FM97.5 / LIVE

რამდენია ბორჯომის საკრებულოს წევრების ანაზღაურება?

მთავარისიახლე, პოლიტიკა, ეკონომიკა 07.03.2018
რამდენია ბორჯომის საკრებულოს წევრებისა და იქ დასაქმებული საჯარო მოხელეების შრომის ანაზღაურება და რის საფუძველზე იღებენ ისინი ხელფასებს, მაშინ, როცა მესამე თვეა, მერიის საჯარო მოსამსახურეები უხელფასოდ მუშაობენ.

რამდენია ბორჯომის საკრებულოს წევრების ანაზღაურება?
ბორჯომის მუნიციპალიტეტის წევრების შრომითი ანაზღაურების შესახებ მასალას droa.ge აქვეყნებს.

როგორც ცნობილია, 2018 წლის 1 იანვრიდან ძალაში შევიდა საქართველოს კანონი “საჯარო დაწესებულებაში შრომის ანაზღაურების შესახებ”, რომელიც ახლებურად არეგულირებს მოხელეების ანაზღაურების საკითხებს. სწორედ ეს კანონი მოითხოვს, რომ საჯარო უწყებებმა, მათ შორის, ადგილობრივი თვითმმართველობის ორგანოებმა “უზრუნველყონ საშტატო ნუსხებისა და თანამდებობრივი სარგოების „საქართველოს 2018 წლის სახელმწიფო ბიუჯეტის შესახებ“ საქართველოს კანონით გათვალისწინებული საბაზო თანამდებობრივი სარგოს მიხედვით დამტკიცება”.

კანონის გარდამავალ დებულებებში, ასევე, მითითებულია, რომ უწყებებს საშტატო ნუსხები და თანამდებობრივი სარგოები შესაბამისობაში 20 იანვრამდე უნდა მოეყვანათ.

აღმოჩნდა, რომ 2018 წლის 18 იანვარს, კანონით დადგენილ ვადამდე 2 დღით ადრე, საკრებულომ “ბორჯომის მუნიციპალიტეტის საკრებულოს თანამდებობის პირთა, პროფესიულ საჯარო მოხელეთა რანგირების, საშტატო ნუსხის დამტკიცების და თანამდებობრივი სარგოს ოდენობის განსაზღვრის შესახებ” ახალი დადგენილება დაამტკიცა. სწორედ ამ დოკუმენტის საფუძველზე გაიცემა 2018 წლის იანვრიდან მუნიციპალიტეტის წარმომადგენლობით ორგანოში ხელფასები. მანამდე ამ საკითხს 2017 წლის 16 ივნისს გამოცემული დადგენილება არეგულირებდა.

ამ ორი დოკუმენტის გაანალიზებით დგინდება, რომ ბორჯომის საკრებულოს არც საშტატო ნუსხაში და არც თანამდებობრივ სარგოებში ცვლილება არ შეუტანია და ახალი დადგენილება მხოლოდ კანონის მოთხოვნის შესასრულებლად დაამტკიცა.

საკრებულოს თავმჯდომარეს, ისევე, როგორც მანამდე, ამჟამადაც 2 650 ლარი აქვს ხელფასი, მის მოადგილეს კი 2000 ლარი. კომისიის თავმჯდომარეებს ანაზღაურება 1 680 ლარით აქვთ განსაზღვრული, საკრებულოს ფრაქციის თავმჯდომარეებს – 1 620-ით, ხოლო მათ მოადგილეებს – 1100 ლარით.

