FM97.5 / LIVE

ეპისკოპოსი ჯუზეპე პაზოტო: ‘ვალეში მომხდარს ვერავის დავაბრალებთ’

მთავარისიახლე, საზოგადოება 13.03.2018
ეპისკოპოს ჯუზეპე პაზოტოს აზრით, ვალეში, წმინდა ნინოს სალოცავთან, კათოლიკური რელიკვიების დაწვა, არ გავს კათოლიკე ეკლესიის წინააღმდეგ მიზანმიმართულ ქმედებას.

ეპისკოპოსი ჯუზეპე პაზოტო: ‘ვალეში მომხდარს ვერავის დავაბრალებთ’

კავკასიის ლათინ კათოლიკეთა სამოციქულო ადმინისტრატორი, ეპისკოპოსი ჯუზეპე პაზოტო აცხადებს, რომ ის რაც ვალეში მოხდა ძალიან ცუდია, თუმცა, „ეს უკვე დამთავრდა და ახლა ამაზე ბევრი საუბარი საჭირო აღარაა“.

ეპისკოპოსი ამბობს, რომ არ აქვს საფუძველი იფიქროს, რომ ეს კათოლიკეების წინააღმდეგაა მიმართული: „შესაძლოა ვინმემ გაუაზრებლადაც გააკეთა. ვალეში მომხდარს ვერავის დავაბრალებთ. არ შემიძლია ვთქვა ვისი მოფიქრებულია ეს. მორალურად ძალიან ცუდი ფაქტია“.

დღეს, 13 მარტს, დაახლოებით ნახევარი საათის წინ [17:30 სთ.ზე], ეპისკოპოსმა მომხდართან დაკავშირებით განცხადება გაავრცელა.

„გუშინ ვალეში მომხდარ ფაქტთან დაკავშირებით, სადაც წმ. ნინოს სახ. სამლოცველოს გვერდით კათოლიკური ლოცვის წიგნები და ხატები დაწვეს, გამოვხატავ ჩემს სიახლოვესა და გვერდითყოფნას ვალეს კათოლიკე საკრებულოსადმი და მისი წინამძღვრისადმი, მ. მიხაილ სურმავასადმი. გამოვხატავ, აგრეთვე, მთელი ეკლესიის მწუხარებასა და აღშფოთებას ისეთი ფაქტის გამო, რომელზეც თვალის დახუჭვა არანაირად არ შეიძლება და რომელიც გულდასმით უნდა გამოიძიონ კომპეტენტურმა ორგანოებმა, რომლებსაც დაუყოვნებლივ ეცნობა მომხდარის შესახებ.

ვევედროთ უფალს, რათა ყველასათვის ძვირფასი იყოს საკუთარი და სხვისი რწმენის პატივისცემა და, რათა ყველანი ვგრძნობდეთ მშვიდობიან თანაცხოვრებაზე პასუხისმგებლობას, რითაც დასტურდება ამა თუ იმ ხალხის ზნეობრივი სიმაღლე.

მადლობა ყველას, ვინც თანადგომა გამოხატა ჩვენს მიმართ მომხდარის გამო“
, – ნათქვამია განცხადებაში.

შეგახსენებთ, რომ 12 მარტს, საღამოს, სოფელ ვალეში, წმინდა ნინოს მცირე სამლოცველოსთან, რომელშიც კათოლიკეები და მართლმადიდებლები წლებია ერთად ლოცულობენ, კათოლიკური ხატები და ლოცვის წიგნები დაწვეს. მომხდარს შინაგან საქმეთა სამინისტრო რელიგიური საქმიანობისთვის ხელისშეშლის მუხლით იძიებს.

ახალციხისა და ტაო კლარჯეთის მიტროპოლიტი თეოდორე ჭუაძე ვალეში მომხდარს ვანდალიზმად აფასებს და ამბობს, რომ სავარაუდოდ ამ ქმედების მიზანი ადგილობრივების დაპირისპირებაა. საქმის შესწავლა დაიწყო საქართველოს სახალხო დამცველის აპარატმა.

[თამუნა უჩიძე, ახალციხე]


09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

08.07.2020 ეროვნულ გამოცდაზე 10 აბიტურიენტი არ გამოცხადდა

07.07.2020 საფეხური: ეთნიკურ უმცირესობებთან მძიმე მდგომარეობაა – მანანა რატიანი მასწავლებელთა სერთიფიცირებაზე

07.07.2020 ეროვნული გამოცდების მეორე დღეს 8 აბიტურიენტი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 წინუბნის ტყეში მბეჭდავი ქერქიჭამიას წინააღმდეგ სანიტარული ჭრები დაიწყება

07.07.2020 პროტესტი სათხეში – რატომ გადაკეტეს გზა ადგილობრივებმა

07.07.2020 ახალციხის მერია შშმ პირს საცხოვრებელ კორპუსში ლიფტის დამონტაჟებას 4 წელია პირდება

07.07.2020 კაცს, რომელმაც სოფელ კლდეში დამწვრობა მიიღო, ოპერაციას გაუკეთებენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

ვალეში კათოლიკური რელიკვიების დაწვის ფაქტს ომბუდსმენი შეისწავლის
დღის ფოტო: ვალეში კათოლიკური რელიკვიები დაწვეს [Photo]
ომბუდსმენი მოუწოდებს სამართალდამცავებს დროულად გამოიძიონ ვალეში კათოლიკური რელიკვიების დაწვის ფაქტი
ვალეს სალოცავში კათოლიკური ხატები და ლოცვის წიგნები დაწვეს [photos]
გამოკითხვა: რას უკავშირებთ  ვალეში კათოლიკური რელიკვიების დაწვას [Video]
ევანგელური ეკლესია კათოლიკეებს რელიკვიების დაწვის გამო სოლიდარობას უცხადებს
კვირის აქცენტი: დამწვარი კათოლიკური რელიკვიების საქმე [Video]