FM97.5 / LIVE

ბორჯომის საკრებულოს თავმჯდომარეს თანამშრომელმა სასამართლო მოუგო

მთავარისიახლე, სამართალი 09.02.2018
ბორჯომის საკრებულოს თავმჯდომარეს, ზაზა ჩაჩანიძეს, საკრებულოს აპარატის თანამშრომელმა ნონა ლურსმანაშვილმა, პირველი ინსტანციის სასამართლო მოუგო.

ბორჯომის საკრებულოს თავმჯდომარეს თანამშრომელმა სასამართლო მოუგო

საქმეზე სასამართლო პროცესი ახალციხეში დღეს, 9 თებერვალს გაიმართა. ლურსმანაშვილი სასარჩელო მოთხოვნაში თავმჯდომარის მიერ დაწერილი გაფრთხილების ბათილად ცნობას ითხოვდა. იგი აცხადებს, რომ საკრებულოს თავმჯდომარე მას პოლიტიკური ნიშნით ავიწროებს და გაფრთხილება დაუმსახურებლად, საპირფარეშოში გასვლის გამო დაუწერა.

მოსამართლე გია ბერაიამ ლურსმანაშვილის მოთხოვნა დააკმაყოფილა და გაფრთხილება ბათილად ცნო.

მისი განმარტებით, ჩაჩანიძის გაფრთხილება უსაფუძვლოა, რადგან სამუშაო საათებში თანამშრომელს ოთახიდან გასვლის უფლება აქვს. გარდა ამისა, მოპასუხე მხარეს სასამართლოსათვის არც ის არგუმენტები წარუდგენია, რატომ მისცა გაფრთხილება ლურსმანაშვილს.

არ იკვეთება სამუშაოს არაჯეროვნად შესრულების გამო მიცემული გაფრთხილება. თან ნებისმიერ ადამიანს შეუძლია რამდენიმე წუთით დატოვოს თავისი სამუშაო ოთახი ისე, რომ საქმეს ზიანი არ მიაყენოს“, – განმარტა მოსამართლემ.

საკრებულოს აპარატის მესამე რანგის სპეციალისტის ნონა ლურსმანაშვილის მტკიცებით, ზაზა ჩაჩანიძის ინტერესი სამსახურიდან მისი გათავისუფლებაა: „როდესაც “პატრიოტთა ალიანსში” გადავიდა, თანამშრომელთა ნაწილი მისი მხარდამჭერი გახდა. მე არ ვყოფილვარ მისი მხარდამჭერი და ყველაფერს აკეთებს, რომ სამსახურიდან გამათავისუფლოს. ჩემზეც და სხვა, მისთვის არასასურველ თანამშრომლებზეც, ფსიქოლოგიური ზეწოლა ხორციელდება“.

სასამართლო სხდომაზე ნონა ლურსმანაშვილის ინტერესებს ახალგაზრდა იურისტთა ასოციაცია იცავდა. იურისტის ქეთი ბებიაშვილის თქმით, მოსამართლის გადაწყვეტილება ლოგიკური იყო: „საჯარო მოხელეს შეეფარდა დისციპლინარული პასუხისმგებლობა ისე, რომ ფაქტს ადგილი არ ჰქონია.„გარდა ამისა, გაფრთხილების აქტი გამოიცა ხელმძღვანელის გაბრაზებიდან ორი საათის განმავლობაში, რაც არასწორია. საქმის წარმოება არასწორად მოხდა, მთელი რიგი პროცედურები და ვადები იყო, რაც არ შესრულდა. ამ შემთხვევაში, ხელმძღვანელის თვითნებობა ფიქსირდება“.

სასამართლო პროცესზე ბორჯომის საკრებულოს ინტერესებს, მინდობილობის საფუძველზე, ბორჯომის მერიის იურისტი იცავდა, თუმცა, სხდომის დასრულების შემდეგ მან საუბარი არ ისურვა.

ამ ეტაპზე უცნობია, გაასაჩივრებს თუ არა ზაზა ჩაჩანიძე ახალციხის რაიონული სასამართლოს გადაწყვეტილებას ზემდგომ ინსტანციაში: „ჩამბარდეს მოსამართლის გადაწყვეტილება, დეტალურად გავეცნობი და შემდეგ გადავწყვეტ რას ვიზამ“.

შეგახსენებთ, რომ ბორჯომის საკრებულოს თავმჯდომარეს, „პატრიოტთა ალიანსის“ წევრს ზაზა ჩაჩანიძეს, თანამშრომლების ნაწილი პოლიტიკური ნიშნით შევიწროებაში ადანაშაულებს. ერთმა თანამშრომელმა, ბორჯომის საკრებულოს აპარატის მესამე რანგის სპეციალისტმა ნონა ლურსმანაშვილმა, საკრებულოს თავმჯდომარის მიერი მიცემული გაფრთხილების გაბათილების მოთხოვნით, სასამართლოს 31 იანვარს მიმართა.

[ლუბა გიორგაძე, ბორჯომი]


13.08.2019 რას მოუტანს Erasmus + სამცხე-ჯავახეთის უნივერსიტეტს

13.08.2019 ახალციხელმა თამთა პეტაშვილმა ლიეტუვის სახელმწიფო დაფინანსება მოიპოვა

12.08.2019 ჯილდოს მსურველი პენსიონერი პედაგოგები სკოლაში ახალი კადრის შერჩევამდე დარჩებიან

10.08.2019 ახალციხელი მასწავლებელი დაჯილდოვდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

17.08.2019 ვინ იმღერებს 'ბორჯომობის' დღესასწაულზე

14.08.2019 დიდ პამაჯში ხანძარი ლიკვიდირებულია [ფოტო/ვიდეო]

14.08.2019 სამცხე-ჯავახეთში რაგბის განვითარების პერსპექტივებზე იმსჯელეს ®

14.08.2019 ბაკურიანში სამი ახალი საბაგირო აშენდება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.08.2019 დამსვენებლები აბასთუმანზე [ფოტო/ვიდეო]

08.08.2019 ‘სისხლიან დროშას აფრიალებდა და ჯარს წინ მიუძღვოდა’ – ჩვენი დროის გმირები სამცხე–ჯავახეთიდან

05.08.2019 ბუნების დაცვა და ‘რობოტიზაცია’ - ახალციხელი გამომგონებლების მიზნები

05.08.2019 ‘წუნდა’ – ანსამბლი, რომელიც მესხურ ფოლკლორს ინახავს [ფოტო/ვიდეო]

მსგავს თემაზე

ბორჯომის საკრებულოს თავმჯდომარეს სასამართლოში უჩივიან
ბორჯომის საკრებულოს თავმჯდომარე ზაზა ჩაჩანიძე თანამდებობიდან გადააყენეს
‘იესოს უღალატეს და...’ – ბორჯომის საკრებულოს თავმჯდომარეს იმპიჩმენტს უპირებენ
განხეთქილება ბორჯომში, ‘პატრიოტთა ალიანსის’ დეპუტატებში
სიტყვიერი გაფრთხილება ადმინისტრაციული რესურსის გამოყენებისთვის
დღეს ბორჯომში საკრებულოს ახალ თავმჯდომარეს აირჩევენ
ბორჯომის საკრებულოს თავმჯდომარედ გიორგი გოგიჩაიშვილი აირჩიეს