სამხრეთის კარიბჭე. FM97.5 / LIVE

ახალციხეში, კლინიკა 'იმედში', ახალნამშობიარები ქალი გარდაიცვალა

მთავარისიახლე, საზოგადოება 30.03.2018
ახალციხეში, კლინიკა „იმედში“, მშობიარობიდან ორი დღის შემდეგ, 23 წლის ქალი გარდაიცვალა. ოჯახი მომხდარში საავადმყოფოს ადანაშაულებს.

ახალციხეში, კლინიკა 'იმედში', ახალნამშობიარები ქალი გარდაიცვალა

გარდაცვლილის ოჯახის წევრების ინფორმაციით, ახალგაზრდა ქალმა 28 მარტს იმშობიარა. ექიმებმა მათ განუცხადეს, რომ დედაც და ჩვილიც თავს კარგად გრძნობდნენ. დღეს, 30 მარტს, დილით კი დაურეკეს და აცნობეს, რომ ცუდი ამბავი ჰქონდათ.

როგორც გარდაცვლილის ბიძა გვიყვება, 23 წლის ქალი სავარაუდოდ გამთენიისას, ოთხიდან ხუთ საათამდე პერიოდშია გარდაცვლილი. იგი ექიმებს საპირფარეშოში უნახავთ: „ამბობდნენ, რომ ყველაფერი კარგად იყო. ასე უცებ რა მოხდა?! ეთქვათ, თუ რამე გართულებები ჰქონდა და თბილისში გადავიყვანდით".



ამ წუთებში გარდაცვლილის ოჯახის წევრები და ახლობლები კლინიკაში არიან შეკრებილი და ექიმებთან შეხვედრას ითხოვენ: "ყველა ექიმისგან ვითხოვთ პასუხს, ვინც მორიგე იყო ამ ღამით".

კლინიკის ხელმძღვანელი დავით მაისურაძე ოფიციალური კომენტარისგან თავს იკავებს. პირად საუბარში ამბობს, რომ ახალგაზრდა ქალმა ფიზიოლოგიორად იმშობიარა, ყველაფერი კარგად მიმდინარეობდა, ამ დრომდე რამე გართულება არ ყოფილა, დანარჩენს კი ექსპერტიზას დაადგენს. მისი განმარტებით, ამ ეტაპზე კომენტარისგან თავს იმ მოტივით იკავებს, რომ გარდაცვლილის ახლობლები აფექტის მდგომარეობაში არიან და ახლა რაიმეს თქმა 'ცეცხლზე ნავთის დასხმა იქნება'. მისივე თქმით, ახალგაზრდა ქალი დაახლოებით 07:30 საათზე გარდაიცვალა.

კლინიკის ეზო სავსეა გარდაცვლილის ახლობლებითა და თანასოფლელებით. ადგილზე მობილიზებულია პოლიციაც. გოგონა ახალციხის, სოფელ წყრუთის მცხოვრებია. ეს მისი პირველი მშობიარობა იყო.



ბოლო ინფორმაციით, ამ წუთებში გარდაცვლილი ექსპერტიზაზე გადაჰყავთ. თბილისიდან ელოდებიან დამოუკიდებელ ექსპერტსაც. გარდაცვლილის ახლობლები საავადმყოფოში რჩებიან და ბავშვის ნახვას ითხოვენ.

შინაგან საქმეთა სამინისტროს ინფორმაციით, მომხდარზე გამოძიება გაუფრთხილებლობით სიცოცხლის მოსპობის ფაქტზე, საქართველოს სისხლის სამართლის კოდექსის 116-ე მუხლის პირველი ნაწილით დაიწყო.

შემთხვევის ადგილზე იმყოფება "სამხრეთის კარიბჭეც" და მომხდარის დამატებითი დეტალების გარკვევას ცდილობს.

ახალციხეში, კლინიკა 'იმედში', ახალნამშობიარები ქალი გარდაიცვალა

ახალციხეში, კლინიკა 'იმედში', ახალნამშობიარები ქალი გარდაიცვალა

ახალციხეში, კლინიკა 'იმედში', ახალნამშობიარები ქალი გარდაიცვალა

[sknews.ge]


17.07.2018 აბიტურიენტები ისტორიის გამოცდას აბარებენ

16.07.2018 გეოგრაფიის გამოცდაზე 22 აბიტურიენტი არ გამოცხადდა

13.07.2018 პროფესიული უნარების გამოცდაზე 154 მასწავლებელი არ გამოცხადდა

13.07.2018 სამაგისტრო გამოცდების ტესტის პასუხები სავარაუდოდ წინასწარ გამოქვეყნდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

19.07.2018 15 000–მდე ბავშვს სისხლში ტყვიის შემცველობაზე გამოიკვლევენ

19.07.2018 ახალციხეში თვალის უფასო გამოკვლევები ჩატარდება

18.07.2018 რა უნდა იცოდეს მომხმარებელმა ხორცის შეძენისას

17.07.2018 ონკოლოგების შეფასებები ახალციხეში კიბოს ავადობის მაღალ მაჩვენებელზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

კლინიკაში, სადაც ახალნამშობიარები ქალი გარდაიცვალა, ახალციხის მერი მივიდა [Video]
გარდაცვლილი ახალნამშობიარები ქალი სოფელში გადაასვენეს
ახალნამშობიარები გარდაცვლილი ქალის შვილი ისევ კლინიკაში რჩება
რას შეიძლება გამოეწვია ახალნამშობიარები ქალის გარდაცვალება – ექიმების ვერსიები
გარდაცვლილი  ქალის საქმეს, სამედიცინო საქმიანობის სახელმწიფო რეგულირების სააგენტო სწავლობს
რა გახდა ახალნამშობიარები ქალის გარდაცვალების მიზეზი – ექსპერტიზის პასუხი ცნობილია
ახალნამშობიარები გარდაცვლილი ქალის შვილი კლინიკიდან გაიყვანეს