანი ემიგრაციის შემდეგ ”კონსერვატიული პარტიის” ახალციხის რაიონული ორგანიზაციის თავმჯდომარედ, გვპასუხობს, რომ, ”კონსერვატიული პარტია” მის სიმპატიას ყოველთვის იმსახურებდა: ”მომწონს პარტია და მისი იდეები, ასევე ძალიან დიდი პატივს ვცემ ზვიად ძიძიგურს და მჯერა მისი”.

კახნიაშვილი ახალციხეში ”კონსერვატიული პარტიის” მხოლოდ 2 წევრს იცნობს, თუმცა, ამბობს რომ უახლოეს მომავალში პარტიას ძალიან ბევრი წევრი შეემატება: ”ჯერ ენთუზიაზმზე ვმუშაობ, არანაირი ანაზღაურება არ გვაქვს. მალე ოფისი გვექნება და წინასაარჩევნო პორცესებშიც აქტიურად ჩავერთვებით”.

[თამუნა უჩიძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

20.11.2019 ‘მე ვირჩევ თანასწორობას’ - საინფორმაციო კამპანია სამცხე-ჯავახეთში

20.11.2019 ბაღინაშვილის ქუჩის მოსახლეობა გზის რეაბილიტაციას ითხოვს

20.11.2019 ჯავახეთის დაცულ ტერიტორიებს ორი ახალი კოტეჯი დაემატა

20.11.2019 ახალციხის მერია საახალწლოდ ტკბილეულს შეიძენს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

„რესპუბლიკური პარტია“ ახალციხეში თავმჯდომარემ და წევრებმა დატოვეს
”რესპუბლიკელებმა” ახალციხეში თავმჯდომარე აირჩიეს
ვინ არის ასპინძის მუნიციპალიტეტის საკრებულოს თავმჯდომარე მამუკა მელიქიძე
ახალციხეში წინასაარჩევნო მზადება იწყება
"რესპუბლიკელებმა" პარტია ადიგენშიც დააფუძნეს
გიორგი კახნიაშვილმა თანამდებობა დატოვა
გაერთიანებულ ოპოზიციას  ახალციხეში ჯერ მხოლოდ ენმ–ს წევრები ჰყავს