FM97.5 / LIVE

სინაგოგის ერთადერთი მლოცველი ახალციხეს ტოვებს

მთავარისიახლე, საზოგადოება 12.03.2018
ახალციხეში შემორჩენილი ერთადერთი ებრაელი, რომელიც 23 წელია ისტორიულ სინაგოგას უვლის, ისრაელში მიდის. სინაგოგის ახალი ხელმძღვანელი არჩევნების წესით შეირჩევა.

სინაგოგის ერთადერთი მლოცველი ახალციხეს ტოვებს

ახალციხეში, რაბათის დასახლებაში მცოხვრები ერთადერთი ებრაელი და სინაგოგის ხელმძღვანელი სიმონ ლევიშვილი ჯანმრთელობის მდგომარეობის გაუარესების გამო საცხოვრებლად ისრაელში მიდის.

„ორი თვის წინ ინსულტი გადავიტანე, ცუდად ვგრძნობ თავს, სამკურნალოდ უნდა წავიდე. ალბათ ოჯახთან ერთად წავალ, მაგრამ თუ ჩემი მეუღლე და შვილები არ წამოვლენ, მარტო წასვლა მაინც მომიწევს“, – ამბობს სიმონ ლევიშვილი.

მე–20 საუკუნეში რაბათში მცხოვრები 400–მდე ებრაული ოჯახიდან ლევიშვილი ერთადერთია, რომელიც ამ დრომდე ახალციხეში შემორჩა. გასულ წელს რაბათში მისი ჩათვლით კიდევ ორი ოჯახი ცხოვრობდა, თუმცა როგორც ლევიშვილი გვიხსნის, მათ შორის ერთი გარიდაიცვალა, მეორე ოჯახმა კი ასევე ჯანმრთელობის მდგომარეობის გაუარესების გამო ცხოვრება ისრაელში გადაწყვიტა.

„მარტო დავრჩი. ავად რომ არ ვიყო, წასვლას არ ვიფიქრებდი“, – ამბობს ლევიშვილი.

იგი სინგოგას 23 წელია ხელმძღვანელობს. ლევიშვილი ებრაულმა თემმა ახალციხეში სალოცავის ხელძღვანელად 1995 წელს აირჩია. მაშინ ახალციხეში ჯერ კიდევ 150 ებრაული ოჯახი ცხოვრობდა. ამიტომ მისი წასვლის შემდეგაც არჩევნები ჩატარდება: „სონაგოგაში თორებია, წმინდა წიგნებია, მათ მოვლას და იქ მოქცევის წესებს ცოდნა სჭირდება. არჩევნების გარეშე სინგოგას ვერავინ მოუვლის და უხელძღვანელებს“.

მისივე თქმით, რადგან ახალციხეში ებრაელები აღარ ცხოვროობენ, არჩევნები თბილისში მცხოვრებ „ახალციხელ ებრალებს“ შორის ჩატარდება: „აქედან დედაქალაქში წასული, დაახლოებით, 30 ოჯახია. არჩევნებიც ალბათ მათ შორის ჩატარდება. კანდიდატებასც თავად დააყენებენ. მერე ორ–სამ კვირაში, ან თვეში ერთხელ ჩამოვლენ–ხოლმე სინაგოგის მოსავლელად“.

ლევიშვილი ფიქრობს, რომ მისი საქართველოდან წასვლის საკითხი დაახლოებით სამ თვეში გადაწყდება: „შესაძლოა ამ ზაფხულს აქ ვიყო და მერე წავიდე. ეს დამოკიდებული ჩემს ჯანმრთელობაზეა“.

შეგახსენებთ, რომ სინაგოგა, რომელსაც სიმონ ლევიშვილი უვლის 1863 წელს შემოწირულობებით აშენდა. მაშინ ახალციხეში 623 ებრაელი ცხოვრობდა. ისტორიკოსები ვარაუდობენ, რომ საქართველოში, კერძოდ სამცხე–ჯავახეთში, ებრაელები ბიზანტიის მხრიდან შემოვიდნენ.
მე–20 საუკუნეში, რაბათის ორ უბანში სულ, 400 ოჯახი, 3000 ებრაელი იყო. მათი გასვლა, ანუ ებრაელთა ალია ახალციხიდან 70–იან წლებში დაიწყო და 80–იან წლებში შეჩერდა.

იხილეთ მასალა სიმონ ლევიშვილზე "სამხრეთის კარიბჭეს" არქივიდან





[თამუნა უჩიძე, ახალციხე]


11.10.2018 სოფელ შოლავერში ახალი სკოლა გაიხსნა

09.10.2018 სოფელ არალში სკოლა საზეიმოდ გაიხსნა [Photo/Video]

08.10.2018 ეთნიკური უმცირესობის წარმომადგენელი სტუდენტებისთვის სტაჟირების პროგრამა დაიწყო

08.10.2018 ოთხწლიანი ლოდინის შემდეგ არლის სკოლა ახალ შენობაში გადავიდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.10.2018 ახალციხეში გენდერული თანასწორობის საკითხებზე იმსჯელეს

15.10.2018 გუბერნიასთან, სადაც დაზიანებული საკანალიზაციო ჭა ქუჩას ტბორავდა, მილებს ცვლიან

15.10.2018 ლაბორატორიული კვლევებით, მერაბიშვილის მძიმე მეტალებით ინტოქსიკაცია გამოირიცხა

14.10.2018 მართლმადიდებელი ეკლესია სვეტიცხოვლობას აღნიშნავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

სინაგოგას მისი ერთადერთი მლოცველი აღარ ტოვებს
სინაგოგის ერთადერთი მლოცველი  [Video]
ახალციხეში მცხოვრები ებრაელები ხანუქას დღესასწაულს აღნიშნავენ
ახალციხელი ებრაელების მოლოდინი
ებრაელები ხანუქას დღესასწაულს აღნიშნავენ
ახალციხელი ებრაელები  [Photo/Video]
როგორ ზეიმობდნენ პასექს (ფესახს) ახალციხელი ებრაელები [Photo/Video]