FM97.5 / LIVE

ბორჯომში მეწყერსაშიშ ზონაში მცხოვრებლები გასახლებას ითხოვენ

მთავარისიახლე, ეკონომიკა, საზოგადოება 14.03.2018
ბორჯომში, თორის ქუჩაზე მცხოვრები ათი ოჯახი, მერიას ალტერნატიული ფართით დაკმაყოფილებას სთხოვს. მათი განმარტებით, ტერიტორია მეწყერსაშიშია , მათი საცხოვრებელი ბინები კი ავარიული.

ბორჯომში მეწყერსაშიშ ზონაში მცხოვრებლები გასახლებას ითხოვენ

ბორჯომში, თორის ქუჩაზე, N42-ში და N44-ში მდებარე კორპუსების მცხოვრებლები ამბობენ, რომ მეწყერსაშიშ ზონაში ცხოვრობენ, ყოველ გაზაფხულზე სტიქიის საშიშროება აქვთ და მერიას გასახლებას სთხოვენ.

გასული წლის მაისში, მთიდან მოვარდნილმა ღვარცოფმა, ეს ოჯახები დააზარალა კიდეც. მაშინ მერიას სტიქიის შედეგებთან საბრძოლველად, 65 000 ლარი დასჭირდა. ინფრასტრუქტურული სამუშაოების გარდა, ორ ოჯახს კომპენსაცია მისცა, ერთი კი ქირით გაიყვანა და დღემდე უხდის ყოველთვიურ იჯარას.

„მთაზე ტყე გაიჩეხა და წვიმის დროს მიწის მასა მოდის. შარშან ღელე ადიდა და რაც ქვა–ღორღი და ნიაღვარი იყო, ჩვენს ეზოებსა და სახლში შემოიტანა. ოთახებში ფანჯრებამდე იყო ასული წყალი. როგორც ქვაბში, ისე ვართ მოქცეული. გვეშინია, რომ წელსაც იგივე მოხდება“, – ამბობს ამალია გიორგაძე.

„ყოველ წელს წყალდიდობაა, გვეშინია. ვყარაულობთ, რომ წყალი არ შემოვარდეს და მძინარეები არ დაგვახრჩოს. დაგვეხმარონ, სადმე გაგვიყვანონ“, – მეზობელს ეთანხმება მარინა კარაპეტოვი.

ბორჯომში მეწყერსაშიშ ზონაში მცხოვრებლები გასახლებას ითხოვენ

გარდა იმისა, რომ ადგილი სახიფათოა, ერთი საუკუნის წინ აშენებული შენობებიც ძველი და ავარიულია.

„იატაკი ყოველდღიურად დაბლა იწევს. სარდაფში ბოძები გვაქვს შეყუდებული, რომ არ ჩავარდეს. ძალიან ცუდ დღეში ვართ. მაგიდა რომ სწორად დავდგა, ხის ნაჭრები მჭირდება“, – ამბობს მარინა კარაპეტოვი.

ადგილობრივები ამბობენ, რომ სტიქიის შემდეგ გაცემული კომპენსაციები პრობლემას არ აგვარებს.

„გასულ წელს ყველაზე მეტი დარტყმა ჩემმა ოჯახმა მიიღო, – სარდაფებიდან ამოვარდა წყალი, იატაკიდან ამოხეთქა. ხელისუფლებიდან ყველა იყო მოსული, დაგვეხმარნენ კიდეც. კომპენსაცია რომ მივიღე, რემონტიც განვაახლე, მაგრამ მაინც შიშში ვცხოვრობთ“, – ამბობს ნანა გვარამაძე.

„გავარემონტებთ და კიდევ ჩამოწვება მეწყერი, ეს წყალში გადაყრილი ფულია. ვითხოვეთ ღელესთან „სტენკა“ აემაღლებინათ, მაგრამ არ გააკეთეს. თუ ბინით ვერ დაგვაკმაყოფლებენ , მაშინ დგვარში როგორც დარიგდა კომპენსაციები, ისე მოგვცენ ჩვენც“, – აცხადებენ ადგილობრივები.

ბორჯომის მერიაში ამბობენ, რომ მოსახლეობის გასაყვანად ამ ეტაპზე თვითმმართველობას ფული არ აქვს.

