FM97.5 / LIVE

100,000 დოლარად ნაყიდი არჩევანის უფლება

მთავარიეკონომიკა 31.05.2013
ახალციხეში, დიდიმამიშვილის ქუჩაზე მშენებარე სასტუმრო საცხოვრებელ კორპუსად უნდა გადაკეთდეს. შენობის მესაკუთრემ 1 ლარად ნაყიდი ვალდებულება 100,000 დოლარად მოიხსნა.

100,000 დოლარად ნაყიდი არჩევანის უფლება
ყოფილი რაიონული პოლიკლინიკის ადგილას მშენებარე შენობაში რამდენიმე დღეა დემონტაჟი დაიწყო. სასტუმროდ დაწყებული შენობა საცხოვრებელ კორპუსად უნდა გადაკეთდეს, ამიტომაც მშენებელი შენობის შიდა იერსახეს ცვლის.

”კალიდორული” სისტემა მოიშალა, შეიცვალა კარები, ფანჯრები, კიბეების განლაგება. კეთდება ოთახნახევრიანი და ოროთახიანი ბინები თეთრი კარკასით. ორი ბინა განთავსდება მანსარდში”,- ამბობს სამუშაოთა მწარმოებელი თამაზ თედორაძე.

სამუშაოებს შპს ”ფოცხოვი” აწარმოებს. შენობის ინტერიერის თითქმის 90 პროცენტი უკვე შეიცვალა. საცხოვრებელი კორპუსი სამსართულიანი იქნება. პირველ სართულზე კომერციული ობიექტები განლაგდება, მეორე და მესამე სართულზე კი საცხოვრებელი იქნება. კორპუსს ექნება პარკინგის ადგილი, ასევე დაგეგმილია ეზოს მოასფალტებაც.

შპს ”ფოცხოვმა” ყოფილი პოლიკლინიკის შენობა გასულ წელს ერთ ლარად შეიძინა, ამით კომპანიამ სასტუმროს აშენების ვალდებულება აიღო: ”ჩვენი ნება არ იყო რას გავაკეთებდით. კარგად ვიცოდით რომ სასტუმროს დატვირთვა არ ექნებოდა, თუმცა მაინც გვარწმუნებდნენ, რომ ტურისტების ბუმი იქნებოდა”.

ექვსი თვის წინ შპს ”ფოცხოვის” დირექტორმა დავით ჩაჩანიძემ, საქართველოს პრეზიდენტს იმ თხოვნით მიმართა, რომ ერთ ლარად ნაყიდი შენობა კომპანიის საკუთრებაში გადასულიყო და შესაბამისად, სასტუმროს აშენების ვალდებულებაც აღარ ჰქონოდა.

კომპანიამ საქართველოს პრეზიდენტის განკარგულება ორი კვირის წინ მიიღო. რის თანახმადაც, 2013 წლის 20 მაისს ” სახელმწიფო ქონების შესახებ” საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ქ. ახალციხეში, დიდიმამიშვილის ქუჩის #2-ში მდებარე 4006 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები, საერთო ფართობით 1038.92 კვ.მ, პირდაპირი მიყიდვის ფორმით, 100 000 დოლარის ეკვივალენტ ლარებში საკუთრებაში გადაეცა შპს ”ფოცხოვს”.

შპს ”ფოცხოვმა” საჯარო რეესტრის ეროვნული სააგენტოს
ახალციხის სარეგისტრაციო სამსახურს 28 მაისს განცხადებით მიმართა და უძრავ ნივთზე მიბმული ვალდებულების ცვლილების რეგისტრაცია ითხოვა. სწორედ ამის საფუძველზე დაიწყო შენობაში დემონტაჟი.

დავით ჩაჩანიძე ამბობს, რომ კორპუსის მშენებლობა წელს დასრულდება. საცხოვრებელი ფართების ღირებულება კი შენობის დასრულების შემდეგ იქნება ცნობილი.

შენობის დანიშნულების შეცვლის შესახებ ახალციხის მუნიციპალიტეტის გამგებელმა ჩვენგან გაიგო. ბესიკ ბლიაძე ამბობს, რომ წინა ხელისუფლება ბიზნესმენებს სასტუმროების მშენებლობას ავალდებულებდა, ამიტომ, ახლა თუ პროექტი შეიცვალა, ეს გასაკვირი არ არის: “წინა ხელისუფლებას რომ ბიზნესმენები შევიწროებული ჰყავდა, ეს ცნობილია. ამ ბიზნესმენსაც ავალდებულებდნენ სასტუმროს მშენებლობას. როგორც კი მას ეს ვალდებულება მოეხსნა, მოინდომა საცხოვრებელ კორპუსად გაკეთება, რადგან ეს უფრო მომგებიანია, ვიდრე სასტუმრო. თუ მართლა ასეა, თედორაძეს უნდა ეყოს გამბედაობა და ეს ფაქტი დაადასტუროს”.

ადგილობრივი ბიზნესმენი რამაზ თედორაძე გვარწმუნებს, რომ ამ შენობასთან კავშირი არ აქვს. ”შენობა შპს ”ფოცხოვს” ეკუთვნის”, - ამბობს იგი. თუმცა, საჯარო რესსტრის მონაცემებს თუ გადავხედავთ, ადვილად დგინდება კავშირი რამაზ თედორაძესა და შპს ”ფოცხოვის” დირექტორს დავით ჩაჩანიძეს შორის. ასევე ჩაჩანიძეა დირექტორი შპს ”კორომში”, რომლის 100-პროცენტიანი წილის მფლობელი რამაზ თედორაძეა.

[მანანა სარაშვილი, ახალციხე]


11.12.2018 სამლოცველო ოთახი ახალციხის N5 სკოლაში – 'ეს მოსწავლეების მოტივირებულობას უწყობს ხელს’ [Video]

10.12.2018 ახალციხის რომელ სკოლაში ასწავლიან სამხედროები

07.12.2018 აწყურის სკოლის მოსწავლე საუკეთესო ესსესთვის დააჯილდოვეს [Video]

06.12.2018 შშმ მშობელი ექსკურსიას ჩამორჩა, ამის შემდეგ სკოლაში მის შვილს დაუპირისპირდნენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

13.12.2018 11 წელი საქართველოს მოქალაქეობის გარეშე

13.12.2018 მართლმადიდებელი ეკლესია ანდრია პირველწოდებულის ხსენების დღეს აღნიშნავს

13.12.2018 ახალციხე-ნინოწმინდის გზაზე მისაბმელიანი ტრანსპორტის მოძრაობა თავისუფალია

12.12.2018 სამი გოგოს პროფესიული არჩევანი - ხელობა ფინანსური თავისუფლებისთვის

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

1 ლარად გადაცემული ქონება სამცხე-ჯავახეთში
‘ენერგო პრო–ჯორჯიისა’ და კერძო კომპანიის დავა
ახალციხეში რეგისტრირებული დევნილებისთვის ახალი საცხოვრებელი კეთდება
რატომ გადაიდო ახალციხეში დევნილებისთვის ბინების განაწილების პროცესი ორჯერ
ზაფხულიდან აბასთუმანში სასტუმროს მშენებლობა დაიწყება
ახალციხის გამგეობამ 1 ლარად გაყიდული შენობა უკან დაიბრუნა
საკრებულო ყოფილი ადმინისტრაციული შენობის დაბრუნებას გეგმავს