FM97.5 / LIVE

ერთ დღეში გათავისუფლებული და დაკავებული თანამდებობა – ‘კეთილმოწყობას’ ახალი უფროსი ჰყავს

მთავარისიახლე, პოლიტიკა 03.04.2018
ახალციხეში, ორი თვის წინ დანიშნულმა კეთილმოწყობის სამსახურის უფროსმა თანამდებობა ისე დატოვა, რომ მიზეზი საჯაროდ არ განუმარტავს. გამოთავისუფლებული პოზიცია, იმ დღესვე, სამცხე-ჯავახეთის სამაშველო სამსახურის ყოფილმა ხელმძღვანელმა, კობა კურტანიძემ დაიკავა.

ერთ დღეში გათავისუფლებული და დაკავებული თანამდებობა – ‘კეთილმოწყობას’ ახალი უფროსი ჰყავს

28 მარტს, ახალციხის მერთან, ზაზა მელიქიძესთან, ორი განცხადება შევიდა: ერთს მერიის შპს „კეთილმოწყობის“ სამსახურის დირექტორი, გიორგი ბაგინაშვილი წერდა და თანამდებობიდან გათავისუფლებას ითხოვდა, მეორეს კი - კობა კურტანიძე, რომელსაც რამდენიმე საათის წინ გათავისუფლებული პოზიციის დაკავება სურდა. მერმა ორივე განცხადება იმ დღესვე დააკმაყოფილა.

გიორგი ბაგინაშვილმა “კეთილმოწყობა” ამ წლის თებერვალში ჩაიბარა. შეკითხვაზე, რა გახდა ორ თვეში სამსახურიდან წასვლის მიზეზი, გვიპასუხა, - "ხომ წერია ყველაფერი მერიაში [განცხადებაში] არა?! მე მაგაზე სალაპარაკოდ არ მცალია“.

ახალციხის მერიაში აცხადებენ, რომ სამსახურიდან წასვლის შესახებ განცხადება ბაგინაშვილმა თავად დაწერა, - „მიზეზი ჯანმრთელობის მდგომარეობის გაუარესება იყო. რაც შეეხება კურტანიძის დანიშვნას, მან „კეთილმოწყობის“ სამსახურის დირექტორის პოზიციის დასაკავებლად განცხადება შემოიტანა და მერმაც დაუკმაყოფილა“.

საიდან იცოდა კობა კურტანიძემ, რომ 28 მარტს მერიაში “კეთილმოწყობის” უფროსის განცხადება შევიდოდა, უცნობია. „სამხრეთის კარიბჭეს“ შეკითხვაზე, როგორ დაინიშნა ამ თანამდებობაზე, მანაც მერიის პრესსამსახურის მსგავსი პასუხი გაგვცა იმის შესახებ, რომ მისმა წინამორბედმა პოზიცია ჯანმრთელობის მდგომარეობის გამო დატოვა.

ახალციხის შპს „კეთილმოწყობის“ სამსახურს, 2014 წლის ივლისიდან – 2015 წლის ივლისამდე, კობა კურტანიძის ცოლის ძმა, გიორგი ბალიაშვილი ხელმძღვანელობდა. ამავე, 2014–2015 წლებში თავად კობა კურტანიძე სამცხე-ჯავახეთის საგანგებო სიტუაციების მართვის სამსახურის უფროსი იყო. მისი სიდედრი, ზოია ბალიაშვილი, ახალციხის საკრებულოს დეპუტატია „ქართული ოცნებიდან“.

დანიშვნიდან 3 დღეში, 31 მარტს, კობა კურტანიძე “ოცნების” პარტიულ შეხვედრაზე გამოჩნდა. ის ახალციხეში, პრემიერ-მინისტრ გიორგი კვირიკაშვილის მიერ გამართულ რეგიონულ კონფერენციას ესწრებოდა. მაშინ, ახალციხის საკრებულოს ფრაქცია „ქართული ოცნების“ თავმჯდომარე, გიორგი გვარამაძე აცხადებდა, რომ შეხვედრაში ახალციხის 250 დელეგატი მონაწილეობდა. დღეს შეკითხვაზე, არის თუ არა კობა კურტანიძე „ოცნების“ წევრი, გიორგი გვარამაძემ არ გვიპასუხა, - „ეს კონფიდენციალური ინფორმაციაა. კურტანიძეს ჰკითხეთ“. “კეთილმოწყობის” სამსახურის ახალი უფროსი კი ამბობს, რომ „ქართული ოცნების“ წევრი არასდროს ყოფილა.

ერთ დღეში გათავისუფლებული და დაკავებული თანამდებობა – ‘კეთილმოწყობას’ ახალი უფროსი ჰყავს

არის თუ არა პარტიის წევრობა კონფიდენციალური ინფორმაცია. “სამხრეთის კარიბჭემ” განმარტება “საერთაშორისო გამჭვირვალობა საქართველოს” იურისტს, გიგა ჩიხლაძეს სთხოვა, - „კანონით პარტიის წევრების საჯაროობის საკითხი არ რეგულირდება. ეს იმდენად უმნიშვნელო რამაა, რომ დარეგულირება აზრად არავის მოსვლია. ვერ დააძალებ გითხრან პარტიის წევრი ვინაა, თუმცა, თუ მალავს ესეც სასაცილოა. ანუ რა გამოდის, პარტიას საიდუმლო წევრები ჰყავს?!“

[თამუნა უჩიძე, ახალციხე]


10.12.2018 ახალციხის რომელ სკოლაში ასწავლიან სამხედროები

07.12.2018 აწყურის სკოლის მოსწავლე საუკეთესო ესსესთვის დააჯილდოვეს [Video]

06.12.2018 შშმ მშობელი ექსკურსიას ჩამორჩა, ამის შემდეგ სკოლაში მის შვილს დაუპირისპირდნენ

06.12.2018 სკოლებში აგვისტოს ომის შესახებ გაკვეთილებს სამხედროები ჩაატარებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

11.12.2018 ‘ოცნებას’ ახალციხეში ზურაბიშვილის პლაკატებისგან ქუჩების გასუფთავება ჯერ არ დაუწყია

10.12.2018 ახალციხეში 2018 წლის საუკეთესო რეჟისორის სპექტაკლის პრემიერა გაიმართა

10.12.2018 ახალქალაქელმა კარინა ბაგარიანმა 37 000 აშშ დოლარი იპოვა და მფლობელს დაუბრუნა

09.12.2018 ‘სახლებს წვავდნენ და თან სელფებს იღებდნენ’ – რა მოხდა ფოკაში მკვლელობამდე და მკვლელობის შემდეგ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

კობა კურტანიძემ სამაშველო სამსახური დატოვა
შპს "კეთილმოწყობის" უფროსმა გიორგი ბალიაშვილმა თანამდებობა დატოვა
სამ დღეში სამი „პირადი განცხადებით“ გადამდგარი ჩინოვნიკი ახალციხეში
საჯარო უწყებების შემდეგ საკადრო ცვლილებები შპს–ებშიც დაიწყო
გუბერნიაში თანამდებობა კიდევ ერთმა თანამშრომელმა დატოვა
როგორ დაკომპლექტდა ახალციხის საკრებულოს კომისიები
ვინ იქნება შემდეგი? – „გადადგომების სერია“ ახალციხეში [Video]