FM97.5 / LIVE

ასპინძაში სასპორტო სკოლა ააიპ–ად გადააკეთეს – იურისტებს კითხვები უჩნდებათ

მთავარისიახლე, საზოგადოება 07.02.2018
ასპინძის მუნიციპალიტეტმა სასპორტო სკოლას ააიპ–ის სტატუსი მიანიჭა. ამ ეტაპზე მისი ბიუჯეტი არ გაზრდილა, მაგრამ, ააიპ–ების რაოდენობა იურისტებში მაინც კითხვის ნიშნებს აჩენს.

ასპინძაში სასპორტო სკოლა ააიპ–ად გადააკეთეს – იურისტებს კითხვები უჩნდებათ

„სასპორტო გაერთიანების“ შექმნით, ასპინძაში არაკომერციული, არამოგებიანი იურიდიული პირის (ააიპ–ი) მქონე ორგანიზაციების რაოდენობა ათამდე გაიზარდა.

‘სასპორტო გაერთიანებამ’ ფუნქციონირება 1–ლი თებერვლიდან დაიწყო. ასპინძის მერიის ინფორმაციით, ახალ ააიპ–ში იმდენივე თანამშრომელია, რამდენიც სასპორტო სკოლაში იყო – 20. არც ხელმძღვანელი შეცვლილა, – ააიპ–ს სპორტსკოლის ყოფილი უფროსი ლევან მაზმიშვილი უხელმძღვანელებს.

„მხოლოდ დირექტორი დაენიშნა, ბიუჯეტი და თანამშრომლთა რაოდენობა იგივე დარჩა“, – აცხადებს ასპინძის მერის მოადგილე ლევან ბერიძე.

მერიაში ცვლილებას დაწესებულებისთვის სტატუსის ქონის აუცილებლობით ხსნიან. ააიპ–ის დირექტორი კი ამბობს, რომ სასპორტო სკოლაში სხვადასხვა კლუბები იყო და ახლა საშუალება აქვთ გააერთიანონ: „ჩვენი მთავარი მიზანი ისევ იგივე იქნება – სპორტული წრეების ფუნქციონირება და შეჯიბრებების ორგანიზება. ხუთი წრე გვაქვს: რაგბის, ფეხბურთის, მშვილდოსნობის, ბერძნულ–რომაული ჭიდაობის და ძიუდოს. ესენი დაყოფილი იყო კლუბებად, ახლა ყველას ერთ ა(ა)იპ–ში გავაერთიანებთ“.

2018 წლის ბიუჯეტის დამტკიცებისას, სასპორტო სკოლისთვის 126 000 ლარი იყო გათვალისწიებული. მერიაში ამბობენ, იგივე თანხა დარჩება ა(ა)იპ–ად გადაკეთების შემდეგაც. გასულ, 2017 წელს კი სასპორტო სკოლას დაფინანსება 140 000 ლარი ჰქონდა.

მიუხედავად იმისა, რომ ახალ ააიპ–ს ამ ეტაპზე არც დაფინანსება მომატებია და არც თანამშრომლები, ასპინძის ყოფილი გამგებელი ლევან ცაბაძე ამბობს, რომ ამ ააიპ–ის შექმნის საჭიროება არ იდგა: „ეს ყველაფერი ძველი კადრების გაშვებას და თავიანთი კადრების დამატებას ემსახურება. ჩემს პერიოდში იყო სპორტსკოლა, სადაც არაერთი სპორტის სახეობა იყო გაერთიანებული, ადმინისტრაცია არ ჰქონდა და კულტურისა და სპორტის სამსახური აკონტროლებდა. ახლა დირექტორი და ადმინისტრაცია დაუნიშნეს, რაც თავისთავად ზედმეტ ხარჯებს გულისხმობს“.

126 000 ლარიდან რა თანხა დაიხარჯება ხელფასებზე, ახალშექმნილ ააიპ–ში ჯერ ვერ გვპასუხობენ.

„გადაბარების პროცესში ვართ, შემდეგ ჩამოვყალიბდებით, ამ თანხის რა ოდენობას გადავანაწილებთ ხელფასებზე“, – ამბობს ლევან მაზმიშვილი.

„საერთაშორისო გამჭვირვალობა საქართველოს“ იურისტი გიგი ჩიხლაძე ამბობს, რომ თვითმმარველობებში ააიპ–ების რაოდენობას კანონმდებლობა არ არეგულირებს, თუმცა, მათი სიმრავლე თვალშისაცემია და საკითხი შესასწავლია: „თუ აუდიტი შევა და შეამოწმებს თითოეული ააიპ–ის ხარჯებს და მათი მუშაობის მიზანს, შეიძლება ბევრი პრობლემა აღმოჩნდეს. მუნიციპალიტეტს თუ შესაძლებლობა აქვს ხარჯები დაზოგოს ზოგიერთი ააიპ–ის გაერთიანებით, ასე უნდა იქცეოდეს“.

ამ ეტაპზე, ასპინძის მერიაში ათი ააიპ–ი და ერთი შპს ფუნქციონირებს.

შპს „კეთილმოწყობის სამსახური“ ;
ა(ა)იპ–ი „ასპინძის გარე–განათება“;
ა(ა)იპ–ი „საზოგადოებრივი ჯანდაცვა“;
ა(ა)იპ–ი „მუზეუმი“;
ა(ა)იპ–ი „სამუსიკო სკოლა“;
ა(ა)იპ–ი „ასპინძის მთავარი ბიბლიოთეკა“;
ა(ა)იპ–ი „სასპორტო გაერთიანება“;
ა(ა)იპ–ი „კულტურისა და ხელოვნების ცენტრი“;
ა(ა)იპ–ი „მელიორაცია „;
ა(ა)იპ–ი „ბაღების გაერთიანება“;
ა(ა)იპ–ი „შეზღუდული შესაძლებლობების მქონე პირთა უფლებების დაცვის ცენტრი“.

მათი ფუნქციონირებისთვის 2018 წლის ბიუჯეტიდან 1 356 000 ლარია გამოყოფილი.

[ლუბა გიორგაძე, ასპინძა]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

22.10.2020 ნინოწმინდაში საზოგადოებრივი ცენტრი გაიხსნა

21.10.2020 ‘ხშირად ჰგონიათ რომ შეღებილია’ – ვალელი ფერმერის იასამნისფერი კომბოსტო [ფოტო/ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

სამცხე-ჯავახეთში ააიპ–ებში 400 000–მდე პრემია–დანამატი გაიცა
ახალციხის მერია ააიპ–ების დაფინანსებას ზრდის
2018 წელს 13 ააიპ–ი ბიუჯეტიდან 4 მლნ ლარით დაფინანსდება
ახალციხეში სამი სამუსიკო სკოლა ერთ ააიპ–ად გაერთიანდა
ააიპ–ების ნაწილს ახალციხის მერია სუბსიდიას უმცირებს
ახალციხის საკრებულომ ააიპ-ების ანგარიში მოისმინა
ახალციხის ააიპ–ებს მეორადი კომპიუტერები გადასცეს