აღსანიშნავია, რომ დადგენილებაში არც ფრაქციის თავმჯდომარეთა და არც მათ მოადგილეთა რაოდენობა მითითებული არ არის. არადა, საკრებულოში ორი ოპოზიციური ფრაქცია – “უკეთესი ბორჯომისთვის” და “ბორჯომის პატრიოტები”, ერთი კი მმართველი პარტიის ფრაქცია “ქართული ოცნება – დემოკრატიული საქართველო” უკვე დარეგისტრირებულია. ამასთან, 2 ფრაქციის შესახებ დავამ სასამართლოში გადაინაცვლა, ვინაიდან “ქართული ოცნების” წევრებს დამატებით 2 ფრაქციის შექმნაზე ოპოზიციის უმრავლესობით დაკომპლექტებულმა საკრებულომ უარი უთხრა.

აქედან გამომდინარე, საშტატო ნუსხაში დღეისათვის მინიმუმ სამი ფრაქციის თავმჯდომარისა და მათი მოადგილეების თანამდებობები და, შესაბამისად, მათი სარგოები უნდა იყოს ასახული. დადგენილებაში კი მათი რაოდენობა, როგორც უკვე გითხარით, მითითებული არ არის და მხოლოდ 1 ფრაქციის თავმჯდომარის და ერთიც მისი მოადგილის თანამდებობრივი სარგოა დაფიქსირებული, მაშინ, როდესაც საკრებულოს თავმჯდომარის მოადგილის, კომისიის თავმჯდომარეებისა თუ დაბალი რანგის მოხელეების რიცხოვნობა საშტატო ნუსხაში მკაფიოდაა მითითებული.

რაც შეეხება საკრებულოში დასაქმებულ საჯარო მოხელეებს, საკრებულოს აპარატის უფროსის ხელფასი 1 550 ლარითაა განსაზღვრული. იგივე ანაზღაურება ჰქონდა წინა მოწვევის საკრებულოს აპარატის უფროსსაც.

III რანგის პირველი, მეორე და მესამე კატეგორიის უფროსი სპეციალისტების სახელფასო ანაზღაურება 780, 820 და 870 ლარია. საშტატო ნუსხაში, ასევე, არიან IV რანგის პირველი კატეგორიის უმცროსი სპეციალისტებიც, რომელთა სახელფასო ანაზღაურებაც 780 და 820 ლარითაა განსაზღვრული.

საკრებულოს, ასევე, ჰყავს 2 უშტატო თანამშრომელი – მუდმივმოქმედი კომისიის დამხმარე სპეციალისტი ორგანიზაციულ-ტექნიკურ საკითხებში, რომლის ანაზღაურებაც 700 ლარია და მძღოლი, რომლისთვისაც, დადგენილებით, ყოველთვიურად 850-ლარიანი ხელფასია გათვალისწინებული.

ჯამში, დადგენილების თანახმად, ბორჯომის მუნიციპალიტეტის საკრებულოში 7 თანამდებობის პირი, 13 საჯარო მოხელე და 3 შტატგარეშე მოსამსახურე იღებს ხელფასს. თუმცა, გაურკვეველია, როგორ იღებენ საკრებულოს ფრაქციების თავმჯდომარეები და მათი მოადგილეები ხელფასებს მაშინ, როცა საშტატო ნუსხაში ისინი შეყვანილი არ არიან.

[sknews.ge]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

რა ანაზღაურებას ითხოვდა ბორჯომის მერია სამჯერ და რას ითხოვს მეოთხედ – რა წერია დოკუმენტებში
ასპინძის თვითმმართველობაში ხელფასების მატება მაღალი თანამდებობის პირებს არ შეხებიათ
ახალციხის საკრებულოში თანამდებობრივი სარგოები ბიუჯეტის ანალიზის გარეშე დაამტკიცეს
ბორჯომის საკრებულომ მერიის გაზრდილი ხელფასები დაამტკიცა
'ქამრებშემოჭერილი' სამცხე-ჯავახეთი – რა ანაზღაურება აქვთ მუნიციპალიტეტების მერიასა და საკრებულოებში
რამდენი ლარით იზრდება სახელფასო ფონდი ბორჯომის მერიაში
ბორჯომის მერიაში იანვრის ხელფასები ვერ გასცეს