FM97.5 / LIVE

ახალციხის მერმა ვეტერანებს სამი ალტერნატიული ფართი შესთავაზა

მთავარისიახლე, საზოგადოება 23.02.2018
ახალციხის მერმა ვეტერანებს, რომლებიც სასამართლოს მიერ მიღებული გადაწყვეტილების მიხედვით, სადავო შენობიდან უნდა გამოასახლონ, საცხოვრებელი ფართები შესთავაზა.

ახალციხის მერმა ვეტერანებს სამი ალტერნატიული ფართი შესთავაზა
ახალციხის მუნიციპალიტეტის მერი ზაზა მელიქიძე, ვეტერანების ოთხ ოჯახს, დღეს 23 თებერვალს მერიაში შეხვდა. მან სკოლის ყოფილ შენობაში შესახლებულებს საცხოვრებელი ფართები ვალეში, ე.წ. მეორე შახტის დასახლებაში, ასევე ქალაქ ვალეში პროფესიული სასწავლებლის ყოფილ შენობაში და ახალციხეში, უსახლკაროთა იმ თავშესაფარში შესთავაზა, რომელიც წლების წინ აშენდა, თუმცა ამ დრომდე უფუნქციოდაა.

„მიუხედვად სასამართლოს გადაწყვეტილებისა, ჩვენ ღია ცის ქვეშ ვერ დაგტოვებთ. ამიტომ მოვიკვლიეთ მუნიციპალიტეტის საკუთრებაში არსებული ფართები, სადაც ცხოვრების უფლებას მოგცემთ. არცერთია ქალაქის ცენტრში, თუმცა ჩვენ სხვა ალტერნატიული ფართი არ გვაქვს. ყველა ეს შენობა მოვიარე და საცხოვრებლად ნორმალური პირობებია“,–განუცხადა ზაზა მელიქიძემ ვეტერანებს.

ამასთან ერთად, მელიქიძემ ვეტერანებს თავიანთი სურვილის მიხედვით სოფლებში ფართის მოკვლევაც შესთავაზა: „თუ ნახავთ ისეთ შენობას, რომელიც არავის საკუთრებაშია და იქ იცხოვრებთ, მერია შესახლებაში დაგეხმარებათ“.

ვეტერანები აცხადებენ, რომ მერის შეთავაზებაზე ამ წუთში პასუხი არ აქვთ, და გადაწყვეტილებას ერთობილვად მიიღებენ. თუმცა, ყველა მათგანი აქცენტს იმაზე აკეთებეს, რომ შეთავაზებული სამივე ალტერნატიული ფართი ქალაქის ცენტრიდან მოშორებულია.

„ყველა დასახელებული ალეტრნატიული ფართი ქალაქიდან მოშორებულია. მერიას ჩვენ გადაწყვეილტებას აუცილებლად შევატყობინებთ“, – ამბობს ერთ–ერთი ვეტერანის მეუღლე მაია გიორგაძე.

რა ფორმით გადასცემს მერია ვეტერანებს საცხოვრებელ ფართს, ეს ჯერ გადაწყვეტილი არ არის: „ჯერ გვითხრან რომელ ფართს აირჩევენ და იმის მიხედვით ვიმსჯელებთ დავუკანონებთ თუ დროებით შევასახლებთ“.

შეგახსენებთ, რომ სააპელაციო სასმართლომ ვეტერანების სკოლის ყოფილი შენობიდან გამოსახლების გადაწყვეტილება 21 თებერვალს მიიღო. გადაწყვეტილების გამოტანამდე კი ახალციხის მერი აცადებდა, რომ ქალაქს საკუთრებაში რაიმე ფართი, რასაც ვეტერანებს თავშესაფრად შესთავაზებდა არ ჰქონდა.

ასევე შეგახსენებთ, რომ ახალციხეში, პეტრე იბერის ქუჩაზე N17-ში მდებარე შენობა, სადაც წლების წინ სკოლა – ინტერნატი იყო განთავსებული, 2016 წლის 24 სექტემბერს ცხრა ოჯახმა უნებართვოდ დაიკავა. აღნიშნული შენობა ახალციხის მერიის ბალანსზეა, თუმცა ის თვითმმართველობამ 2014 წლის 4 ივნისს უზურფრუქტის წესით (ხელშეკრულება N36) სააგენტოს გადასცა. საკრებულოსა და სააგენტოს შორის გაფორმებული ხელშეკრულების თანახმად, 4 089 კვადრატულ მეტრ მიწაზე განლაგებულ ორ ობიექტში სწავლებისა და გადამზადების ცენტრი უნდა გაიხსნას.

[ლუბა გიორგაძე, ახალციხე]


30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

16.03.2020 განათლების სამინისტროს რეკომენდაციები სასწავლო დაწესებულებებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.04.2020 ვის გადაუხდის სახელმწიფო სამი თვის კომუნალურებს

01.04.2020 'გვაქვს 4 000 ანტისხეულზე და 2 000 ანტიგენზე დამყარებული ტესტი' – თამარ გაბუნია

01.04.2020 რა პროცედურები ტარდება საკონტროლო გამშვებ პუნქტებზე

01.04.2020 რა სანქცია დაეკისრებათ 'კომენდანტის საათის' დამრღვევ პირებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ახალციხის მერი ვეტერანებს კიდევ სამ ალტერნატიულ ფართს სთავაზობს
ვეტერანები ამ წელსაც სადავო შენობაში გამოიზამთრებენ
ახალციხის მერი: ‘არ გვაქვს ფართი, რომ ვეტერანებს თავშესაფარი გამოვუყოთ’
ვეტერანებს უკანონოდ დაკავებულ  ფართს  დაატოვებინებენ
სააპელაციომ  ვეტერანების გამოსახლების გადაწყვეტილება მიიღო
ახალციხის მერი ვეტერანებზე: ‘ვიდრე თავშესაფარი არ ექნებათ, არ გამოვასახლებთ’
ვეტერანები  უზენაეს სასამართლოში ჩივიან