FM97.5 / LIVE

ახალქალაქის ბაზარში ელემენტარული პირობები არ არის

მთავარიეკონომიკა 29.05.2013
ახალქალაქის ბაზარი იურიდიულ პირად რეგისტრირებული არ არის, ბაზარში არც მუშაობის ელემენტარული პირობებია. საკითხი ყოველწლიურად განიხილება, ხელისუფლება დაპირებებს არ იშურებს, თუმცა, შედეგი ჯერ ისევ არ ჩანს.

ახალქალაქის ბაზარში ელემენტარული პირობები არ არის
ახალქალაქის ბაზარში დახლების უმეტესობა ცარელია. აქ მხოლოდ სანელებლებისა და მწვანილის გამყიდველები ვაჭრობენ. მთელი ტერიტორია ნაგვის გროვებითა და წვიმის წყლის გუბეებითაა დაფარული. მოვაჭრეები ამბობენ, რომ აქაურობას არავინ ალაგებს, რადგან ბაზარს პატრონი არ ჰყავს. ისინი ადგილისთვის ფულს არც იხდიან.

„ყველა თავის ადგილს ალაგებს, სადაც არავინ დგას, ან არ ლაგდება, იქ ნაგავი ლპება. ვის შევჩივლოთ, ყურადღებას არავინ გვაქცევს“, – გვეუბნება ერთ-ერთი ქალბატონი.

ბაზრის შიგნით ორი ლითონის კონტეინერია, რომლებსაც შპს „სანიტარული დასუფთავება“ საკუთარი ინიციატივით, სრული ანტისანიტარიის თავიდან ასაცილებლად ალაგებს. თუმცა ამაში აღნიშნულ სამსახურს არავინ არაფერს უხდის.

მუკუჩ კირაკოსიანი სანელებლებით ვაჭრობს. იგი ელემენტარული პირობების არქონას უჩივის: „ჩემს ადგილს ვალაგებ, ნაგავს აქვე მდგარ ნაგვის კონტენერში ვყრი. არც ნაგვის გადასახადს ვიხდი და არც ადგილისას. კარგი იქნებოდა, პირობები გვქონოდა, გადახდის წინააღმდეგი არ ვართ“.
ბაზრის მუდმივი მოვაჭრე სიმონიანი ამბობს, რომ აქ დაცვაც კი არ არის. დაცვის ძველმა თანამშრომელმა ბაზრის ყოველდღიურად გაღებისა და ჩაკეტვის ვალდებულება თავად აიღო, სავარაუდოდ იმედი აქვს, რომ თუ ბაზრის პრობლემა როდესმე გადაწყდება, სამსახური ისევ ექნება: „ძალიან მოუხერხებელია, გვინდა ბაზარი ოდნავ კეთილმოწყობილი მაინც იყოს. ბაზრის ტერიტორიის გარეთ ვვაჭრობთ. შიგნით არავინ შედის. მთელი დღე უსაქმოდ ვდგავართ და ვერაფერს ვყიდით“.

ბაზრის ტერიტორია სახელმწიფო საკუთრებაა. ახალქალაქის მუნიციპალიტეტის ინფრასტრუქტურისა და ეკონომიკური განყოფილების ხელმძღვანელის ვაან ბატოიანის თქმით, წერილებს ტერიტორიის ადგილობრივი მუნიციპალიტეტისთვის გადაცემის თხოვნით 2008 წლიდან წერენ.

„ყოველ წელს უარყოფით პასუხს ვიღებთ. ეს საკითხი ჯერ არ მოგვარებულა. რამდენჯერმე გასაყიდადაც გამოიტანეს, მაგრამ პროლემა არ მოგვარდა. ბაზარი ქალაქისთვის მხოლოდ პრობლემაა, იქ სრული ანტისანიტარია, ხალხი იძულებით გამოდის ტერიტორიის გარეთ და იქ ვაჭრობს. ბაზარი მუნიციპალიტეტის საკუთრება თუ გახდება, ადგილობრივი ბიუჯეტიდან ტერიტორიის მოასფალტებას, ძველი სავაჭრო დახლების აღებასა და ახლების დადგმას შევძლებდით“, – ამბობს ვაან ბატოიანი.

გასულ წელს ადგილობრივმა ხელისუფლებამ ამ თხოვნით კვლავ მიმართა ეკონომიკის სამინისტროს, თუმცა დამაკმაყოფილებელი პასუხი მაინც ვერ მიიღეს. ბოლო წერილი კი, ამ პრობლემის მოგვარების თხოვნით, გასულ კვირას გაიგზავნა.

„წერილით მივმართეთ ეკონომიკის სამინისტროს რეგიონულ განყოფილებას, მდგომარეობა ძალიან რთულია და ამ საკითხის გადაწყვეტა ვთხოვეთ. მუნიციპალიტეტის საკუთარებაში გადაცემა თხოვნით არ მიგვიმართავს, უბრალოდ რაიმე გადაწყვეტილების მიღება ვთხოვეთ“, – ამბობს ახალქალაქის საკრებულოს თავმჯდომარე ჰამლეტ მოვსისიანი.

ჰამლეტ მოვსისიანმა არ იცის, როგორ შეიძლება ეს საკითხი მოგვარდეს.

ეკონომიკის სამინისტროს რეგიონულ სამსახურში და ახალქალაქის პრივატიზაციის განყოფილებაში დაგვარწმუნეს, რომ ბაზრის რეგისტრაციის პრობლემა მოგვარდება, თუმცა ოფიციალური პასუხი, პრობლემის მოგვარების მეთოდზე ვერ მივიღეთ.

[შუშან შირინიანი, ახალქალაქი]


15.01.2020 საჯარო სკოლებში სწავლა განახლდა

14.01.2020 გრიპის ვირუსის გამო სკოლებში სწავლის დაწყება არ გადაიდება

13.01.2020 რომელ საგანში გაუჭირდათ მასწავლებლებს გამოცდის ჩაბარება

13.01.2020 რომელი ფაკულტეტები იქნება უფასო სამცხე-ჯავახეთის უნივერსიტეტში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

19.01.2020 ბაკურიანში 10 ავტობუსი მგზავრებს უფასოდ მოემსახურება

16.01.2020 სამცხე–ჯავახეთში გაზრდილი პენსია 30 223 ასაკით პენსიონერმა აიღო

16.01.2020 შშმ პირთა ღონისძიება ‘ტალიტა კუმში’

16.01.2020 დავით სერგეენკოს განცხადება c ჰეპატიტის ვადაგასულ წამლებთან დაკავშირებით

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

მსგავს თემაზე

ბედის ანაბარად მიტოვებული ბაზარი
დაკეტვიდან ერთი წლის თავზე ძველი ბაზარი ისევ გაიხსნა
მოვაჭრეები ძველ ბაზარში აპირებენ დაბრუნებას

ახალქალაქის ბაზრის კონტროლიორი დააკავეს
ახალციხის ცენტრში, ყოფილი ბაზრის ადგილზე ისევ ბაზარს ხსნიან
ახალქალაქის ბაზრის უფროსი დააკავეს