სამხრეთის კარიბჭე. FM97.5 / LIVE

მედლების საქმეზე მეექვსე სკოლის მასწავლებლები დირექტორს უპირისპირდებიან

მთავარისიახლე, სამართალი 12.04.2018
მეექვსე საჯარო სკოლის საქმეზე სასამართლოში ყველა მხარე აღიარებს, რომ მოსწავლეებს მედლები ნამდვილად ეკუთვნოდათ. მიუხედავად ამისა, დირექტორმა მოსამართლის შეთავაზებაზე, რომ მხარეებთან მორიგებულიყო, უარი განაცხადა.

მედლების საქმეზე მეექვსე სკოლის მასწავლებლები დირექტორს უპირისპირდებიან

ახალციხის რაიონულ სასამართლოში, მედლების საქმეზე გამართულ მორიგ სხდომაზე სამი პედაგოგი დაიკითხა, ასევე, გამოიკვლიეს წერილობითი მტკიცებულებებიც.

მასწავლებლებთან მხარეებს კითხვები ძირითადად ჟურნალის შევსებისას დაშვებულ შეცდომებთან დაკავშირებით ჰქონდათ. მოსამართლე დაინტერესდა, ჟურნალებში არსებული ხარვეზების მიუხედავად, ეკუთვნოდათ თუ არა მოსწავლეებს ოქროს მედლები. პედაგოგებმა უზუსტობები აღიარეს და განაცხადეს, რომ ორივე მოსარჩელე მოსწავლე მედალს იმსახურებდა. ეს საკითხი სადავო არცერთ მხარეს არ გაუხდია.

„მაშინ ჟურნალის წარმოების სხვა მითითებები გვქონდა, ყველა საგანს თავის გვერდი ჰქონდა, შემდეგ გვითხრეს ასე აღარ გააკეთოთო და შეიძლება ამის გამო ქრონოლოგია აირია. ჩემს შემთხვევაში მოსწავლეს ორი არა უწერია. ეს არა ჩამიწერია ნიშნების რაოდენობაში. მექანიკურად მომივიდა. ამიტომ ჟურნალის ბოლო გვერდზე ხელმოწერით დავაფიქსირე ჩასწორება. ეს ბავშვები ნამდვილად იმსახურებენ მედლებს“, – განაცხადა სხდომაზე მეექვსე სკოლის მასწავლებელმა ნანა ლომინაშვილმა.

მოწმეების დაკითხვის შემდეგ, მოსამართლე გია ბერაიამ სკოლის დირექტორს გია კაპანაძეს მოსარჩელე მხარესთან მორიგება კიდევ ერთხელ შესთავაზა: „სადავოს იმას, რომ მოსწავლეები მედლებს იმსახურებდნენ არავინ ხდით, კიდევ ერთხელ გთავაზობთ მორიგებას“, – მიმართა ბერაიამ კაპანაძეს და დასაფიქრებლად 10–წუთიანი შესვენება გამოაცხადა.

კაპანაძემ მორიგებაზე უარი თქვა: „მოსწავლეები მედლებს ნამდვილად იმსახურებენ. დაველოდები მოსამართლის გადაწყვეტილებას“.

დირექტორის უარმა იმ პედაგოგების პროტესტი გამოიწვია, რომლებიც დღევანდელ პროცესზე მოწმის სახით იკითხებოდნენ. მათი თქმით, დირექტორმა გადაწყვეტილება მასწავლებლებთან შეთანხმების გარეშე მიიღო.

„გაკვირვებულები ვართ, არაჩვეულებრივ შეთავაზებაზე წამოვიდნენ მოსამართლე და მოსარჩელე მხარის ადვოკატები. მგონია, რომ ეს არის დაჟინება. არაფრის გამო დავისაჯეთ, ეს არ არის დირექტორის მხრიდან უფლებამოსილების გადამეტება?!“ – კითხულობს ნანა ლომინაშვილი.

მასწავლებლები აცხადებენ, რომ მედლების საქმესთან დაკავშირებით გია კაპანაძის გადაწყვეტილებამ სკოლა ორად გაყო.

„მთავარი ორგანო სკოლაში არის პედაგოგიური საბჭო. რეკომენდაცია რომ მოვიდა სამინისტროდან, ბავშვები მედლებზე არ წარადგინოთო, მაშინ ვთქვი, რომ რადგან ეს იყო რეკომენდაცია და არა მოთხოვნა, კიდევ ერთხელ გვქონდა შანსი, მოსწავლეები მედლებზე ხელახლა წარგვედგინა, თუმცა დირექტორმა ამაზე უარი თქვა“, – ამბობს მეექვსე სკოლის მასწავლებელი მაია მექვაბიშვილი.