„ამ ბინას ყოველთვის აქვს რაღაც პრობლემები. მოსახლეობის სურვილია, რომ გავიყვანოთ იქიდან, მაგრამ მუნიციპალიტეტს ამის შესაძლებლობა არ აქვს“, – აცხადებს ბორჯომის მუნიციპალიტეტის მერის მოადგილე ბუბა ბერიძე.

მისი თქმით, ამ ეტაპზე მოსახლეობას საფრთხე არ ემუქრება, რადგან, მაისის სტიქიის შემდეგ, თორის ქუჩაზე სანიაღვრე არხი გაწმინდეს და საყრდენი კედელიც გააშენეს.

ბორჯომში მეწყერსაშიშ ზონაში მცხოვრებლები გასახლებას ითხოვენ

მერიის ამ ოპტიმიზმს არ იზიარებენ გეოლოგები. სპეციალისტები თორის ქუჩაზე არსებული მთის სამხრეთი ფერდობის გეოლოგიური კვლევის ჩატარების აუცილებლობაზე საუბრობენ.

„წინასწარ რამის თქმა შეუძლებელია, რადგან სტიქია არაპროგნოზირებადია, – გააჩნია რა სიხშირის ნალექია, შეიძლება ზედაპირული ჩამორეცხვაც მოხდეს და წამოიღოს“, – აცხადებს გიორგი ბუცხრიკიძე.

ბორჯომის მერიაში ამბობენ, რომ მთის გეოლოგიური კვლევა ამავე ქუჩაზე მდებარე მინერალური წყლის კოპანიის „IDS ბორჯომის“ დაკვეთით, სპეციალისტებმა 2015 წელს ჩაატარეს. ამ კვლევის საფუძველზე გეგმავენ საპროექტო–სახარჯთაღრიცხვო დოკუმენტაციის მომზადებას, მეწყერისა და ღვარცოფის საწინააღმდეგო ღონისძიებების დასაგეგმად.

„კვლევა სარეკომენდაციო ხასიათისაა. დოკუმენტის თანახმად, წყალშემკრები ფართის მთელ ტერიტორიაზე უნდა ჩატარდეს პრობლემური უბნის ტოპო გადაღება, ჰიდროლოგიური კვლევა, ასევე საინჟინრო-გეოლოგიური აგეგმვა. მიღებულ შედეგებზე დაყრდნობით შესაბამისი დარგის სპეციალისტები შეძლებენ დაგეგმონ და დააპროექტონ მეწყერ და ღვარცოფ საწინააღმდეგო ღონისძიებები“, – ნათქვამია ბორჯომის მუნიციპალიტეტის მერიისგან მიღებულ წერილში.

[თინათინ ზაზაძე, ბორჯომი]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.04.2020 დაიხურება თუ არა ახალციხის ბაზარი

07.04.2020 ‘დემოკრატ ქალთა საზოგადოების’ ექიმები პერსონალური დაცვის საშუალებებით აღიჭურვნენ

07.04.2020 ახალციხელი ახალგაზრდა, რომელიც უმუშევარი დარჩა დახმარებას ითხოვს [ვიდეო]

07.04.2020 ‘აგრარული ბაზრები მითითებული სტანდარტების მიხედვით შეძლებენ ფუნქციონირებას' – ლევან დავითაშვილი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

რა ბედი ეწევათ ბორჯომის დამეწყრილ ოჯახებს
ბორჯომში ნახანძრალ კორპუსში მცხოვრებლები მერიას დახმარებას სთხოვენ [Photo/Video]
ბორჯომში ნახანძრალი კორპუსის გადახურვას იწყებენ
ბორჯომი სტიქიიდან ერთი დღის შემდეგ [PhotoVideo]
‘გზას თუ არ გვიკეთებენ, ‘ვალინკები’ მაინც მოგვცენ’ – პროტესტი დანიელაშვილის ქუჩაზე
ბორჯომში მეწყერით დაზიანებული ინფრასტრუქტურის აღსადგენად პროექტი მზადდება
თამარაშვილის ქუჩაზე დატბორილი ეზოები და სანიაღვრე არხი ისევ გასაწმენდია