FM97.5 / LIVE

სოფელ რუსთავში წყლის მიწოდების ახალ გზებს ეძებენ

მთავარისიახლე, ეკონომიკა, საზოგადოება 21.02.2018
ასპინძაში, სოფელ რუსთავში ისევ სასმელი წყლის გარეშე არიან და ამ დრომდე, ვერც ის დადგინდა, სად იღებდა სათავეს სოფლის სასმელი წყალი. ახლა სოფელში წყლის მიწოდების ორ ალტერნატივაზე საუბრობენ და ორივე პროექტი სოლიდური თანხა ჯდება.

სოფელ რუსთავში წყლის მიწოდების ახალ გზებს ეძებენ

‘მტკვარი ჰესმა’, რომლის გვირაბის გაყანასაც უკავშირებენ რუსთავში წყლის დაშრობას, წყლის შეწყვეტის მიზეზები თავად გამოიკვლია. მაგრამ, როგორც ობიექტზე გვიხსნიან, ზუსტად სად იყო წყლის სათავე, ამის რაიმე ოფიციალური დოკუმენტი არ არსებობს და კვლევა იმ ტერიტორიაზე ჩატარდა, სადაც, ადგილობრივებმა მიუთითეს.

„აპრილ–მაისში, როდესაც რუსთავში წყალი შეწყდა, ‘მტკვარი ჰესის’ მიერ გათხრილი პერიმეტრი შვიდი კილომეტრით იყო მოშორებული იმ ტერიტორიიდან, სადაც, ადგილობრივების მტკიცებით, წყაროები არსებობდა. სხვა მხრივ, მოკვლევის პროცესში ვერც ამ სათავის ოფიციალური ადგილმდებარეობა და ვრც წყლის დებეტის რაოდენობა ვერ დავადგინეთ“, – განმარტავს „მტკვარი ჰესის“ იურისტი ლია ნადარეიშვილი და ამატებს, რომ დამატებითი კვლევების ჩატარებას აზრი აღარ აქვს, – „ოფიციალური ადგილმდებარეობა რომ ჰქონოდა და რუქაზე მოძებნილიყო, მშენებლობის დაწყებისას რისკებს გავითვალისწინებდით. ახლა ეს უკვე დაგვიანებულია და ვერც იმას ვადგენთ, ვისი ბრალია“.

სოფელ რუსთავს სასმელი წყლის მიწოდება გასული წლის მაისში შეუწყდა. ადგილობრივებმა ეს ფაქტი ჰესისთვის გვირაბის გათხრას დაუკავშირეს. გვირაბი სოფელ საყუნეთიდან იჭრება და რუსთავის მიმდებარე ტერიტორიაზე უნდა გაიაროს. რუსთაველები სასმელი წყლის მიწოდების აღდგენას მთელი ამ ათი თვის განმავლობაში ითხოვდნენ, მართავდნენ საპროტესტო აქციებს, შეხვდნენ ჰესის ხელმძღვანელობასაც და ასპინძის მერიასაც.

ახლა სოფელ რუსთავში მცხოვრები 155 ოჯახი სოფელ ოშორის ტყიდან ჩამონადენი წყლით მარაგდება, მაგრამ ამ წყლის დებეტი მცირეა და მთელს სოფელს არ ჰყოფნის.

„ერთი პერიოდი რამდენიმე ოჯახამდე საერთოდ არ მიდიოდა ეს წყალი, წვეთ–წვეთად დის და ვის უნდა ეყოს. მერია დაგვეხმარა და წყალმზიდებით ამოჰქონდათ სოფელში. ახლა იმათაც გადაუნაწილეს და მეტ–ნაკლებად ვცდილობთ, რომ ყველამ ვისარგებლოთ“, – გვიხსნის რუსთავის მკვიდრი ჯემალ იაკობაძე.

ასპინძის საკრებულოში სოფლის დეპუტატის თამაზ შავაძის განმარტებით, ინფრასტრუქტურის სამინისტროს დახმარებით, ორი პროექტი უკვე შეიმუშავეს: ერთი სოფელ ოშორის მთებიდან ჩამონადენი წყალია, რომლის რეაბილიტაციაც სავარაუდოდ 2 700 000 ათასი ლარი დაჯდება და მეორე სოფლის მიმდებარედ, მდინარე მტკვარზე ჭაბურღილების დამონტაჟებაა, რომლის მშენებლობასაც სავარაუდოდ 1 800 000 ლარი დასჭირდება.

„ჩვენ გვინდა სოფელ ოშორის მთებიდან ჩამონადენ წყალზე გავაკეთოთ სისტემა, თუმცა ერთი პრობლემაა, შეიძლება ამ სოფელს სარწყავი წყალი აღარ ჰქონდეს. ახლა ამასაც ვიკვლევთ, თუ ასე იქნება, მაშინ ჭაბურღილების პროექტზე გადავალთ“, – განმარტავს თამაზ შავაძე.
მისივე თქმით, ჯერ მხოლოდ პროექტები არსებობს და ვინ დააფინანსებს, ეს უცნობია: „ახლა ზუსტად მაგ დეტალებს ვარკვევთ, ადგილობრივ ბიუჯეტში თანხა არ არის, ალბათ ისევ ინფრასტრუქტურის სამინისტრო დაგვეხმარება და გაზაფხულიდან დავიწყებთ სამუშაოებს“.

„მტკვარი ჰესის“ მშენებლობა, რომელიც ორი მუნიციპალიტეტის ახალციხისა და ასპინძის ტერიტორიაზე მიმდინარეობს 2009 წელს დაიწყო. ჰესის ექსპლუატაციაში გაშვება 2019 წლის პირველ კვარტალში იგეგმება. პროექტის ჯამური საინვესტიციო მოცულობა 131 მილიონ ამერიკულ დოლარს უტოლდება.

[ლუბა გიორგაძე, ასპინძა]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.11.2019 ‘მომავალში უფრო ტიტულოვან ჩემპიონატებს მოვიგებ’-15 წლის ძიუდოისტი ასპინძიდან

10.11.2019 ბორჯომის ხეობაში ხანძრით დაზიანებული ტყის აღდგენის პროექტი გრძელდება

09.11.2019 ‘რუსეთის მიერ დაგეგმილი აქტი განხორციელდა’– კახა გოგიძე კინოთეატრებთან გამართულ აქციაზე

09.11.2019 ‘ფილმის გამშვებიცა და მნახველიც იესო ქრისტეს მაგინებელია’– თბილისში აქცია განახლდა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

სოფელ რუსთავში წყლის დაწყვეტის მიზეზების კვლევა დაიწყეს
სოფელ რუსთავში სასმელი წყლის კიდევ ერთი წყარო დაშრა
სოფელ რუსთავში სასმელი წყლისთვის ჭაბურღილს დაამონტაჟებენ
სოფელი რუსთავი წელსაც სასმელი წყლის გარეშე რჩება
რუსთაველები – სოფელში წყალი „მტკვარი ჰესის“  მშენებლობის გამო დაწყდა
‘მთავრობამ ლუკმა გამოგვართვა პირიდან’ – სოფელ რუსთავში კიდევ ერთი წყარო დაშრა
სოფელ რუსთავის მცხოვრებლები ასპინძაში საპროტესტო აქციას მართავენ