მისი თქმით, მომხდარის გამო, პედაგოგებთან ერთად პასუხისმგებლობა დირექტორსაც ეკისრება: „ყველაზე მტკივნეული იყო ის, რომ ამ მედლების გამო 10 მასწავლებელს საყვედური გამოუცხადეს, დანარჩენებმა კი პრემიები მიიღეს, მათ შორის გია კაპანაძემაც. დირექტორი, რომელმაც 10 მასწავლებელი დასაჯა, რა პრემიას იღებს?! რატომ არ დგება სკოლის დირექტორის პასუხისმგებლობის საკითხი?!“.

ამავე სკოლის მასწავლებელი ნანა ნათენაძის თქმით, შესაძლოა, მათ დირექტორის გადაყენების საკითხი დააყენონ: „სამარცხვინო იყო პედაგოგების აქ დგომა. მექანიკური შეცდომა ყველას ემართება. ეს აღიარა რესურსცენტრმაც და სამინისტრომაც. მოსამართლეს მორიგებაზე რომ არ დათანხმდა, ამით საბოლოოდ დაუსვა წერტილი ყველაფერს. არცერთი პედაგოგი მას ამას არ აპატიებს“.

მეექვსე სკოლის საქმეზე ახალციხის რაიონულ სასამართლოში სამი პროცესი გაიმართა და რვა პედაგოგი დაიკითხა. მოსამართლე გადაწყვეტილებას 20 აპრილს 12:00 საათზე გამოაცხადებს.

საქმე მეექვსე საჯარო სკოლის ვერცხლისა და ოქროს მედლებზე წარდგენილ მოსწავლეებს ეხება. საკლასო ჟურნალებში გადასწორებული ნიშნების გამო ექვსი მოსწავლიდან ხუთმა მედალი ვერ მიიღო. ამათგან ორი კურსდამთავრებულის მშობელმა სასამართლოს სარჩელით მიმართა და ორი აქტის ბათილად ცნობა მოითხოვა. ერთი არის 14 ნოემბრის, რომლითაც პირველად ეთქვათ უარი ამ მოსწავლეებს ოქროს მედლების კანდიდატებად წარდგენაზე და დეკემბრის, როდესაც განმეორებით მოითხოვა მხარემ მათი წარდგენა, რადგან მოსწავლეების ბრალეულობა არ იკვეთებოდა.

[თინათინ ზაზაძე, ახალციხე]


25.04.2018 საზღვარგარეთ სწავლის მსურველთა განაცხადის მიღება იწყება

24.04.2018 ახალციხეში 36 წარჩინებულ მოსწავლეს კომპიუტერი გადაეცა

19.04.2018 სოფელ კარტიკამში რეაბილიტირებული სკოლა გაიხსნა

13.04.2018 კოსმოსურ ჰაკათონში გამარჯვებული ახალციხელები ნიდერლანდებიდან დაბრუნდნენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.04.2018 აბასთუმანში ისტორიული სახლების რეაბილიტაცია დაიწყო

24.04.2018 წინუბანში ოთხსულიან ოჯახს ღია ცისქვეშ დარჩენა ემუქრება

24.04.2018 საბარგო სადგურზე ახლადგაკეთებული ბორდიურები იშლება

24.04.2018 საბარგო სადგურზე ექვსი თვის წინ დარგული ბუჩქები გახმა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

მსგავს თემაზე

მეექვსე სკოლის მოსწავლეების მედლების საქმეზე ხუთი მასწავლებელი დაკითხეს
სასამართლომ მედლების საქმეზე მშობლების სარჩელი დააკმაყოფილა
მეექვსე სკოლის მოსწავლეების მედლების საქმეზე მასწავლებლებს დაკითხავენ
მედლების საქმეზე, მეექვსე სკოლის პედაგოგებმა გაფრთხილებები მიიღეს
მედლების საქმეზე ხვალ პირველი სასამართლო პროცესი გაიმართება
მედლების საქმე შესაძლოა სასამართლომდე მივიდეს
მეექვსე სკოლის კურსდამთავრებულების მშობლებმა სასამართლოში იჩივლეს