FM97.5 / LIVE

რას იძიებს პოლიცია ბორჯომის საკრებულოში

მთავარისიახლე, პოლიტიკა 01.03.2018
ბორჯომის რაიონული სამმართველო ბაკურიანში მერის წარმომადგენელსა და „ნაციონალების“ ლიდერს ნიკა მელიას შორის დაპირისპირების, ასევე ბორჯომის დეპუტატებს შორის ძალადობის ფაქტებს იძიებს.

რას იძიებს პოლიცია ბორჯომის საკრებულოში
28 თებერვალს, „ერთიანი ნაციონალური მოძრაობის“ ლიდერს ნიკა მელიას ბაკურიანში მერის წარმომადგენელმა პოლიციაში უჩივლა. გობრონიძე ირწმუნება, რომ მას მელიამ დაარტყა: „საკრებულოს შენობაში რომ შემოვიდა ჩოჩქოლი ატყდა და ბიჭებს ვაშველებდი. მისთვის არაფერი მითქვამს, შემობრუნდა, ხელი მომკიდა და დამარტყა“.

მელია კი აცხადებს, რომ ყველაფერი პირიქით იყო და ფიზიკურად მას უსწორდებოდნენ:„უკნიდან მომეპარნენ და დამარტყეს“.

ბორჯომის რაიონულმა სამმართველომ გოჩა გობრონიძის შესაძლო ცემის ფაქტთან დაკავშირებით ძიება სისხლის სამართლის კოდექსის 126–ე მუხლის პირველი ნაწილით დაიწყო, რაც ცემას ან სხვაგვარ ძალადობას გულისხმობს. თუმცა, ამ დრომდე ბორჯომის რაიონულ სამმართველოში დაკითხვაზე არც გობრონიძე და არც მელია არ დაუბარებიათ.

რას იძიებს პოლიცია ბორჯომის საკრებულოში

პოლიციამ ასევე 28 თებერვალას ძიება ბორჯომის საკრებულოში მომხდარ კიდევ ერთ ძალადობის ფაქტზე დაიწყო. საქმე ბორჯომის მუნიციპალიტეტის დეპუტატებს შორის ფიზიკურ დაპირისპირებას ეხება. „ლეიბორისტული პარტიის“ წარმომადგენელი გიორგი გიუაშვილი აცხადებს, რომ მას ფიზიკურად გაუსწორდნენ და დაზიანებები სახეზე კიდეც ეტყობა, თუმცა ვინ დაარტყა, ამბობს რომ ამის შესახებ გამოძიებას მოუყვა და დეტალების გასაჯაროება არ უნდა.

„ქართული ოცნების“ დეპუტატი ივანე შალუტაშვილი კი აცხადებს, რომ გიუაშვილმა სცემა: „უკნიდან მომეპარა და დამარტყა“.
გიუაშვილიც და შალუტაშვილიც გუშინ, 28 თებერვალს ბორჯომის რაიონულ სამმართველოში დაკითხვაზე სამ საათზე მეტ ხანს იმყოფებოდნენ. როგორც დეპუტატები აცხადებენ მათ ექსპერტიზაც ჩაუტარდათ.

შეგახსენებთ, რომ 28 თებერვალს ბორჯომის საკრბულოში ვითარება იმ სხდომის დასრულების შემდეგ დაიძაბა, რომელზეც მერიისთვის გაზრდილი ხელფასების საკითხი ვერ დაამტკიცეს. ამ დღეს ბორჯომის საკრებულოს სხდომაზე ‘ქართული ოცნების“ დეპუტატები პირველად შევიდნენ, მანამდე ისინი საკრებულოს ბოიკოტს უცხადებდნენ.

სხდომის დასრულების შემდეგ მერიის თანამშრომლებმა ხელფასების დამტკიცების მოთხოვნით საკრებულოს თავმჯდომარის ზაზა ჩაჩანიძის კაბინეტი სავარძლებით ჩახერგეს. დღის მეორე ნახევარში ჩაჩანიძის მხარდასაჭერად შენობაში „ერთიანი ნაციონალური მოძრაობის“ ლიდერი ნიკა მელია გამოჩნდა. რასაც მერიის თანამშრომლების გაღიზიანება მოჰყვა. გობრონიძესა და მელიას შორის შესაძლო ფიზიკური დაპირისპირებაც ამ დროს მოხდა.

რას იძიებს პოლიცია ბორჯომის საკრებულოში

[თამუნა უჩიძე, ახალციხე]


16.09.2019 ქალაქ ახალციხის სკოლებში 387 პირველკლასელი მივიდა [ფოტო]

16.09.2019 დღეს საჯარო სკოლებში სწავლა იწყება

14.09.2019 ახალციხელმა მოსწავლეებმა წიგნის კითხვის კონკურსში გაიმარჯვეს

13.09.2019 ეროვნული გამოცდებისთვის უნივერსიტეტებმა დამატებითი საგნები შეარჩიეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.09.2019 ახმეტელის თეატრი ახალციხეში – ფესტივალის მესამე დღე

15.09.2019 ფარეხასთან ავარიის შედეგად დაშავებული მკურნალობას თბილისში გააგრძელებს

14.09.2019 ასპინძაში ერთი ტრაილერი მეორეს შეეჯახა

14.09.2019 რას ნახავთ დრამატურგიის ფესტივალის მეორე დღეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

09.09.2019 ივლიტა 'ახალციხეს მიკრული' სოფელი

06.09.2019 სქესობრივი განათლება: საფრთხე თუ გამოსავალი?

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

მსგავს თემაზე

ბორჯომის საკრებულოში მომხდარ დაპირისპირებაზე ძიება დაიწყო
ბორჯომში ნიკა მელია ჩავიდა – შენობაში ჩხუბია, საკრებულოს თავმჯდომარე ისევ ჩაკეტილია [Video]
ნიკა მელია: 'არ შევატოვებთ ბორჯომის საკრებულოს მოზონდერო ელემენტებს'
ბორჯომში საკრებულოს სხდომა თავმჯდომარის გარეშე გამართეს და ხელფასების საკითხი დაამტკიცეს  [Video]
ბორჯომის საკრებულოს სხდომაზე „ოცნების“ დეპუტატები შევიდნენ
ბორჯომის საკრებულოში მომხდარზე შსს–მ ძიება მუქარის მუხლით დაიწყო
ბორჯომის მერიის თანამშრომლებმა საკრებულოს თავმჯდომარის კაბინეტის შესასვლელი ჩაკეტეს