FM97.5 / LIVE

ახალგაზრდა მამაკაცს დედასა და მეზობლებზე ძალადობაში ადანაშაულებენ

მთავარისიახლე, სამართალი 29.03.2018
ახალციხეში, სოფელ სვირში, ადგილობრივები ყვებიან, რომ შუახნის მამაკაცმა დედასა და მეზობლებზე იძალადა. მათი თქმით, მან დედას ყელში ხელი წაუჭირა, მეზობლებს კი ქვები დაუშინა. მამაკაცი დაკავებულია.

ახალგაზრდა მამაკაცს დედასა და მეზობლებზე ძალადობაში ადანაშაულებენ

შემთხვევა, ახალციხეში, სოფელ სვირში, 27 მარტს, ღამით მოხდა. მამაკაცი მეზობელი სოფლიდან შინ ნასვამი, დაახლოებით, 23:30 საათზე დაბრუნდა.

„სახლში რომ შემოვიდა, გინება და გლახა სიტყვები დაიწყო. არ ვიცი რატომ გაბრაზდა. ვუთხარი ნუ იგინები, სირცხვილია, დაისვენე–მეთქი. ამის თქმა იყო და დამეტაკა, ყელში წამავლო ხელი. მერე დალეწა ფანჯრები, „კუხნის“ „სტეკლოებსაც“ დაჰკრა ხელი და გაიჭრა“, – გვიყვება მამაკაცის დედა.

დაკავებული სვირში დედასთან, მეუღლესთან და ხუთ და–ძმასთან ერთად ცხოვრობს. ოჯახი სოციალურად დაუცველია. როგორც დედა ყვება, ნასვამმა ბავშვებისკენაც გაიწია, ამიტომ 11 და 6 წლის შვილები სახლიდან გამოიყვანა და დროებით თავი მეზობელთან შეაფარა.

„ჯერ ბავშვები მოაწყდნენ ღობეს, შველას ითხოვდნენ, მერე ჩემთან შემოვიდნენ, გაფითრებულები იყვნენ. ის მთვრალი გარეთ ისევ ყვიროდა“, – გვიყვება მეზობელი.

დედის გასვლის შემდეგ მამაკაცმა მისი ძებნა მეზობლებთან დაიწყო. თავდაპირველად სხვა ოჯახში მივიდა.

„ვიწექით უკვე გარედან ყვირილი რომ გავიგონე, მერე „ბალკონის“ კარს აჯანჯღარებდა. შემოანგრია და შემოვიდა. გვაგინებდა, სადაა დედაჩემი, გამოდით, ისიც უნდა მოვკლა და თქვენცო. სარეცხის თოკი მოგლიჯა, ამით უნდა დაგახრჩოო“, – იხსენებს მეზობელი და ამატებს, რომ ამ დროს ორივე ხელი სისხლიანი ჰქონდა. ხის აივანს სისხლის კვალი ახლაც ამჩნევია, – „ვეუბნებოდი რატომ გვაგინებ, რა გინდა, თავი დაგვანებე–მეთქი, ამაზე უფრო გაბრაზდა და მე და ჩემს ქმარს ქვები დაგვიშინა. მერე გაიქცა, ‘ტაპორი’ უნდა მოვიტანო და დაგხოცოთო. ძალიან შემეშინდა და პოლიციაში დავრეკე“.

სვირში პოლიცია, როგორც ადგილობრივები ყვებიან, მალე მივიდა. სამართალდამცავებმა ნასვამი მამაკაცი სახლში დააკავეს.

„პოლიცია რომ მოვიდა, უკვე დედამისი სახლში იყო, მეც ჩავედი. პოლიციას მოუყვა დედამისი ყელში როგორ წაუჭირა ხელი“, – გვიყვება მეზობელი.

ახალციხის რაიონული სამმართველოს თანამშრომლებმა ორივე ოჯახის წევრები იმ ღამესვე პოლიციაში წაიყვანეს და დაკითხეს. მეორე დღეს კი, დედასაც და მეზობელსაც ექსპერტიზები ჩაუტარეს.

„ექიმმა თქვა ყელზე მხოლოდ ფრჩხილის განაჩხაპნი გეტყობა, დალურჯებული არ გაქვსო“, – ამბობს დედა და ამატებს, რომ ასე მისი შვილი სახლში არასდროს მოქცეულა, – „ახლაც არ მინდოდა, რომ დაეჭირათ, რა ვქნა, შვილია, ვინ გამომიცვლის. მაგრამ ერთი მხრივ კარგიცაა, იქნებ ამის მერე ისწავლოს ჭკუა“.

შინაგან საქმეთა სამინისტრო მომხდარს სისხლის სამართლის კოდექსის 126–ე, ძალადობის მუხლით იძიებს. უწყებაში აცხადებენ, რომ ექსპერტიზის პასუხის შემდეგ, შესაძლოა, დაკავებულს ბრალი დაუმძიმდეს.

ამ დრომდე მამაკაცს ბრალი წაყენებული არ აქვს.

[თამუნა უჩიძე, ახალციხე]


14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

18.11.2019 სეს-მა ახალციხეში მუსლიმური სკოლა-პანსიონი დააჯარიმა

18.11.2019 'პოლიციამ გამოიჩინა პროფესიონალიზმი და იმოქმედა კვალიფიციურად'– კახა კალაძე

18.11.2019 პარლამენტთან აქციის დაშლის შემდეგ საავადმყოფოში სამი პირი გადაიყვანეს

18.11.2019 არასამთავრობო ორგანიზაციების საგანგებო განცხადება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

დედასა და მეზობლებზე ძალადობაში ბრალდებულს ბრალი დაუმძიმეს
‘ორივე ხელი მოტეხეს,  საოპერაციოა’ – ახალციხეში  დაპირისპირებისას ორი ახალგაზრდა დაშავდა
23 წლის ბიჭი დის ცემის ბრალდებით პასუხისგებაში მისცეს
ახალციხეში ახალგაზრდა მამაკაცის დაჭრაში ბრალდებულს ჯერ ბრალი არ წარდგენია
სცადეს თუ არა რაბათში ბავშვების გატაცება? – რას ჰყვებიან ადგილობრივები
სოფელ სვირში ქალს  ოჯახის ხანდაზმულ წევრზე ძალადობაში ამხელენ
შსს-მ იმ ბიჭის საქმის ძიება დაიწყო, რომელსაც ჩხუბში ორივე ხელი მოტეხეს