FM97.5 / LIVE

ბორჯომის თვითმმართველობაში ამ წელს ხელფასები არ აუღიათ

მთავარისიახლე, პოლიტიკა, საზოგადოება 08.02.2018
ბორჯომის თვითმმართველობაში იანვრის ხელფასების მისაღებად საკრებულოს სხდომის გამართვას ელოდებიან. „ოცნება“ ოპოზიციური პარტიების დეპუტატებს საბოტაჟში ადანაშაულებს. ოპოზიციაში კი აცხადებენ, რომ ხელფასებს იმ ფორმით, როგორც ამას მერიაში ითხოვენ, არ დაამტკიცებენ.

ბორჯომის თვითმმართველობაში ამ წელს ხელფასები არ აუღიათ

22 იანვრის მერე ბორჯომის ადგილობრივ თვითმმართველობაში, ხელფასების მიღებას ელიან, თუმცა ამ დრომდე არც ხელფასების რეგულირების საკითხია დამტკიცებული და არც ისაა განსაზღვრული რომელ თანამშრომელს რა ხელფასი ექნება.

ბორჯომის მერიამ, უკვე მეორედ, საკრებულოს დასამტკიცებლად ხელფასების გაზრდილი ოდენობა წარუდგინა. საკრებულომ პირველ სხდომაზე შრომითი ანაზღაურების მატებას მხარი არ დაუჭირა, მეორედ კი სხდომის ჩატარება ვერ მოხერხდა, – საკრებულოში ქვორუმი ვერ შედგა.

„ველოდებით როდის გაიმართება საკრებულოს სხდომა, რომ ხელფასები გაიცეს“, – აცხადებენ ბორჯომის მუნიციპალიტეტის მერიაში და ამატებენ, რომ პირველი იანვრის შემდეგ იმ საშტატო ნუსხას, რომელიც მანამდე არსებობდა, კანონით ძალა დაკარგული აქვს, შესაბამისად, ახლის დამტკიცებაა საჭირო: „საშტატო ნუსხა და თანამდებობრივი სარგოები მტკიცდება ერთად, თუმცა, საკრებულოს ეს დამტკიცებული არ აქვს, ასე რომ იყოს, matsne.gov.ge–ზე გამოქვეყნებული იქნება. არსებული საშტატო ნუსხით ხელფასების გაცემა დაუშვებელია“.

ბორჯომის მუნიციპალიტეტის საკრებულოს „ქართული ოცნების“ დეპუტატები ამ დრომდე ბოიკოტს უცხადებენ. მათ თვითმმართველობაში არცერთი საკითხის გადაწყვეტაში მონაწილეობა არ მიუღიათ და აცხადებენ, რომ ვერც ხელფასების საკითხთან დაკავშირებით შეცვლიან რამეს, თუნდაც იმ შემთხვევაში, თუ სხდომას დაესწრებიან.

„ხელფასების საკითხზე ქვორუმი კი ვერ დგება, ოპოზიციონერი დეპუტატები ამას სპეციალურად აკეთებენ, ეს მათი მხრიდან საბოტაჟია“, – აცხადებს „ქართული ოცნების“ დეპუტატი ირაკლი კვირკველია.

შეკითხვაზე, „ოცნების“ დეპუტატების საქციელი რატომ არ არის საბოტაჟი, მაშინ როცა თავად არცერთ სხდომას არ დასწრებიან, კვირკველია გვაპსუხობს: „15 ოპოზიციონერი დეპუტატი „ოცნების“13 დეპუტატზე მეტია და იმიტომ. ჩვენ შევალთ თუ არა სხდომაზე, ეს მაინც არაფერს შეცვლის ხელფასების საკითხთან დაკავშირებით, რაც უნდათ იმას დაამკტიცებენ. მათ უნდათ, რომ სხდომაზე შევიდეთ და გაგვამაიმუნონ, ხალხს კი კიდევ ერთხელ ანახონ სანახაობა. ამაში მონაწილეობის მიღება არ გვინდა“.

არ იზიარებენ „ოცნების“ დეპუტატების ბრალდებებს ოპოზიციური პარტიების დეპუტატები. მათი თქმით, საბოტაჟის მოწყობა რომ სურდეთ, მაშინ სხდომაზე გატანილ სხვა საკითხებსაც არ დაუჭერდნენ მხარს: „ქალაქისთვის მნიშვნელოვანი ყველა პროექტი გავიდა და გავა კიდეც. ახლა უბრალოდ ქვორუმი ვერ შედგა, ორი წევრი ავად გახდა“.

საკრებულოს თავმჯდომარის ზაზა ჩაჩანიძის თქმით, ოპოზიციური პარტიების დეპუტატები მაღალი თანამდებობის პირების ხელფასების მატებას მხარს არ დაუჭერენ: „რიგით თანამშრომლებს მოუმატონ ხელფასი 300 და 400 ლარით თუ უნდათ, მაგრამ სამსახურის უფროსს რომ 1 550 ლარი აქვს ხელფასი და უნდათ რომ 2 200 ლარი გაუხდეთ, ამას მხარს არ დავუჭერთ. რეალურად ყველაფერი რიგითი თანამშრომლების კისერზე გადადის, ამიტომ ვფიქრობთ, რომ მათი ხელფასების მატება ნორმალურია“.

ჩაჩანიძის თქმით, მომავალი სხდომა 13 თებერვალს 12:00 საათზე გაიმართება და დეპუტატები 24 საკითხს განიხილავენ: „ესეც რიგგარეშე სხდომა იქნება, შემოვიდა საკთხები განსახილველი და კანონით განსაზღვრულ ვადაში ჩავნიშნეთ სხდომაც“.

რა ფორმით დაამტკიცებენ მერიიდან უკვე მეორედ წარდგენილ გაზრდილ ხელფასებს საკრებულოში, ჯერ უცნობია. თვითმმართველობაში აცხადებენ, რომ საშტატო ნუსხის დამტკიცების შემდეგ ხელფასები ორ დღეში დაირიცხება.

[თამუნა უჩიძე, ბორჯომი]


07.12.2018 აწყურის სკოლის მოსწავლე საუკეთესო ესსესთვის დააჯილდოვეს [Video]

06.12.2018 შშმ მშობელი ექსკურსიას ჩამორჩა, ამის შემდეგ სკოლაში მის შვილს დაუპირისპირდნენ

06.12.2018 სკოლებში აგვისტოს ომის შესახებ გაკვეთილებს სამხედროები ჩაატარებენ

04.12.2018 საფეხური: რა უპირატესობით სარგებლობენ საქართველოს უნივერსიტეტის სტუდენტები [R]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.12.2018 ‘სახლებს წვავდნენ და თან სელფებს იღებდნენ’ – რა მოხდა ფოკაში მკვლელობამდე და მკვლელობის შემდეგ

09.12.2018 სარაგბო კლუბმა ‘ტაომ’ ქუთაისის ‘ბაგრატი’ დაამარცხა

09.12.2018 ახალციხის პირველი საჯარო სკოლა ‘მხიარულ სტარტებში’ საქართველოს ჩემპიონია

09.12.2018 10 დეკემბერს საქართველოში უნალექო ამინიდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.06.2018 მთიდან მთაში წასვლამდე – რეპორტაჟი კიკიბოდან [Photos]

20.02.2018 ადიგენის 55 სოფელი 6 ბიბლიოთეკის იმედად [Video]

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

მსგავს თემაზე

ბორჯომის მერიაში იანვრის ხელფასები ვერ გასცეს
ბორჯომის მერიის ხელფასებზე საკრებულო 31 იანვარს იმსჯელებს
ბორჯომის საკრებულოს სხდომა ქვორუმის არარსებობის გამო მესამედ გადაიდო
ბორჯომში საკრებულოს სხდომა 9 მარტს გაიმართება
ბორჯომში მეშვიდედ იმსჯელებენ მერიის თანამშრომლების ხელფასების საკითხზე
ბორჯომში საშტატო ნუსხას და ხელფასების ოდენობებს ვერ ამტკიცებენ
ბორჯომის მერიამ საკრებულოს დასამტკიცებლად ისევ გაზრდილი ხელფასები წარუდგინა